Galatia 5:1 - Sura Malelaha

¹ Kerisitu mokabahamoke hangko i Aturana Musa bona tou-tou mpuu tekabahake. Ido hai hangangaa tapatetida lalunta. Ineeke rapohawi hule.

Galatia 5:1 교차 참조

2 Korintu 3:17

Lawi Pue iami Inao Malelaha. Hai ane Inaona Pue maida i lalunta, ina tekabahake hangko i hinangka kuasa au mogaakike hangko i Pue.

Galatia 5:13

Halalu, Nakakiomoke Pue Ala bona tekabahake hangko i Aturana Musa. Agaiana inee tapehangu katekabahanta hangko i atura iti peisamoke tuwo moula peundeana lalunta. Aginari mombepokaahike hai mombetulungike hadua hai hadua.

1 Peturu 2:16

Katouana, ikita to Sarani, barapoke napohawi dosa. Lempona, barapoke mampeulai peundeana lalunta au kadake, lawi Nakabahamoke Pue Ala hangko i kuasa dosa. Agaiana, katekabahanta iti inee niporara mobabehi dake. Agina moulamokau peundeana Pue Ala, lawi hawiNa mpuumokau.

Roma 6:14

Ikita, barapoke nakuasai dosa, bara anti pampeulainta Aturana Musa, agaiana anti pampeulainta kabulana laluna Pue Ala.

Roma 8:2

Lawi anti pohintuwuta hai Kerisitu Yesu, Inao Malelaha moweike katuwo au wou hai mokabahake hangko i kuasa dosa au mopaara kapate.

Galatia 4:9

Agaiana ide-ide moisamokau Pue Ala. Moleri Pue Alami au ioru moisakau! Mewali, moapari hai moula hulekau ada hai hinangka kuasa dunia ide? Nipeulai ope-ope ada agama to Yahudi, mokadipurakau alo, wula hai pare au rapakanoto i lalu Aturana Musa. Ada hai atura iti bara mopaara pewati, hai barakau ina tekabaha hangko i dosami anti peulami i atura iti. Mewali, moapari hai nipeulai hule ada iti?

Ibarani 10:23

Hangangaa meharunga liliuke i Yesu, hai ineeke langa mopangaku kaIana Amputa, lawi Pue Ala mopabukei liliu dandiNa irikita.

Galatia 2:4

nauri ara au mopari-pari bona ratile. Ihira iti iamohe tauna au mouli katoSaraninda agaiana dongkonda pea. Mesua ngkandii-ndiihe i olongki lawi tunggaianda bona ope-ope to Sarani hangangaa mengkoruhe i Aturana Musa. Agaiana ikita barake paraluu mengkoru i atura iti bona manotoke i peitana Pue Ala. Ikita tekabahamoke hangko i aturana Musa anti pohintuwuta hai Kerisitu Yesu.

Galatia 4:31

Mewali, ikita ide halalu, barake nodo anana Hagari, au hawi katuwona. Ikita ide, nodoke anana Sara au bara hawi.

Pampetudungia 3:3

Ido hai Kuuliangaakau: hangangaa nikatuinao paturo au nihadi hai au nidoko hangkoia. Peulaimide apa au rapaturoakau iti, hai menosomokau hangko i dosami. Lawi ane barakau mainga-inga, bara ina niisa impira kahawengku, lawi kahaweNgku iti nodo kahawe topanangka.

2 Peturu 2:19

Rauli guru iti, “Ane nipeulai paturongki, ina tekabahakau hangko i atura-atura, hai peisa mobabehi apa pea peundeami.” Mole ihirari au tuwo nodo hawi, lawi nakuasaihe peundeana lalunda au kadake, hai hema au nakuasai peundeana laluna au kadake, lempona napohawi peundeana laluna iti.

1 Korintu 16:13

Mainga-ingakau. Nipakaroho pepoinalaimi! Nipakaroho lalumi! Mantahakau i pepoinalaimi!

Roma 7:6

Agaiana ide-ide, tekabahamoke hangko i Aturana Musa au motakake hangkoia lawi matemoke hihimbela hai Kerisitu. Mewali, barapoke moula rara au hae; moula atura-atura au teuki. Ide-ide moulamoke rara au wou; mengkoruke i Pue Ala anti kuasana Inao Malelaha.

Roma 6:18

Mewali, tekabahamokau hangko i kanapohawimi dosa, hai mewalimokau hawina Pue Ala au moula peundeaNa.

Suro 15:10

Mewali, halalu-halalu, moapari hai nipeinao mopaara karumpuna Pue Ala? Moapa hai nipeinao mopakasusahe hai ngkaia parenta au mapari hai palia au mantimi ntepuu? Mepongka i toiorunta hangkoia hawe irikita ide-ide, bara tabuku mampeulai ope-ope parenta hai palia iti!

1 Korintu 7:22

Hawi tuwonta ba bara, himbela peake i peitana Pue Ala. Lawi hadua hawi au nakakio Pue Ala mewali to Sarani, tekabahami hangko i huku dosana anti pohintuwuna hai Pue. Nodo wori, hadua tauna au bara hawi tuwona au nakakio Pue Ala mepoinalai i Pue Yesu, ina mewali hawina Kerisitu.

Yudasi 1:3

Halalu au kupokaahi! Nguru-nguruna au kekuukiakau i sura ide iami kana i katehorema au tahumba sambela hangko i Pue Ala. Agaiana ide-ide, tediimi lalungku mobaliki tunggaiaku au nguru-nguruna. Ide-ide kuukiakau sura ide bona nipakaroho pepoinalaimi i paturo au tou hai bona niewa liliuhe tauna au moanti paturo au sala. Lawi Pue Ala mopahawe paturo au tou irikita ope-ope au mewali kiraNa bona iti au tapoinalai, hai paturo iti bara peisa rabaliki.

Pilipi 1:27

Mewali, au paraluu irikamu iami babehiami hangangaa hintoto hai poulami Ngkora Marasa au hangko i Kerisitu. Hangangaa nibabehi nodo bona ane kupohidupaa manikau ba barapi, ina kuisa kamarohona pepoinalaimi hai kamarohona pohintuwumi i lalu pobagomi mobambari Ngkora Marasa.

Epesu 6:14

Mewali, nipakaroho peangkami hai parewa pombeala au hangko i Pue Ala. Nipakaroho peulami i paturo au tou kana i Pue mewali nodo pampou i pekomi. Nipamanoto babehiami mewali nodo badu besi au motabungi watami.

Pampetudungia 2:25

Nipeulai liliu apa au niisami duuNgku hawe.

Ibarani 4:14

Mewali, ara irikita hadua Tadulako Mpenomba Mahile au meliu kamahilena tuwoNa: iami Yesu Anana Pue Ala, au mengkaoremi mesua i suruga hai lao i lindona Pue Ala. Ido hai hangangaa tapakaroho pepoinalainta hai tapangaku liliu kaYesuna Amputa.

Ibarani 3:14

Lawi ikita ide mohintuwu hai Kerisitu, asala apa au tapoinalai hangko i nguru-nguruna takingki liliu hangko i lalunta au bara bata-bata duuna i kahopoana.

Ibarani 3:6

Agaiana Kerisitu, bara pea topobago. Ia Anana Pue Ala au matundu mampopolumao bagoNa nodo hadua tadulako au mokadipura ope-ope ihi souna Pue Ala. Ihi souna Pue Ala iti, ikita idemi, asala maroho liliu pepoinalainta hai meharunga liliuke i Pue Yesu duuna i kahopoana.

2 Tesalonika 2:15

Mewali halalu, nipakaroho pepoinalaimi, mekingki liliukau i hinangka au kipaturoamokau, maroa au kiuliangaakau ba au kiukiakau i lalu surangki.

1 Tesalonika 3:8

Mewali, maroho hulemi buungki, lawi maroho pepoinalaimi i Pue Yesu.

Galatia 4:26

Agaiana Sara iami towawinena Burahima au bara hawi. Ia nodo wanua Yerusale au i suruga. Sara itimi au tapoina, lawi tekabahamoke hangko i Aturana Musa; barapoke napohawi Atura iti.

Galatia 3:25

Ide-ide mepoinalaimoke i Kerisitu; ido hai barapoke nanini ba nakampai Aturana Musa.

1 Korintu 15:58

Mewali halalu au kupokaahi, hangangaa nipakaroho pepoinalaimi. Inee bata-bata lalumi. Hangangaa nipopolumao liliu bagona Pue, lawi niisa apa au nipobago i Pue bara ina mbero-mbero.

Matiu 23:4

Ihira mopahaleangiahe tauna bosa parenta hai ada agama au mantimi, agaiana bara mpuuhe motulungi tauna bosa mampeulai parenta hai ada iti.

Roma 7:3

Mewali, ane towawine iti tuwo mani tobalilona hai mombekadipura hai tobalilo ntani mebualosi hangana. Agaiana ane matemi tobalilona, barapi tetaka hai atura iti. Kehapiri motambi hai tobalilo ntanina, barapi masala.

Roma 8:15

Hangkoia, nodoke hawi, lawi langake i pehukuna Pue Ala. Agaiana ide-ide, anti polambitami Inao Malelaha, barapoke langa. Lawi Inao Malelaha itimi au mampopewalike anana Pue Ala. Hai anti pokalena Inao Malelaha, baimoke mokakio Pue Ala, “Uma!”

2 Korintu 11:20

Ane arahe guru au mampohawikau, nidokohe. Ane arahe au mopakanawokau hai mobagiukau, nidokohe. Ane arahe au mampemahile hai mohapakau, nitodiha pea.

Lukasi 5:38

Mewali anggoro au wou hangangaa rakando wori i pambolia au wou.