Galatia 4:26 - Sura Malelaha

²⁶ Agaiana Sara iami towawinena Burahima au bara hawi. Ia nodo wanua Yerusale au i suruga. Sara itimi au tapoina, lawi tekabahamoke hangko i Aturana Musa; barapoke napohawi Atura iti.

Galatia 4:26 교차 참조

Ibarani 12:22

Halalu, barakau mohungkuki bulu au nodo. Agaiana ide-ide molindomokau Bulu Sion hai wanua Yerusale au i suruga, au napaidai Pue Ala au tuwo. Molindokau isabuna malaeka au moguluhe i lalu katana-tana.

Pilipi 3:20

Agaiana halalu, ikita ampu surugake. Hai hangko indora mai, tapegia kahawena Amputa Yesu Kerisitu. Ia au mohoremake hangko i huku dosanta,

Pampetudungia 21:2

Hai kuita wanua au malelaha, au rahanga Yerusale wou, mendaulu mai hangko i suruga, hangko i Pue Ala. Meawa mpuu wanua iti, nodo hadua toratauna towawine au rahampii makara-kara mampegia toratauna tobalilo.

Pampetudungia 3:12

Hema au menangi, ina kupopewalihe arii i Souna Pue Ala i suruga. I watanda ina Kuuki hangana Pue Ala UmaNgku hai hangana wanuana Pue Ala. Wanua iti iami Yerusale au wou au mendaulu mai hangko i suruga hangko i Pue Ala UmaNgku. Nodo wori ina Kuuki i watanda hangaNgku au wou.

Galatia 4:22

Inditi teuki: Burahima rodua anana. Anana au hadua napoanaka Hagari, au hawi katuwona. Hai anana au hadua napoanaka towawinena au rahanga Sara, au bara hawi.

Roma 6:18

Mewali, tekabahamokau hangko i kanapohawimi dosa, hai mewalimokau hawina Pue Ala au moula peundeaNa.

Roma 6:14

Ikita, barapoke nakuasai dosa, bara anti pampeulainta Aturana Musa, agaiana anti pampeulainta kabulana laluna Pue Ala.

Yohane 8:36

Mewali, ane Kukabahakau hangko i dosami, tekabaha mpuumokau, lawi Iko, AnanaNa Pue Ala.

1 Peturu 2:16

Katouana, ikita to Sarani, barapoke napohawi dosa. Lempona, barapoke mampeulai peundeana lalunta au kadake, lawi Nakabahamoke Pue Ala hangko i kuasa dosa. Agaiana, katekabahanta iti inee niporara mobabehi dake. Agina moulamokau peundeana Pue Ala, lawi hawiNa mpuumokau.

Galatia 5:1

Kerisitu mokabahamoke hangko i Aturana Musa bona tou-tou mpuu tekabahake. Ido hai hangangaa tapatetida lalunta. Ineeke rapohawi hule.

Pampetudungia 17:5

I wingkena, teuki hanga au tewuniangi lempona, node: “Wanua Babeli au Mahile, inanda ope-ope tauna au kadake babehianda hai pentumbuana mampopengaa babehia au bara hintoto i dunia.”

Galatia 4:25

Mewali, Hagari au hawi tuwona rapandiri nodo Atura au nadoko Musa i wongko Bulu Sinai i tampo Arabia. Hai Hagari iti peisa wori rapandiri nodo wanua Yerusale au ara i dunia ide. Lawi ampu wanua Yerusale tuwohe nodo hawi, lawi mengkoruhe i Aturana Musa.

Pampetudungia 12:1

Roo indo, kuita i langi hambua tanda au mewulungai: ara hadua towawine au hampina nodo pewangka alo hai i woi bitina ara wula. I waana ara songko au rababehi hangko i hampulo hai roogu betue.