Galatia 4:25 - Sura Malelaha

²⁵ Mewali, Hagari au hawi tuwona rapandiri nodo Atura au nadoko Musa i wongko Bulu Sinai i tampo Arabia. Hai Hagari iti peisa wori rapandiri nodo wanua Yerusale au ara i dunia ide. Lawi ampu wanua Yerusale tuwohe nodo hawi, lawi mengkoruhe i Aturana Musa.

Galatia 4:25 교차 참조

Ibarani 12:18

Halalu, ide-ide ane mohungkukikau Pue Ala bara himbela hai to Isaraeli. Hangkoia Pue Ala mongkora i to Isaraeli hangko i Bulu Sinai i kaNaweinda AturaNa. Bulu iti, bulu biasa au peisa rapetobo. Tanganda to Isaraeli molindo bulu iti, moitamohe api au lolaa, rambu, gawu au makaindi, hai himburu kebuu.

Galatia 1:17

Bara worina hampai lao i wanua Yerusale meguru irihira au iorumohe mewali surona Pue Yesu. Agaiana laona hampai i tampo Ara, hangko mesule mbulirina lao i wanua Damsik.

Suro 1:11

Rauli tauna au rodua iti, “Ee to Galilea! Moapari hai mengoa liliukau? Yesu au niita teangka lao i suruga ina mai hule hangko i suruga nodo au niita inona.”

Lukasi 19:44

Ina marugikau, ikamu hai boeami hai ope-ope ihina, duuna barapi ara haogu watu i soumi au mentara i paidaana. Ope-ope iti hangangaa mewali, lawi bara niisa alo kamaina Pue Ala irikamu.”

Lukasi 13:34

To Yerusale, to Yerusale! Mopapatemokau nabi-nabi. Hai tauna au natudu Pue Ala lao irikamu, niwatuihe. Bosa belana Kupeinao mokalapuikau nodo hambaa manu ntina au motaoboki anana, agaiana bara niunde.

Matiu 23:37

“To Yerusale, to Yerusale! Mopapatemokau nabi-nabi. Hai tauna au natudu Pue Ala lao irikamu, niwatuihe. Bosa belana Kupeinao mokalapuikau nodo hambaa manu ntina au motaoboki anana, agaiana bara niunde.

Galatia 4:24

Tuntukana iti peisa mewali ngkora pandiri irikita. Towawine au rodua iti lempona rompaka dandi au nawei Pue Ala i manusia: dandi au hampaka mokanai Aturana Musa; hai dandi au hampakana iami dandi au nawei Pue Ala i Burahima. Ope-ope tauna au mampeulai Aturana Musa, katuwonda nodohe katuwo hawi, lawi mengkoruhe i Aturana Musa.

Galatia 4:26

Agaiana Sara iami towawinena Burahima au bara hawi. Ia nodo wanua Yerusale au i suruga. Sara itimi au tapoina, lawi tekabahamoke hangko i Aturana Musa; barapoke napohawi Atura iti.