Galatia 4:21 - Sura Malelaha

²¹ Halalungku, ikamu au mampeinao moula Aturana Musa, nipehadingi lolitangku! Ina kupakanotoakau apa au teuki i lalu Sura Aturana Musa.

Galatia 4:21 교차 참조

Galatia 3:10

I lalu Sura Malelaha hangkoia teuki node: “Hema-hema au bara mampeulai hinangka parenta au teuki i lalu Aturana Musa, batenda napaharara Pue Ala.” Mewali, halalu, taisa: ane ara tauna au napeinao mopamanoto watana i peitana Pue Ala anti pampeulaina Aturana Musa, batena ina harara i lindona Pue Ala. Lawi hema pae au peisa mampeulai ope-ope hai au bara ara kamasalana?

Roma 3:19

Hangko i Aturana Musa, taisa kadana ara tauna au manoto. Hai taisa ope-ope i Aturana Musa, mokanaihe to Yahudi au rawei atura iti. Mewali, bara ara hadua tauna au peisa mampololita kamanotona. Ope-ope tauna masalamohe i peitana Pue Ala.

Galatia 4:9

Agaiana ide-ide moisamokau Pue Ala. Moleri Pue Alami au ioru moisakau! Mewali, moapari hai moula hulekau ada hai hinangka kuasa dunia ide? Nipeulai ope-ope ada agama to Yahudi, mokadipurakau alo, wula hai pare au rapakanoto i lalu Aturana Musa. Ada hai atura iti bara mopaara pewati, hai barakau ina tekabaha hangko i dosami anti peulami i atura iti. Mewali, moapari hai nipeulai hule ada iti?

Roma 6:14

Ikita, barapoke nakuasai dosa, bara anti pampeulainta Aturana Musa, agaiana anti pampeulainta kabulana laluna Pue Ala.

Yohane 15:25

Agaiana batena nodo bona tepabukei apa au teuki i lalu Sura Aturanda au manguli: ‘Nauri bara ara salaNgku, rakahihiNa.’

Yohane 12:34

Rauli tauna bosa, “I lalu Aturana Pue Ala kibasa: Datu Topehompo tuwo hawe i hae-haena. Moapari hai Nuuli Ana Manusia hangangaa rapamapangka i kau mombehape? Hema Ana Manusia au Nutunggai iti?”

Yohane 10:34

Nauli Yesu, “I lalu Sura Aturami, teukimi lolitana Pue Ala i to Yahudi hangkoia au manguli node: ‘pue alakau.’

Lukasi 16:29

Nahanai Burahima: ‘Bara! Lawi arami surana Musa hai suranda nabi-nabi au raukiahe. Pogiangaamohe mampeulai apa au teuki i lalu sura iti.’

Markus 10:3

Nahanai Yesu, nauli, “Parenta apa au naweikau nabi Musa?”