Galatia 4:19 - Sura Malelaha

¹⁹ Halalu, kuimba mpuumokau anangku. Hai ide-ide mapari lalungku mampepekirikau. Kamaparina lalungku ide nodo kamaparina hadua towawine au ina moana. Hai ina mapari liliu lalungku duuna poantimi himbela hai poantina Kerisitu.

Galatia 4:19 교차 참조

Roma 8:29

Lawi tauna au Napileimohe, Napakanoto womohe hangko i nguru-nguruna bona mewalihe himbela hai AnaNa, hai AnaNa iti mewali au towutu i olonda halalu au bosa.

Epesu 4:13

duuna hambela tempo ina mewalike hampepekiri i lalu pepoinalainta, hai ina moisa ntepuuke Anana Pue Ala. Ina kanoto-notoake, duuna mewalike nodo Kerisitu au bara ara kamakuraNa.

Roma 13:14

Hangangaa tapeulai babehiana Pue Yesu Kerisitu i lalu katuwonta, inee tapeulai peundeana lalunta au kadake.

Epesu 4:24

Hai hangko inditi, hangangaa niula babehia wou au hintoto, lawi napopewalimokau Pue Ala manusia au wou, tunggaiana bona manoto hai malelahakau moula poantiNa haduduaNa.

Kolose 4:12

Tabea wori hangko i Epafras, hawina Kerisitu Yesu au hambomboeami. Napekakaea liliukau bona maroho peangkami hai manoto pepoinalaimi moula ope-ope peundeana Pue Ala bona datikau masala.

Kolose 3:10

hai ide-ide mohumbamoke katuwo au wou, lawi napopewalimoke Pue Ala manusia au wou. Ia mowouki liliu lalunta bona mampeulaike babehiaNa, hai bona moisake apa au tou kana Iria.

Pilipi 2:5

Poantita hangangaa nodo poantina Kerisitu Yesu.

Yakobu 1:18

Napopewalimoke anaNa moula peundeaNa haduduaNa melempo i Ngkora Marasa, au bara ara kamasalana, bona hangko i ope-ope au Napopewali, ikitami au Napokatana ntepuu.

Pilemo 1:10

hai kuperapi bona nudoko maroa woia ide anangku, Onesimus. Kupoanami, lawi tangangku ratarunggu inde, iko au mopaguru bona mepoinalai i Pue Yesu.

Kolose 1:27

Apa au tewuniangi hangkoia, ide-ide Naunde Pue Ala mopatongawa i taunaNa, iami noumba kamaroana hai kameawana tunggaiaNa irikamu au barakau to Yahudi. TunggaiaNa iti iami bona Kerisitu maida i lalumi, bona manoto kamolambimi wori katuwo au meawa hihimbela hai Pue Ala.

Kolose 2:1

Kupeinao bona niisa noumba kakupari-parina bago ide irikamu au bara manina niisa, tepesua ikamu au i wanua Kolose hai au ara i wanua Laodikia.

Pilipi 2:17

Halalu, i kakubambariami Ngkora Marasa hangkoia, mewalimokau mepoinalai i Pue Yesu, hai mopaisarekau katuwomi Iria bona moulakau peundeaNa. Mewali, kehapirina rahuku mate anti pobagongku mopahaweakau Ngkora Marasa, bara kupousulia. Batena kuuli liliu ngkaia kamaroana i Pue Ala, hai matanana hihimbela hai ikamu.

Pilipi 1:8

Pue Ala moisa ntepuu noumba kakukabilaimi, hai pekabilaingku ide nodo kamaahina Kerisitu Yesu irikamu.

1 Yohane 5:21

Anangku, hangangaa menomba peakau i Pue Ala, ineekau menomba i apa pea au ara i dunia ide. Hangko iriko YOHANE

1 Yohane 2:12

Anangku, kuukiakau sura ide, lawi teampungimi dosami i lalu Kerisitu.

1 Yohane 2:1

Anangku, ide kuukiakau bona ineekau mobabehi dosa. Agaiana ane ara au mobabehi dosa, arami hadua au mamperuruike i lindona Pue Ala Umanta, iami Yesu Kerisitu au manoto.

Ibarani 5:7

I tempona mani Yesu tuwo i lalu dunia ide, Ia meraroa hai moteria, mekakae hai mohowara pamperapiNa i Pue Ala au makuasa mokabaha hangko i kapate. Agaiana Yesu bara moula peundeaNa haduduaNa, batena mengkoru i peundeana Pue Ala. Ido hai Pue Ala mampehadingi pamperapiNa.

Titu 1:4

Sura ide kupakatu irio Titu, au kupoanamoko, lawi hampepepoinalaike. Mekakaena i Pue Ala Umanta hai i Kerisitu Yesu Datu Topehoremanta bona Nawatiko, hai Naweiko roa ngkatuwo.

Pilemo 1:19

hai au teuki ide, iko haduduangku au mouki: iko Paulu ina mobaiari ope-ope indana. (Barako paraluu kupopaingaa kaikona au mopahaweako Ngkora Marasa. Mewali, anti kamolambimu katuwo maroa, moinda woriko iriko.)

1 Timotiu 1:2

Sura ide kupakatu irio Timotiu au kupoanamoko lawi himbela pepoinalainta. Mekakaena i Pue Ala Umanta hai i Kerisitu Yesu Amputa bona Nawatiko, hai Natudungiako ahiNa, hai Naweiko roa ngkatuwo.

Lukasi 22:44

Mapari mpuu Nahadi, ido hai napari-pari mekakae. Anti kamasusana laluNa, tumbumi siwuniaNa nodo wahe mougu-ogu tudo i tampo.]

2 Korintu 12:14

Nipehadingi maroa! Ina laona mosondakikau i kataluna belana. Hai barana merapi apa-apa irikamu. Au kuhaoki, bara anu-anumi, agaiana lalumiri bona nipokaahina. Lawi barari anangkoi au mampasaokia paandena tosaenda; agaiana tosaeri au mampasaokia paandena ananda.

1 Tesalonika 2:7

Agaiana bara turu inaongki mobabehi nodo. I tempoki hihimbela hai ikamu, maalusu poantiki, nodo hadua ina au mokadipura anana.

3 Yohane 1:4

Rumihi mpuu kamatanangku mohadi bambari au manguli anangku moula liliu paturo au tou.