Galatia 4:12 - Sura Malelaha

¹² Halalungku to Galatia! Kuperapi bona nipeulai mpuu babehiangku. Lawi naurina to Yahudi, kukabahami peulangku i adanda to Yahudi bona mewalina nodo ikamu au barakau to Yahudi. Bara manina hambela modoko au bara maroa hangko irikamu.

Galatia 4:12 교차 참조

2 Korintu 2:5

Hangkoia ara hadua tauna i olomi au masala. Anti babehiana, mapari lalungku, hai ane Ia mopakasusa lalungku, apa mani lalumi. Agaiana bona inee gaga makasara lolitangku iria, kuuli pea ia mopakasusa lalunda bahangkia tauna i olomi.

Galatia 6:14

Agaiana iko, bara kuunde rapomahile i raoa hangko i kapatena Pue Yesu Kerisitu i kau mombehape. Lawi ope-ope au peisa raita i dunia ide hai au raimba mahile holona barapi ara bunduna iriko. Hai tauna i dunia ide, bara ara au tedii lalunda i apa au kupomahile.

Galatia 2:14

Kuisa mpuu kadana hintoto babehianda hai paturo au tou au tahumba i Ngkora Marasa. Ido hai kukambaroami Peturu i lindonda tauna bosa au teruhuhe inditi, kuuliangaa, “Oio to Yahudiko, agaiana biasamoko tuwo nodo tauna au bara to Yahudi. Ide-ide barapi paraluu nupeulai ada to Yahudi. Mewali, moapari hai nupeinao mopari-pari to Sarani au barahe to Yahudi bona mampeulaihe adanda to Yahudi?”

2 Korintu 6:13

I lolitangku ide, nodona mopaturo anangku haduduangku: nibungkahia wongkamia lalumi!

Suro 21:21

Agaiana mohadimohe bambari kana irio. Rauli, nupaturohe to Yahudi au mampogaloa tauna au barahe to Yahudi bona barapohe mampeulai Aturana Musa. Rauli, nupaturohe bona ineehe motile ananda hai ineehe mampeulai adanda toiorunta hangkoia.

Galatia 6:18

Halalu-halalungku! Amputa Yesu Kerisitu, mowatikau ope-ope. Amin. Hangko iriko PAULU

2 Korintu 6:11

Halalungku to Korintu! Lolitangki manoto, hai bara ara au kiwuniangi irikamu. Niita mpuumi kamaahina lalungki irikamu.

Galatia 4:11

Au kupokalanga, bara ina mobundu kamawowengku mopahawe Ngkora Marasa irikamu.

Galatia 4:13

Manoto nikatuinao mani kahawengku i boeami nguru-nguruna hai popahawengku Ngkora Marasa irikamu lawi tempo iti mahaina.