Galatia 3:20 - Sura Malelaha

²⁰ Mewali, Aturana Pue rapahawe i manusia melempo i Musa. Agaiana i kanapahawena Pue Ala dandiNa i Burahima, bara ara au mosarungkoroi. Batena pea Pue Ala haduduaNa au mopahawe dandi iti.

Galatia 3:20 교차 참조

1 Timotiu 2:5

Hadua pea Pue Ala, hai hadua pea wori au peisa mopahintuwu Pue Ala hai manusia. Topepahintuwu iti, manusia wori, iami Kerisitu Yesu.

Ibarani 9:15

Anti popenombaNa au bara ara kamakuraNa, Kerisitu mewali Nente au mopahawe podandi au wou, au mopahintuwu manusia hai Pue Ala. Iti Nababehi bona ope-ope tauna au nakakio Pue Ala molambi pewati au bara mokahopoa moula apa au nadandiahe Pue Ala i anaNa. Lawi i tempona mani ara podandi au nguru-nguruna au napahawe Musa, manusia moliungi Aturana Pue Ala. Ido hai Kerisitu mate mohompo peliunginda iti.

Ibarani 8:6

Agaiana pobagona Pue Yesu meliu kamaroana hangko i pobagonda tadulako mpenomba i dunia ide, lawi Yesu mewali nente au mopahawemi podandina Pue Ala au wou, au melumbu kamaroana hangko i podandi au napahawemi Musa. Hai hangko i podandi au wou iti, molambike dandina Pue Ala au meruu kamaroana.

Ibarani 12:24

Hawemokau i Yesu, au mewali nente, au mopakaroho dandina Pue Ala au wou au mopahintuwu manusia hai Pue Ala. I tempona Yesu rapapate, mabubumi waheNa. Hai waheNa iti masuli hangko i wahena Habeli hangkoia.

Galatia 3:17

Mewali halalu, idemi lempona ngkora pandiriku inona: nguru-nguruna Pue Ala mopenemi dandiNa i Burahima. Iba atuna hai talu pulona parena roo indo, Ia mowei wori AturaNa Musa. Agaiana Atura iti bara mpuu mobaliki dandina Pue Ala au Napaarami hangkoia i Burahima. DandiNa iti batena mewali.

Suro 12:20

Hambela tempo rumpumi Herode i to Tirus hai to Sidon. Mogombomohe to Tirus hai i to Sidon iti, hai laohe hihimbela i Herode. Nguru-nguruna moore-orehe Blastus, topobago i souna Herode, bona ntanda irihira. Blastus mamporangaihe lao i datu Herode bona modamehe. Iti rababehi lawi to Tirus hai to Sidon molambihe paandenda hangko i tampo au naparenta Herode.