Galatia 3:17 - Sura Malelaha

¹⁷ Mewali halalu, idemi lempona ngkora pandiriku inona: nguru-nguruna Pue Ala mopenemi dandiNa i Burahima. Iba atuna hai talu pulona parena roo indo, Ia mowei wori AturaNa Musa. Agaiana Atura iti bara mpuu mobaliki dandina Pue Ala au Napaarami hangkoia i Burahima. DandiNa iti batena mewali.

Galatia 3:17 교차 참조

2 Korintu 1:20

Lawi Yesumi au mopabukei ope-ope dandiNa Pue Ala irikita. Meangka hangko indo mohowarangkai “Amin” i Pue Ala, i lalu pohintuwuta hai Yesu Kerisitu bona Pue Ala rapomahile.

Roma 3:3

Noumba ane arahe to Yahudi au barahe mepoinalai i Pue Ala? Nauri nodo, Pue Ala batena mopabukei dandiNa irihira.

Kolose 2:4

Ope-ope ide kuuliangaakau datikau rapakanawo tauna au moakalangikau hai lolita au momi.

Galatia 5:4

Mewali hema pea au mampeulai Aturana Musa bona raimba manoto, lempona mobotuki pohintuwumi hai Kerisitu. Hai barapokau tuwo i lalu kabulana laluNa Pue Ala.

Galatia 3:15

Halalu, kuala pandiri hangko i katuwonta alo-alona. Pandirina node: ara hadua tauna au mouki sura podandi. Ane sura iti ratekengi hai rapekatandai moula atura topoparenta, ihina barapi peisa ratambai tauna ntanina hai tunggaiana barapi peisa rabaliki.

1 Korintu 1:17

Barana Naangka Kerisitu mewali suroNa bona moriuna tauna, agaiana Naangkana bona moantina Ngkora Marasa. Ane mopahawena Ngkora Marasa, barana mololita hangko i kamapandeku datihe ara tauna au mampoinalai i Kerisitu anti kamapandeku mololita, agaiana mepoinalaihe anti kuasa kapatena Kerisitu, bona kapatena Yesu i kau mombehape, bara mbero-mbero.

Yohane 1:17

Au tadoko hangko i Musa hangkoia iami aturana Pue Ala. Agaiana au tadoko hangko i Yesu Kerisitu melumbu hangko indo iami kabulana laluna Pue Ala hai paturoNa au manoto.

1 Peturu 1:20

Hangko damani dunia rapopewali, Yesumi au napakanoto Pue Ala mewali Topehompo. Ide-ide, i tempona hungkumi kahopoa dunia, Ia hawemi bona mohuru dosami.

Ibarani 11:13

Ope-ope tauna iti mampoinalai liliuhe dandina Pue Ala duuna i kapatenda, agaiana bara manihe mohumba apa au nadandiahe Pue Ala. Peisa tauli: moita ngkarao peahe pewalina. Raisa mahae mani hangko mewaliri. Agaiana nauri nodo, bara bata-bata lalunda i dandina Pue Ala. Matana mpuuhe mampegia pewalina, ido hai rauli: tuwohe i dunia ide nodo pea torare ba topolilo.

Ibarani 7:18

Atura au nauki Musa, au ngkaia kamakurana hai barapi mobundu, rakabahami.

Epesu 4:17

Mewali, hai kuasa au naweina Pue, kuuli hai kupaturoakau: Ineemokau tuwo nodo katuwomi hangkoia au bara moisa Pue Ala, lawi au rapekiri bara mobundu

Galatia 3:21

Kaliliuana halalu, Aturana Musa bara moewa tunggaiana dandina Pue Ala. Ane rapana, peisa tapeulai atura-atura iti bona molambike katuwo maroa, lempona atura itimi au mewali raranta mopamanoto watanta i peitana Pue Ala.

2 Korintu 9:6

Nipailalu lolitangku ide: apa au tatuda, iti wori au tapupu. Tauna au motuda haodi, haodi pea au napupu. Tauna au motuda ngkaia, ngkaia wori au napupu.

1 Korintu 10:19

Apa tunggaiaku manguli nodo? Bara kuuli ara pue ntanina hangko i Pue Ala. Hai bara wori kuuli, ara bunduna paande au rapopenomba i anitu. Bara mobundu!

1 Korintu 7:29

Halalu, tunggaiaku node: ikita to Sarani, hangangaa takatuinao kadanapi ngkaia tempota i dunia ide. Ido hai kuuli, mepongka ide-ide, ikamu au motambimokau, inee nipaioru potambimi. Batena bagona Pue au hangangaa tapaioru.

1 Korintu 1:12

Mololitana nodo lawi arakau au mampeinao mampopontani hadua hai hadua. Arakau au manguli, “Iko meula i Paulu.” Arakau au manguli, “Iko meula i Apolo.” Au ntanina wori manguli, “Iko meula i Peturu.” Ara mbuli au manguli: “Iko meula i Kerisitu.”

Roma 3:25

Moula popakanotona Pue Ala, Yesu rapapate hai waheNa tebumbuha. Iti nababehi Pue Ala bona Yesu rahuku mohalea dosa manusia bona teampungi dosanta ane mepoinalaike Iria. Hangko damani Yesu mate, Pue Ala bara mohuku manusia au madosa anti kasabaraNa.

Suro 7:6

Agaiana mololitami Pue Ala i Burahima, Nauli: ‘Pemuleamu ina maidahe i tamponda tauna ntanina. Ina rapohawihe hai rapopeahi-ahihe ampu boea i tampo iti i lalu iba atuna parena.

Galatia 5:16

Tunggaiaku node: hangangaa naninike Inao Malelaha bona datike mampeulai peundeana lalunta au kadake.

Epesu 2:12

I tempo iti, barakau mohintuwu hai Kerisitu. Ikamu tauna au tepairaoa; barakau teimba to Yahudi au napileihe Pue Ala mewali taunaNa. Bara ara kirami i lalu dandina Pue Ala i to Isaraeli. Tuwokau i dunia ide, bara ara peharungami, hai barakau moisa Pue Ala.