Galatia 3:13 - Sura Malelaha

¹³ Ikita ope-ope hintoto napaharara Pue Ala, lawi moliungike Aturana Musa. Agaiana nauri nodo, Nakabahamoke Kerisitu hangko i pepaharara iti. Teuki i lalu Sura Malelaha hangkoia node: “Ane ara tauna au rapapate i kau mombehape, manoto tauna iti harara i Pue Ala.” Mewali, kapatena Kerisitu i kau mombehape, mopahuruke molambi pepaharara hangko i Pue Ala au katouana hangangaa morumpake.

Galatia 3:13 교차 참조

1 Peturu 2:24

Yesu haduduana mohalea huku dosanta i karapapateNa i kau mombehape bona tekabahake hangko i kuasa dosa hai tuwoke moula peundeana Pue Ala. KapateNa iti moanti katuwo maroa irikita.

Ibarani 9:12

I tempoNa mesua i lalu Bambaru Malelaha, Ia liliu lao i lalu Hologa Malelaha Ntepuu molindo Pue Ala. Hai wahe au Naanti mesua, bara wahe towau laki ba wahe ana japi laki, agaiana waheNa haduduaNa. PesuaNa iti, hambela pea i hae-haena, lawi hai waheNa iti, Ia mohompomi dosanta hawe i hae-haena.

Ibarani 9:15

Anti popenombaNa au bara ara kamakuraNa, Kerisitu mewali Nente au mopahawe podandi au wou, au mopahintuwu manusia hai Pue Ala. Iti Nababehi bona ope-ope tauna au nakakio Pue Ala molambi pewati au bara mokahopoa moula apa au nadandiahe Pue Ala i anaNa. Lawi i tempona mani ara podandi au nguru-nguruna au napahawe Musa, manusia moliungi Aturana Pue Ala. Ido hai Kerisitu mate mohompo peliunginda iti.

Pampetudungia 5:9

Monani-nanimohe hambua nani au wou, rauli: “Oiomi au hintoto modoko sura iti hai mobungkahi penena lawi rapapatemoKo; Hai waheMu au mabubu i kapateMu, Nupopoholomohe tauna i humalele dunia, i ope-ope kadatua, i ope-ope pemulea hai i hinangka basa. Hai Nuhuhuhe i Pue Ala.

Matiu 26:28

Lawi idemi waheNgku au tebumbuha i kapateNgku. WaheNgku ide mopakaroho dandina Pue Ala au mopahintuwu Pue Ala hai manusia bona teampungi dosanda.

Galatia 4:5

Pue Ala motudu AnaNa mai i dunia bona mokabahake hangko i Aturana Musa hai peisake mewali anaNa.

Pampetudungia 1:5

hai hangko i Yesu Kerisitu, Sabi au manoto. Iami au nguru-nguruna tuwo hule hangko i kapate hai au makuasa moparenta ope-ope datu i dunia. Yesu mampokakaiake, hai Ia mokira wataNa rapapate bona tekabahake hangko i huku dosanta,

1 Yohane 4:10

Idemi au rauli ahi: bara ikita au nguru-nguruna mampokaahi Pue Ala, agaiana Pue Alari au nguru-nguruna mampokaahike, ido hai motudu mai AnaNa mewali pahuruna watanta bona teampungi dosanta.

1 Peturu 3:18

Lawi ara wori hadua au molambi kapari, iami Kerisitu. Ia hambela pea mokira wataNa rapapate bona mohalea dosa manusia. Ia au bara ara salaNa mopahuruke au masala bona moantike i Pue Ala. Ia rapapate, agaiana rapatuwo hule anti kuasana Inao Malelaha.

Ibarani 9:28

Nodo wori, Kerisitu hambela pea mohuhu wataNa i Pue Ala mohalea dosa tauna bosa. Hai hambela tempo, Ia ina mai i karombelana i dunia ide. Kamaina iti, barapi mai mohalea dosanta. Agaiana mairi moanti katehorema i tauna au mampepegia kahaweNa.

Ibarani 9:26

Lawi ane rapana nodo, kebosa belana Ia hangangaa mantodiha kapari duuna mate mepongka hangko i pewalina dunia hangkoia. Mewali, ide-ide hawe i kahopoa dunia au tepakanotomi, Ia mai i dunia moumpahi dosa manusia hambela pea, i pohuhuNa wataNa rapapate.

Titu 2:14

Yesu mokirami wataNa rapapate mohuru dosanta bona Nakabahake hangko i ope-ope babehianta au kadake, hai Napopewalike taunaNa au malelaha hai au madota mobabehi au maroa.

Galatia 3:10

I lalu Sura Malelaha hangkoia teuki node: “Hema-hema au bara mampeulai hinangka parenta au teuki i lalu Aturana Musa, batenda napaharara Pue Ala.” Mewali, halalu, taisa: ane ara tauna au napeinao mopamanoto watana i peitana Pue Ala anti pampeulaina Aturana Musa, batena ina harara i lindona Pue Ala. Lawi hema pae au peisa mampeulai ope-ope hai au bara ara kamasalana?

2 Korintu 5:21

Kerisitu, bara madosa, agaiana napahimbela Pue Ala tauna madosa hai Napahaleangi dosanta. Tunggaiana Pue Ala bona ikita au mohintuwu hai Kerisitu raimbamoke manoto i peitaNa.

Suro 5:30

Yesu, au nipapatemi i kau mombehape, napatuwo hulemi Pue Ala au rapenombai toiorunta,

Roma 4:25

Yesu itimi au mokira wataNa rapapate mohuru salanta. Hai roo indo, Pue Ala mopatuwo hule Yesu bona mewalike manoto i peitaNa.

Epesu 5:2

I babehianta alo-alona, hangangaa maahike i ranganta, nodo Kerisitu maahimi Irikita. Anti kamaahiNa irikita, Ia mokira wataNa rapapate mopahuruke. Babehia iti mopakatana laluna Pue Ala, nodo popenomba mawongi au rahuhu Iria.

Roma 9:3

Ane kepeisa, aginami iko au rapaharara hai ragaakina hangko i Kerisitu, asala halalungku to Yahudi rakabahahe hangko i huku dosanda.

Pampetudungia 13:8

Ope-ope tauna au maida i dunia menomba iria. Au bara menomba iria, batena pearaihe tauna au teuki hanganda i lalu Sura Ngkatuwo hangko damani dunia rapopewali. Sura Ngkatuwo iti, iami surana Ana Dimba au rasambale. I lalu sura iti, teuki hanganda tauna au molambi katuwo maroa au bara mokahopoa.

Matiu 27:5

Hangko indo, Yudasi motendemi doi iti i lalu Souna Pue Ala, hai lao menoo.