Galatia 2:6 - Sura Malelaha

⁶ Mewali, tadulako i Yerusale au mapangka lantinda barahe motambai ba apa pea i paturongku. (Au mapangka lantinda ba bara, himbela peake ope-ope, lawi Pue Ala bara mampopontani tauna.)

Galatia 2:6 교차 참조

Galatia 2:2

Laona i Yerusale lawi Napatongawami Pue Ala iriko hangangaa laona. Kahawengku i Yerusale, kupombelambiamohe penatua hai mogombongkai. Kupahaweamohe kana i pobambaringku Ngkora Marasa i tauna au barahe to Yahudi. Kupahaweahe lawi kupokalanga: paturongku ina rasalai duuna barapi ara bunduna pobagongku mopaturo tauna kana i Ngkora Marasa, maroa au roomi kupobago, maroa au tangana mani kupobago.

Suro 10:34

Napepongkami Peturu mololita, nauli, “Ide-ide kuisa mpuumi, Pue Ala bara mampopontani tauna.

2 Korintu 12:11

Ane inona mololitamona nodo tontuli, ikamu au mampopewalina node. Katouana ikamuri au hangangaa motoiana. Lawi kehapina malede, barato worina tepaiwoi hangko i suro ntanina au mampemapande gagahe iti.

Galatia 6:3

Ane ara hadua tauna au moimba tuwona melumbu, moleri barato, himbela pea mampodongkoa watana haduduana.

2 Korintu 11:5

Guru iti mampomahile peahe watanda haduduanda, agaiana kuperapi bona nipeulai paturongku, lawi bara tepaiwoi tuwongku hangko irihira.

Roma 2:11

Lawi Pue Ala bara mampopontani tauna.

1 Peturu 1:17

Halalu, ane niuli Pue Ala iti, Umami, hangangaa mengkorukau i Pue Ala tempomi mani maida i dunia ide, nodokau topolilo. Lawi Pue Ala au nipouma iti, iami Topobotusi kara-karanda ope-ope tauna moula babehianda, hai Ia bara mampopontani tauna.

Ibarani 13:17

Nipeulaimi hawanda tadulakomi hai mengkorukau irihira. Lawi ihira au mokadipura katuwomi, hai au hangangaa mohanaihe Pue Ala kana i pobagonda. Nipeulai hawanda bona matanahe mobago. Ane bara nipeulai hawanda, ina masusa lalunda, hai ane nodo barapi ina ara pobunduana irikamu.

Ibarani 13:7

Hangangaa nikatuinao liliuhe tadulakomi au mopahaweamokau Ngkorana Pue Ala. Nipeita noumba tuwonda hawe i kapatenda, hai nipeulai pepoinalainda.

2 Korintu 5:16

Mewali, ido hai barapongkai mampeita tauna moula apa au raita i raoa. Hangkoia kiuli, Kerisitu manusia biasa pea, agaiana ide-ide barapi nodo pekiringki.

Lukasi 20:21

Kahawenda i Yesu, rauliangaa, “Guru, kiisa katouna lolitaMu hai ope-ope paturoMu. MepaturoKo i katou-touana moula peundeana Pue Ala, hai baraKo mampopontani tauna.

Markus 12:14

Kahawenda i Yesu, rauliangaa, “Guru, kiisa Oio tauna manotoKo. MepaturoKo i katou-touana moula peundeana Pue Ala. Barako langa i hema pea, lawi baraKo mampopontani tauna. Ido hai mekunengkai Irio: moula atura agamanta, ba hintoto ane mobaiarike asele i Kaisar, ba bara?”

Matiu 22:16

Ido hai rapohawaamohe bahangkia topegurunda hai bahangkia taunana Datu Herode lao i Yesu. Kahawenda, rauliangaa, “Guru, kiisami kaOiona tauna au manoto. MepaturoKo i katou-touana moula peundeana Pue Ala. Bara Nupeulai pampekirinda hema pea, lawi baraKo mampopontani tauna.

Suro 5:36

Lawi bahangkia parena liu, ara hadua tobalilo au rahanga Teudas au mopahawe kaiana tauna au makuasa. Mewali, bosa tauna meula iria, ba aratomohe pae iba atuna. Agaiana kahopoana ia rapapate, hai topeguruna mahawuhe, alana pepaturona barapi pulo.