Galatia 2:21 - Sura Malelaha

²¹ Pue Ala mopamanotomoke i peitaNa hangko i kabulana laluNa. Mewali, bara maroa ane tasapuaka kabulana laluNa iti. Ane rapana, peisake mewali manoto i peitaNa anti peulanta i Aturana Musa, iti lempona kapatena Kerisitu bara ara bunduna.

Galatia 2:21 교차 참조

Roma 11:6

Napileihe bara anti kamaroana babehianda. Lawi ane rapana, Napileihe bona mohurungi babehianda au maroa, lempona kabulana laluna Pue Ala barapi buke.

Galatia 3:21

Kaliliuana halalu, Aturana Musa bara moewa tunggaiana dandina Pue Ala. Ane rapana, peisa tapeulai atura-atura iti bona molambike katuwo maroa, lempona atura itimi au mewali raranta mopamanoto watanta i peitana Pue Ala.

Ibarani 7:11

Pue Ala mopahawe aturaNa i to Yahudi melempo i pemuleana Lewi au Naangkahe mewali tadulako mpenomba, agaiana i kanatadalukoinda Haruni barahe mewali manoto i peitana Pue Ala. Ido hai Pue Ala moangka hadua tadulako mpenomba ntanina, himbela hai Melkisedek, au bara hangko i pemuleana Haruni.

1 Korintu 15:14

Ane rapana Kerisitu bara tuwo hule, bara ara bunduna pobagongki mopahawe Ngkora Marasa, hai bara wori ara pobunduana pepoinalaimi. Lawi ane Kerisitu bara tuwo hule, mampoinalaimokau bambari au bara tou.

Galatia 2:16

Nauri nodo, kiisa kadana babehiangki au maroa ba pampeulaingki Aturana Musa au mopamanotongkai i peitana Pue Ala. Ane taunde mewali manoto i peitana Pue Ala, hangangaa mampoinalaike Kerisitu Yesu. Ido hai mepoinalaimongkai i Kerisitu bona mewalingkai manoto i peitana Pue Ala. Barapi kiharunga peulanta i Aturana Musa, lawi bara ara hadua tauna au mewali manoto i peitana Pue Ala anti peulana i parenta-parenta au ara i Aturana Musa.

Roma 10:3

Barahe mengkoru i Kerisitu bona mewalihe manoto i peitana Pue Ala. Raunde mpuu moula raranda haduduanda, mampeinaohe mopakanoto watanda i poulanda Aturana Musa.

1 Korintu 15:2

Tehoremakau hangko i huku dosami, asala mepoinalai liliukau i Ngkora Marasa au kupahaweakau. Ane bara, mbero-mbero pea pepoinalaimi iti.

Galatia 2:18

Agaiana ane rapana, kukabaha peulangku i Aturana Musa hai roo indo kuula hule atura iti lawi kupeinao mewali manoto i peitana Pue Ala, madosa mpuuna.

Roma 8:31

Ane tapailalu ope-ope au nababehi Pue Ala iti, marohomi lalunta. Ane natulungike Pue Ala, hema pae au ina moewake!

Markus 7:9

Hangko inditi, nauliangaa mbulihe Yesu, “Mapande mpuukau mopakarao hawana Pue Ala hangko i katuwomi bona adami pea haduduami au nipeulai.

1 Korintu 15:17

Hai ane Kerisitu bara rapatuwo hule, bara mobundu pepoinalaimi hai barakau ina tekabaha hangko i huku dosami.

Roma 4:25

Yesu itimi au mokira wataNa rapapate mohuru salanta. Hai roo indo, Pue Ala mopatuwo hule Yesu bona mewalike manoto i peitaNa.