Galatia 2:2 - Sura Malelaha

² Laona i Yerusale lawi Napatongawami Pue Ala iriko hangangaa laona. Kahawengku i Yerusale, kupombelambiamohe penatua hai mogombongkai. Kupahaweamohe kana i pobambaringku Ngkora Marasa i tauna au barahe to Yahudi. Kupahaweahe lawi kupokalanga: paturongku ina rasalai duuna barapi ara bunduna pobagongku mopaturo tauna kana i Ngkora Marasa, maroa au roomi kupobago, maroa au tangana mani kupobago.

Galatia 2:2 교차 참조

Galatia 2:6

Mewali, tadulako i Yerusale au mapangka lantinda barahe motambai ba apa pea i paturongku. (Au mapangka lantinda ba bara, himbela peake ope-ope, lawi Pue Ala bara mampopontani tauna.)

Pilipi 2:16

i lalu pobambarimi Ngkora Marasa au mopaara katuwo maroa. Mewali halalu, ane nodo liliu babehiami, ina matana lalungku i kahawena hule Kerisitu, lawi babehiami iti ina mopakanoto kadana mbero-mbero pobagongku i olomi; ara mpuu wuana.

1 Tesalonika 3:5

Ido hai kutudu Timotiu lao irikamu bona kuisa noumba pepoinalaimi, lawi barapi kubuku motaha kamabilangku. Hai kupokalanga, nakelokau pae Datu Tokadake duuna napakanawokau hai barapi mobundu pobagongki mobambari Ngkora Marasa irikamu.

Galatia 2:9

Mewali, Yakobu, Peturu hai Yohane iti, au rauli tadulakonda ope-ope to Sarani i Yerusale, mololitahe rauli, “Tou, Paulu nakakio Pue Yesu mewali suroNa.” Mewali iko hai Baranaba radoko maroangkai. Mombetabemongkai mewali tanda kahintuwungki. I tempo iti, himpudumongkai bona ihira au mopahawe Ngkora Marasa i to Yahudi, hai ikami au mopahawe Ngkora Marasa i tauna au barahe to Yahudi.

1 Korintu 9:26

Tauna au momberiri melangka, barahe melangka mbero, ara mpuu au ratunggai. Tauna au motinju, bara peunde-undeanda pea mejangguru. Nodo wori iko, peisana rapandiri nodo tauna au melangka ba au motinju, lawi barana mobago mbero-mbero. Apa au kubabehi, kubabehi bona molambina parasee.

1 Korintu 1:23

Agaiana ikami, mopahawe peangkai kapatena Kerisitu au rapaku i kau mombehape. Bambari iti rapokakoinao to Yahudi, hai i tauna au barahe to Yahudi, bambari iti raimba pea lolita tontuli.

1 Korintu 9:24

Halalu, niisa ane tauna momberiri melangka, bosa tauna au melangka, agaiana hadua pea au molambi parasee. Ikamu wori halalu peisa rapandiri nodo tauna au momberiri melangka; hangangaa nipari-pari moula peundeana Pue Ala duuna molambikau parasee.

1 Korintu 2:2

Lawi kupakanotomi i lalungku: mepongka i kahawengku irikamu, barana ina mampololita au ntanina, batena pea Yesu Datu Topehompo au mate rapaku i kau mombehape.

Suro 15:12

Mewali ope-ope tauna au teruhu iti mandii-ndii pearaihe mampehadingi lolitanda Baranaba hai Paulu kana i tanda kuasa au rababehi hai kuasana Pue Ala tanganda i boeanda tauna au barahe to Yahudi.

Suro 15:4

Kahawenda i Yerusale, radoko maroahe to Sarani hai surona Pue Yesu hai penatua-penatua au ara inditi. Paulu hai Baranaba motuntuahe ope-ope au nababehi Pue Ala i polumaoanda hangkoia mobambari Ngkora Marasa i tamponda tauna au barahe to Yahudi.

Pilipi 2:29

Mewali, hangangaa nidoko i katana lalumi nodo au nibabehi i ope-ope halalunta hampepepoinalai. Nibila wori ope-ope tauna au himbela poantinda hai ia.

Galatia 1:16

Napopaitaamona AnaNa bona kubambari kana Iria i ope-ope tauna au barahe to Yahudi, hai i tempo iti barana lao merapi paturo i tauna.

Suro 23:11

Kaindi iti, i karombenginami Paulu i sou surodado iti, unga pea Pue Yesu meangka i holana Paulu, Nauli, “Pakaroho lalumu. KuposabimoKo inde i Yerusale, hai batena ina kuposabi woriKo i wanua Roma.”

Suro 18:9

I tanga kaindi, Paulu moita mbuli hambua pampetudungia. I lalu pampetudungia iti, nauliangaa Pue, “Ineeko langa, hai inee nupengkaroongaa mopahawe NgkoraKu i wanua Korintu,

Suro 5:34

Agaiana i olonda tadulako iti, ara hadua toParisi au rahanga Gamaliel. Gamaliel iti, guru agama au rabila ope-ope tauna. Meangkami Gamaliel motudu tauna moantihe suro iti lao hampai i raoa.

Matiu 10:16

“Maroa-roakau, lawi Kutudukau lao i tauna au kadake. Ikamu ina nodo dimba i olonda serigala. Hangangaa mapande-pandekau nodo ile, agaiana hangangaa nipamaalusu wori poantimi nodo tadasi manggebodo.

Suro 15:2

Agaiana Paulu hai Baranaba, rumihi poewanda paturo iti. Kahopoana, rabotusi bona Paulu, Baranaba, hai bahangkia tauna ntanina au mepoinalai i Yesu lao mopahawe kara-kara iti i surona Pue Yesu hai penatua-penatua i Yerusale.

Roma 9:16

Mewali, ane Pue Ala mampeinao motudungia ahiNa i hadua tauna, bara peundeana manusia au mopakanoto iti, bara wori rapakanoto anti babehiana manusia. Pue Ala peari au mopakanoto.

2 Korintu 12:1

Bara ara bunduna motoiake watanta haduduanta. Agaiana nauri nodo, kutoia liliu watangku haduduangku. Ina mampololitana apa au napopaitaa hai rapatongawaana Pue.

Galatia 1:6

Kupotingkara mpuu halalu! Bara manikau mahae nakakio Pue Ala anti kabulana laluna Kerisitu bona mampoinalaikau Ngkora Marasa. Agaiana ide-ide barapokau mengkoru i Pue Ala, moularikau paturo au ntanina.

Galatia 1:12

Ngkora Marasa iti, bara kudoko hangko i manusia, bara wori ara tauna au mopaguruana. Agaiana Yesu Kerisitumi au mopahawe Ngkora Marasa iti iriko.

Galatia 5:7

Hangkoia, peulami i Ngkora Marasa maroa. Hemarihe au mohombokikau pane barapokau mampeulai paturo au tou?

2 Timotiu 4:7

Kupeulai maroami rara au napakanotoana Pue. Kupahopomi bagongku. Pepoinalaingku bara tebali hawe i kahopoana.

Ibarani 12:1

Halalu! Peisa tauli: ope-ope tauna au maroho pepoinalainda iti motolelikike hai mosabiki katuwonta. Ido hai kuhuweki lalunta bona tatende ope-ope au doko mohomboki raranta meula i Pue. Ikita ide nodo tauna au momberiri. Hangangaa tatende dosanta au montimihike, hai mantahake moula rara au napakanotoake Pue Ala.