Galatia 2:15 - Sura Malelaha

¹⁵ Ikami to Yahudi hangko i pesupangkipi; bara kadake babehiangki nodo tauna au bara moisa Pue Ala.

Galatia 2:15 교차 참조

Titu 3:3

Lawi hangkoia, makaindi mani lalunta, bara taisa rara au manoto, taliungi AturaNa. I tempo iti, napohawi manike peundeana lalunta au kadake hai katana dunia au mepakanawo. Kadake lalunta, mahinake i ranganta, hai mombekahihi peake.

Epesu 2:3

Hangkoia, ikita ope-ope nodo wori babehianta. Moula peake peundeana lalunta hai pekirinta au kadake. Nodo ihira, i tempo iti ikita hintoto worike nakarumpui Pue Ala anti babehianta au kadake.

Roma 3:9

Mewali, node: ikita to Yahudi, bara meliu kamaroanta hangko i tauna ntanina. Lawi nodo au kuuli inona, ope-ope tauna batena masala, lawi ikita ope-ope madosamoke, maroa to Yahudi maroa tauna ntanina.

Pilipi 3:4

Ane kekuunde, peisa worina mampoinalai ada iti. Ane ara tauna au mouli rumihi poulanda ada au raita pea i raoa, pelumbunami iko!

Roma 4:16

Mewali, naimbake Pue Ala manoto i peitaNa anti pepoinalainta bona apa au nadandi Pue Ala iti tadoko mbero pea hangko i kabulaNa laluNa bona ope-ope pemuleana Burahima batena molambi apa au Nadandi. Dandina Pue Ala iti bara pea kiranda to Yahudi au moisa Aturana Musa. Agaiana mewali wori kiranda au mepoinalai i Pue Ala nodo Burahima. Lawi Burahima tapoumami ope-opeke.

Suro 22:21

Roo indo, nauli mbuli Pue, ‘Hangangaa meangkako, lawi Kutuduko lao i tampo au karao, i tauna au barahe to Yahudi.’ ”

Matiu 9:11

Arahe toParisi au moita iti. Ido hai rapekune i topeguruna Yesu, rauli, “Moapari hai gurumi maande sambela hai toperuru asele hai tomadosa?”

Lukasi 24:7

Nauli, Ana Manusia hangangaa rahuhu i tauna au kadake bona rapaku i kau mombehape, agaiana i kataluna alona ina tuwo hule.”

Galatia 2:17

Mewali, idemi peharungangki: anti pohintuwuki hai Kerisitu, ido hai napamanotomongkai Pue Ala i peitaNa. Agaiana ara tauna au mosalai pepaturongku, rauli, “Ane mepoinalai peakau i Yesu hai barapokau mengkoru i Aturana Musa, lempona mewalikau tomadosa himbela hai tauna au barahe to Yahudi. Madosa manikau anti peulami i Yesu.” Lolita iti bara tou!