Galatia 2:14 - Sura Malelaha

¹⁴ Kuisa mpuu kadana hintoto babehianda hai paturo au tou au tahumba i Ngkora Marasa. Ido hai kukambaroami Peturu i lindonda tauna bosa au teruhuhe inditi, kuuliangaa, “Oio to Yahudiko, agaiana biasamoko tuwo nodo tauna au bara to Yahudi. Ide-ide barapi paraluu nupeulai ada to Yahudi. Mewali, moapari hai nupeinao mopari-pari to Sarani au barahe to Yahudi bona mampeulaihe adanda to Yahudi?”

Galatia 2:14 교차 참조

Galatia 2:5

Barangkai mengkoru i paturonda au sala iti. Batena mantahangkai bona Ngkora Marasa inee ragalo hai paturonda au sala bona Ngkora Marasa au nidoko iti mia-mia tou.

Suro 10:28

Nauliangaahe Peturu, “Niisato, moula atura agamangki, ikami to Yahudi barangkai rapaliu mampogaloa tauna au barahe to Yahudi ba mesua i lalu sounda. Agaiana ara pampetudungiana Pue Ala iriko inona kaindi au mopakanotoana kadana ara manusia au kedai. Bara ara tauna au palia kipogaloahe.

1 Timotiu 5:20

Ane ara mpuu salana, nukambaroa i lindonda jumaa bona au ntanina langahe mampeulai babehiana.

Galatia 6:12

Mainga-ingakau i tauna au mepakanawo, au raunde moula ada au raita pea i raoa bona ratoiahe tauna. Rapari-parikau ratile moula Aturana Musa. Agaiana iti rababehi lawi langahe rapopeahi-ahi hangka to Yahudinda, anti pepoinalaindami i Kerisitu au matemi i kau mombehape.

Ibarani 12:13

Hangangaa nipakaroho peulami i Pue bona ane ara mani i olomi au bata-bata lalunda, barahe ina manawo, agaiana kamaroho-rohoari pepoinalainda.

Ibarani 9:10

Lawi ada iti mokanai pea watanta, nodo ada hai palia i paande hai paenu, hai bahangkia pakana ada mpobahoi wata. Pue Ala moweike ada bona tapeulai tanganta mampegia dandiNa au wou.

Galatia 2:9

Mewali, Yakobu, Peturu hai Yohane iti, au rauli tadulakonda ope-ope to Sarani i Yerusale, mololitahe rauli, “Tou, Paulu nakakio Pue Yesu mewali suroNa.” Mewali iko hai Baranaba radoko maroangkai. Mombetabemongkai mewali tanda kahintuwungki. I tempo iti, himpudumongkai bona ihira au mopahawe Ngkora Marasa i to Yahudi, hai ikami au mopahawe Ngkora Marasa i tauna au barahe to Yahudi.

Galatia 2:7

Barahe motatambai apa pea i paturongku, agaiana rapangakuri kaikona au napoinalai Pue Ala mobambari Ngkora Marasa i tauna au barahe to Yahudi, nodo wori Peturu napoinalai Pue Ala mobambari Ngkora Marasa i to Yahudi.

Roma 14:14

Anti pohintuwuku hai Pue Yesu, kuisa hai kupoinalai i lalungku kadana ara paande au rapalia i peitana Pue. Agaiana ane ara hadua tauna au manguli paande au hampaka rapalia, batena mpuu masala ane naande.

Suro 15:24

Ara kihadi bahangkia tauna hangko irikami inde au lao irikamu mopawulikau i lalu pepoinalaimi hai paturonda. Mewali bona niisa: barahe kitudu.

Galatia 2:3

Titu au kuporanga, ia hadua to Yunani, agaiana barato rapari-pari bona ratile moula adanda to Yahudi hintoto hai Aturana Musa,

Suro 15:1

Hambela tempo, bahangkia to Yahudi hangko i tampo Yudea au mepoinalai i Pue Yesu laohe i wanua Antiokia. To Yahudi iti mopaturohe to Sarani i Antiokia, rauliangaahe, “Ane barakau ratile moula atura au napahawe Musa, batena barakau ina tehorema hangko i huku dosami!”

Suro 15:5

Agaiana ara worihe bahangkia toParisi au mepoinalaimohe i Yesu meangkahe mololita, rauli, “Tauna au barahe to Yahudi au mepoinalai i Yesu, hangangaa ratile hai ratuduhe mampeulai Aturana Musa!”

Galatia 1:6

Kupotingkara mpuu halalu! Bara manikau mahae nakakio Pue Ala anti kabulana laluna Kerisitu bona mampoinalaikau Ngkora Marasa. Agaiana ide-ide barapokau mengkoru i Pue Ala, moularikau paturo au ntanina.

Galatia 1:18

Talu parena roo indo, hangko laorina i Yerusale mampohidupaa Peturu. Maidana hihimbela hai ia hampulo hai lima alona kamahaena.

Kolose 1:5

Pepoinalaimi hai ahimi maroho, lawi meharunga mpuukau i apa au Napasilolongaakau Pue Ala i suruga, nodo au nihadimi i lalu paturo au tou au rapahaweamokau, iami, Ngkora Marasa.