Galatia 2:13 - Sura Malelaha

¹³ Hai arahe halaluna hampepepoinalai to Yahudi au moulahe babehiana Peturu au sala iti alana Baranaba meula wori irihira, barapi mau maande hihimbela hai tauna au barahe to Yahudi.

Galatia 2:13 교차 참조

1 Korintu 15:33

Ineekau rapakanawo! Ane mampohimadakau tauna au kadake babehianda, babehiami au maroa ina tebaliki mewali kadake, nodo babehianda.

Epesu 4:14

Mewali, ane nodo kamarohona pepoinalainta, barapoke ina holi-holi rapakanawo nodo anangkoi, lawi pekiri anangkoi nodo hehi au nawui himburu node hou node mai. Agaiana ikita, barapoke nodo. Barapoke ina mampeulai hinangka paturo hangko i tauna au mepawuli hai mepakanawo.

Ibarani 13:9

Mewali ineekau mampeulai paturo wou au mepakanawo hai au mosisala hai pepoinalainta, nodo ada hai palia i paande. Lawi ada iti bara moanti katuwo maroa. Aginami tapakaroho lalunta hangko i kabulana laluna Pue Ala, lawi iti au moanti katuwo maroa irikita.

1 Korintu 8:9

Agaiana hangangaa maroa-roakau halalu. Peisa mpuuke moande paande iti hangko i kabulana lalunta, agaiana inee tapakanawo ranganta au bara mani woia maroho pepoinalaina.

1 Korintu 5:6

I olomi arahe au kadake babehianda, agaiana mampemahile liliukau! Bara pae niisa lolita au manguli, “Ragi au haodi mampopembongke tapu”? Lempona, hadua tauna au madosa peisa mopakanawo bosa tauna i olomi.

Suro 4:36

Nodo wori au nababehi Yusupu. I pampobaluna tampona, holona nahuhuahe surona Pue Yesu. Yusupu iti iami hadua pemuleana Lewi au maida i lewuto Siprus. Suronahe Pue Yesu mohanga wori Yusupu iti, Baranaba, lempona topepalindo.

Galatia 2:1

Hampulo hai iba parena roo indo, laomona i Yerusale hihimbela hai Baranaba. Titu kuanti wori.

1 Korintu 12:2

Nikatuinao halalu, hangkoia hangko bara manikau moisa Pue Ala, tedii lalumi menomba i anitu au bara peisa mololita, au rababehihe hangko i watu ba kau.

Matiu 23:28

Nodo wori ikamu, manoto babehiami i raoami pea bona ratoiakau rangami. Agaiana i lalumi, buke dongko hai dake.

Galatia 2:9

Mewali, Yakobu, Peturu hai Yohane iti, au rauli tadulakonda ope-ope to Sarani i Yerusale, mololitahe rauli, “Tou, Paulu nakakio Pue Yesu mewali suroNa.” Mewali iko hai Baranaba radoko maroangkai. Mombetabemongkai mewali tanda kahintuwungki. I tempo iti, himpudumongkai bona ihira au mopahawe Ngkora Marasa i to Yahudi, hai ikami au mopahawe Ngkora Marasa i tauna au barahe to Yahudi.