Galatia 1:8 - Sura Malelaha

⁸ Agaiana kuuliangaakau, hema pea au mopahawe “ngkora marasa” au bara himbela hai Ngkora Marasa au kipahaweamokau, hangangaa nahukuhe Pue Ala! Mogalori ikami ba malaeka hangko i suruga, ane mopahawengkai ngkora marasa au bara tou, batengki nahuku Pue Ala!

Galatia 1:8 교차 참조

Galatia 1:9

Kiuliangaamokau hangkoia, i tempoki mani hihimbela hai ikamu inditi, hai ide-ide kuuliangaa mbulikau hambela: ane ara tauna au mobambari ngkora marasa au ntanina hangko i apa au nidokomi, batena nahukuhe Pue Ala!

1 Korintu 16:22

Tauna au bara mampokaahi Pue Yesu, hararamohe i Pue Ala. Maranata! MaimoKo, Pue!

Roma 9:3

Ane kepeisa, aginami iko au rapaharara hai ragaakina hangko i Kerisitu, asala halalungku to Yahudi rakabahahe hangko i huku dosanda.

Matiu 25:41

Roo indo, Kuuliangaahe au ntanda i kabeoNgku, ‘Padumokau hangko inde, ikamu au harara i UmaNgku! Mesuamokau i lalu api au rore liliu, au rapasilolonga mewali pohukuanda Datu Tokadake hai hinangka malaekana.

2 Peturu 2:14

Ane mototokihe towawine, liliu rapokaelu, lawi raunde peami mobabehi au merikai. Barahe baha mobabehi dosa. Ane ara tauna au malede pepoinalainda, raopahe hai rapakanawo. Tauna au mepakanawo iti, mampokaelu liliuhe anu-anuna ranganda. Hararahe.

Suro 23:14

Mewali, laomohe au mosumpa iti i kapala-kapala tadulako mpenomba hai totosaenda to Yahudi, rauli, “Modandi hai mosumpamongkai, barangkai hampai maande apa-apa ane bara maningkai mopapate Paulu.

Titu 3:10

Ane ara tauna au mopaara posisala i halalunta hampepepoinalai, nukontohe hambela ba rombela. Ane bara liliu rakabaha, ineemohe nupohintuwua.

Galatia 3:13

Ikita ope-ope hintoto napaharara Pue Ala, lawi moliungike Aturana Musa. Agaiana nauri nodo, Nakabahamoke Kerisitu hangko i pepaharara iti. Teuki i lalu Sura Malelaha hangkoia node: “Ane ara tauna au rapapate i kau mombehape, manoto tauna iti harara i Pue Ala.” Mewali, kapatena Kerisitu i kau mombehape, mopahuruke molambi pepaharara hangko i Pue Ala au katouana hangangaa morumpake.

1 Korintu 12:3

Ido hai kupopaisaakau, hadua tauna au mololita anti peninina Inao Malelaha, bara ina manguli, “Hararami Yesu!” Nodo wori bara ara hadua tauna au manguli, “Yesu iami Pue!” ane bara nanini Inao Malelaha.

Markus 14:71

Mosumpami Peturu, nauli, “Mate-matena ane kuisa tauna au niuli iti!”

Galatia 3:10

I lalu Sura Malelaha hangkoia teuki node: “Hema-hema au bara mampeulai hinangka parenta au teuki i lalu Aturana Musa, batenda napaharara Pue Ala.” Mewali, halalu, taisa: ane ara tauna au napeinao mopamanoto watana i peitana Pue Ala anti pampeulaina Aturana Musa, batena ina harara i lindona Pue Ala. Lawi hema pae au peisa mampeulai ope-ope hai au bara ara kamasalana?

Roma 16:17

Halalu hampepepoinalai, kupopaingaakau bona hangangaa maroa-roakau i tauna au mopaara pogaa-gaa hai au rapeinao mopakanawokau i paturonda au montani hai paturo au rapaturoamokau. Nikaraohihe tauna au nodo!