Galatia 1:4 - Sura Malelaha

⁴ Pue Yesu mokirami wataNa rapapate mohuru dosanta bona tekabahake hangko i kuasa dunia au kadake ide. Iti Nababehi moula peundeana Pue Ala Umanta.

Galatia 1:4 교차 참조

Matiu 20:28

Hangangaa nipeulai poantiKu, Iko Ana Manusia. Lawi tunggaiaKu mai i dunia ide, baraNa mai mewali topohawa. Agaiana kamaiNgku i dunia ide bona mewaliNa hawi, hai bona mohuhuna wataNgku rapapate mohuru salanda tauna bosa.”

Roma 4:25

Yesu itimi au mokira wataNa rapapate mohuru salanta. Hai roo indo, Pue Ala mopatuwo hule Yesu bona mewalike manoto i peitaNa.

Galatia 2:20

Hai ide-ide barapona tuwo moula peundeaku haduduangku, agaiana Kerisitumi au tuwo i lalu katuwongku. Mewali, tangangku mani tuwo i dunia ide, batengku mepoinalai i Anana Pue Ala au mampokakaiana hai au mokira wataNa rapapate bona mewalina manoto i peitana Pue Ala.

1 Peturu 2:24

Yesu haduduana mohalea huku dosanta i karapapateNa i kau mombehape bona tekabahake hangko i kuasa dosa hai tuwoke moula peundeana Pue Ala. KapateNa iti moanti katuwo maroa irikita.

Titu 2:14

Yesu mokirami wataNa rapapate mohuru dosanta bona Nakabahake hangko i ope-ope babehianta au kadake, hai Napopewalike taunaNa au malelaha hai au madota mobabehi au maroa.

2 Korintu 4:4

Napawulihe Datu Tokadake au mokuasai dunia ide datihe mampoinalai Ngkora Marasa. Kuasa Ngkora Marasa bara mopamabaa lalunda. Mewali, barahe moisa peawana tuwona Kerisitu au mopatongawa peawana Pue Ala.

1 Timotiu 2:6

Ia mohuhu wataNa rapapate mohuru dosa ope-ope tauna. Iti Nababehi i tempo au napakanoto Pue Ala bona tongawa irikita peundeaNa mohorema ope-ope tauna hangko i huku dosa.

Epesu 2:2

I tempo iti, babehiami alo-alona moula babehianda tauna au kadake i dunia ide; lempona matundukau i Datu Tokadake au makuasa i laerawa. Kuasa iti duuna ide-ide, mobago liliu i lalunda tauna au barahe mengkoru i Pue Ala.

1 Tesalonika 3:13

Pue, kiperapi bona Nupakaroho lalunda bona malelahahe hai bara ara kamasalanda i lindoMu ane hawe hule Pue Yesu hai ope-ope taunaNa au malelaha. Amin.”

Roma 12:2

Ineekau mampeulai babehianda tauna au barahe moisa Pue Ala. Nipogiangaami Pue Ala mowouki pekirimi bona tebaliki poantimi. Lawi ane nodo babehiami, ina niisa mpuu tunggaiana Pue Ala au maroa, au mopamatana laluNa hai au bara ara kamakurana.

Pilipi 4:20

Tetoiami Pue Ala Umanta hawe i hae-haena! Amin.

Epesu 5:2

I babehianta alo-alona, hangangaa maahike i ranganta, nodo Kerisitu maahimi Irikita. Anti kamaahiNa irikita, Ia mokira wataNa rapapate mopahuruke. Babehia iti mopakatana laluna Pue Ala, nodo popenomba mawongi au rahuhu Iria.

Pampetudungia 1:5

hai hangko i Yesu Kerisitu, Sabi au manoto. Iami au nguru-nguruna tuwo hule hangko i kapate hai au makuasa moparenta ope-ope datu i dunia. Yesu mampokakaiake, hai Ia mokira wataNa rapapate bona tekabahake hangko i huku dosanta,

Pampetudungia 5:9

Monani-nanimohe hambua nani au wou, rauli: “Oiomi au hintoto modoko sura iti hai mobungkahi penena lawi rapapatemoKo; Hai waheMu au mabubu i kapateMu, Nupopoholomohe tauna i humalele dunia, i ope-ope kadatua, i ope-ope pemulea hai i hinangka basa. Hai Nuhuhuhe i Pue Ala.

1 Yohane 3:16

Ide au mopatongawaake apa au rauli ahi: Yesu mohuhumi tuwoNa bona molambike katuwo maroa au bara mokahopoa. Mewali, ikita hangangaa mohuhu wori tuwonta bona motulungi halalunta.

1 Yohane 2:2

Hai Iami au mate mewali pahuruna watanta bona Pue Ala moampungi dosanta. Hai bara pea dosanta au Nahuru, agaiana dosanda wori tauna i humalele dunia.

1 Peturu 3:18

Lawi ara wori hadua au molambi kapari, iami Kerisitu. Ia hambela pea mokira wataNa rapapate bona mohalea dosa manusia. Ia au bara ara salaNa mopahuruke au masala bona moantike i Pue Ala. Ia rapapate, agaiana rapatuwo hule anti kuasana Inao Malelaha.

Yakobu 4:4

Halalu, bara hintoto ane mopalehike Amputa hai moulake babehia au kadake i dunia ide. Niisami halalu, ane mampeulaike babehia au kadake i dunia ide, batena mampopewalike watanta iwalina Pue Ala. Hambela mani kuuli: hema au mounde babehia au kadake, ia au mampoiwali Pue Ala!

Ibarani 6:5

moisa mpuuhe kamaroana Ngkorana Pue Ala hai kuasana Pue Ala au ina tongawa i alo-alo au ina mai.

2 Tesalonika 2:16

Pue Ala motudungiake ahiNa, hai mopakaroho lalunta hawe i hae-haena, hai Naweike peharunga au maroa anti kabulana laluNa. Ido hai mekakaengkai i Amputa Yesu Kerisitu hai Pue Ala Umanta bona Napakaroho hai Napatetida lalumi bona maroa ope-ope lolitami hai babehiami.

Yohane 12:31

Ide-ide hawemi tempona Pue Ala hangangaa mobotusi ope-ope manusia i dunia. Hai hawe worimi tempona Datu Tokadake au mokuasai dunia ide hangangaa ranawo.

Matiu 26:28

Lawi idemi waheNgku au tebumbuha i kapateNgku. WaheNgku ide mopakaroho dandina Pue Ala au mopahintuwu Pue Ala hai manusia bona teampungi dosanda.

Ibarani 9:14

pelumbunami wahena Kerisitu! Anti kuasana Inao Malelaha au tuwo hawe i hae-haena, Kerisitu mohuhu wataNa i Pue Ala bona rapapate mewali popenomba au bara ara kamakurana. WaheNa iti mobahoi lalunta hangko i hinangka babehianta au moantike i kapate bona peisake menomba i Pue Ala au tuwo.

Ibarani 2:5

Bara malaeka au ina molambi kuasa hangko i Pue Ala bona moparenta dunia wou au ina mai au tapololita ide-ide.

1 Tesalonika 3:11

I lalu pekakaengki kiuli, “Pue Ala Umangki! Ampuki Pue Yesu! Kiperapi bona Nubungkahiangkai rara bona kibuku mampohidupaahe halalungki i Tesalonika.

Epesu 6:12

Lawi i pombealata ide, barake moewa manusia agaiana moewake au makuasa au bara taita. Moewake tadulako-tadulako kamakaindi au makuasa i dunia. Moewake hinangka seta hai tokadake au mokuasai laerawa.

Epesu 1:11

Pue Ala mobabehi hinangkana moula peundeaNa hai pobotusiNa haduduaNa. Napileimoke hai Napakanotomi kaikitana au mewali taunaNa anti pohintuwuta hai Kerisitu.

Galatia 6:14

Agaiana iko, bara kuunde rapomahile i raoa hangko i kapatena Pue Yesu Kerisitu i kau mombehape. Lawi ope-ope au peisa raita i dunia ide hai au raimba mahile holona barapi ara bunduna iriko. Hai tauna i dunia ide, bara ara au tedii lalunda i apa au kupomahile.

Roma 8:32

Ia bara mampokabohi AnaNa au haduduaNa, bona mate mopahuruke, noumba kadanta ina Nawei paka-pakana?

Roma 8:3

Barake peisa tekabaha hangko i kuasa dosa lawi bara tabuku moula aturana Musa anti kamaledenta. Agaiana apa au bara peisa tababehi i atura agama anti kamaledenta, Napopewalimi Pue Ala, i potuduNami mai AnaNa i dunia mewali manusia. WataNa AnaNa Napahimbela hai wata manusia au madosa. Hai AnaNa iti mokira wataNa rapapate mohuru dosa manusia. Mewali, hangko i kapateNa, Pue Ala monangi kuasa dosa au ara i manusia.

Roma 1:7

Ido hai kupakatu sura ide irikamu, to Sarani i Roma, lawi Pue Ala mampokaahikau hai mokakiokau mewali taunaNa au malelaha. Kuharunga Pue Ala Umanta hai Pue Yesu Kerisitu mowatikau hai moweikau roa ngkatuwo.

Yohane 10:11

Ikomi toporewu au maroa. Toporewu au maroa mokira tuwoNa i dimbaNahe.

Yohane 6:38

Lawi kamaiNgku hangko i suruga, baraNa mobabehi peundeaKu haduduaNgku. Agaiana maiNa mobabehi peundeana Pue Ala au motuduNa.

Yohane 5:30

Yesu mopaliliu lolitaNa, Nauli, “Iko, baraNa peisa mobabehi apa-apa moula peundeaKu haduduaNgku. Kubotusi hinangkana moula apa au nahawaaNa UmaNgku. PobotusiNgku manoto, lawi baraNa moula peundeaKu haduduaNgku, agaiana moula peaNa peundeana Pue Ala au motuduNa.

Lukasi 22:42

Nauli, “UmaNgku, ane Nuunde, Nupakaraoa wongkoia kapari au ina morumpaNa ide. Agaiana bara peundeaKu au Kuula, peundeaMuri, Uma.”

Markus 10:45

Mogalori Iko Ana Manusia, tunggaiaKu mai i dunia, baraNa mai bona mewali topohawa. KamaiNgku ide bona mewaliNa hawi, hai mokiraNa wataNgku rapapate mohuru salanda bosa tauna.”

Matiu 26:42

Hangko inditi, lao mbulimi mekakae haduduana, Nauli, “UmaNgku, ane kapari ide bara peisa rapakarao hangko Iriko, batena peundeaMuri au mewali.”

Matiu 6:9

Mewali, mekakaemokau node: Umangki au ara indora i suruga, Kipomahile hangaMu au malelaha.

Pampetudungia 7:9

Roo indo, kuita mbuli manusia au bosa ntepuu; barapi peisa raimba kabosanda. Ihira iti, hangko i humalele dunia, hangko i ope-ope kadatua, ope-ope pemulea hai hinangkana basa. Meangkahe i lindo kadera kadatua hai i lindona Ana Dimba. Mehampihe au bula, hai mokingkihe tawe handutu au raweweraka liliu tanda kamatananda.

Roma 8:27

Hai Pue Ala au moparesa lalu tauna, moisa tunggaiana Inao Malelaha. Lawi Inao Malelaha iti mampekakaea taunana Pue Ala, moula peundeana Pue Ala.

Lukasi 22:19

Roo nodo, Yesu moala mbuli roti hai mekakae i Pue Ala. Roo nodo, roti iti Nabise-bise hai Nakira-kiraahe, Nauli, “Idemi wataNgku au Kuhuhu mopahurukau. Nibabehimi ada ide bona nikatuinaoNa.”

Matiu 13:22

Tinuda au manawo i olo dui lempona, tauna au mampehadingi Ngkorana Pue Ala, agaiana mopailalu liliu peahe katuwonda i lalu dunia, hai mampeinao peahe morampu anu-anu dunia. Ido hai barapi ara paidaa Ngkorana Pue Ala i lalunda, hai barapi mobundu Ngkora iti i lalu katuwonda.

1 Korintu 15:3

Ngkora Marasa au kupahaweakau halalu, iami au kudoko wori. Au patoana, Kerisitu mate mohuru dosanta nodo au teuki i lalu Sura Malelaha.

Epesu 5:16

Hangangaa nipopobundu maroa tempo au ara irikamu, lawi i tempo ide-ide kadake mpuu babehia manusia.

1 Tesalonika 1:3

Ane mekakaengkai i Pue Ala Umanta, kikatuinao liliu pobagomi anti pepoinalaimi, kikatuinao petulungimi i rangami anti kamaahimi, hai kikatuinao kamantahami i lalu kapari anti peharungami i Amputa Yesu Kerisitu.