Galatia 1:23 - Sura Malelaha

²³ Mohadi peahe lololita au manguli, “Hadua tauna au hangkoia mampopeahi-ahike, ide-ide mopahawemi Ngkora Marasa au hangkoia napari-pari napatuna.”

Galatia 1:23 교차 참조

Suro 9:13

Nahanai Ananias, “Io, Pue. Agaiana, bosa tauna mololita kana i babehiana Saulu iti. Ia rumihi pampopeahi-ahina tauna au mepoinalai Irio i wanua Yerusale.

Suro 9:20

I wanua Damsik, ia lao i sou-sou penombaa. Inditi mopahawemi bambari kana i Yesu iami Anana Pue Ala.

Suro 9:26

Hawemi i Yerusale, napeinao mpuu Saulu mohimada hai tauna au mepoinalai i Yesu, agaiana tauna iti langahe iria, lawi bara manihe mampoinalai peulana mpuumi i Yesu.

Suro 6:7

Hangko inditi, tebambari ntepuumi Ngkorana Pue Ala, mewali kabosa-bosaamohe tauna i Yerusale au meula i Yesu, hai bosa worihe tadulako mpenomba au mepoinalai i Yesu.

Suro 9:21

Tingkara mpuuhe tauna au mohadi lolitana Saulu, rauli, “Noumbari dide? Hangkoia ia mopapate tauna au mepoinalaihe i Yesu i Yerusale. Hai tunggaiana mai inde bona mohaka worihe tauna inde hai naantihe i kapala-kapala tadulako mpenomba i Yerusale.”

Suro 19:13

I tempo iti, ara wori i Epesu bahangkia topepakulii to Yahudi au molulumaohe i humalele wanua mampopeloho seta au mesua i tauna. Hangko i olonda, ara pitu tobalilo, ope-opehe anana kapala tadulako mpenomba au rahanga Skewa. Hambela tempo, topepakulii iti mampetandakahe mokabelai hangana Pue Yesu ane mampopelohohe seta hangko i hadua tauna, rauli, “I lalu hangana Yesu au nabambari Paulu, kipopelohoko!”

Galatia 6:10

Ido hai, liana mani ara loga au raweike, hangangaa mobabehike apa au maroa i ope-ope tauna, pelumbunami i halalunta hampepepoinalai.