Galatia 1:21 - Sura Malelaha

²¹ Hangko inditi, laomona i tampo Siria hai Kilikia.

Galatia 1:21 교차 참조

Suro 15:41

Paulu hai Silas mampolumaongi tampo Siria hai propinsi Kilikia, mopakaroho lalunda to Sarani au ara inditi.

Suro 9:30

Mewali, karaisana halalu hampepepoinalaina tunggaianda tauna iti, ia raporangaimi hawe i wanua Kaisarea. Hangko i Kaisarea, rapopeangkami lao i wanua Tarsus.

Suro 6:9

Agaiana ara worihe au moewa Setepanu. Topeewa itihe iami tauna au menomba i sou penombaa au rahanga Sou Libertini (Libertini lempona: tauna au rakabaha hangko i karapohawinda). Ihira iti, to Yahudi au hangko i wanua Kirene hai Aleksandria. Ara worihe to Yahudi hangko i Kilikia hai Asia, au mai moewa hai mampombehehea Setepanu.

Suro 15:23

I lalu sura iti, teuki node: “Ikami, surona Pue Yesu hai penatua-penatua hahalalumi hampepepoinalai au arangkai inde, mopakatungkai sura ide irikamu halalu hampepepoinalaingki au barakau to Yahudi i wanua Antiokia hai humalele Siria, hai i propinsi Kilikia. Tabea!

Suro 13:1

I olonda to Sarani i Antiokia, arahe bahangkia nabi hai guru mopahawe Ngkorana Pue, hanganda: Baranaba, Simeo au rakakio Tomaeta, Lukius hangko i Kirene, Menahem (au rapatuwo sambela hai Datu Herode Antipas i temponda mani kokoi), hai Saulu.

Suro 23:34

Karoona Gubernur mobasa sura iti, napekunemi i Paulu katoapana. Kanaisana Gubernur, Paulu hangko i tampo Kilikia,

Suro 22:3

“Iko to Yahudina. Boea karapoanakangku, Tarsus i tampo Kilikia, agaiana hangko koi-koi peamona maidamona inde, i Yerusale. Mosikolana inde, napaguru maroana hadua guru au rabila ntepuu, hangana Gamaliel. Napaturo ntepuuna ope-ope atura au naweihe Musa i toiorunta hangkoia hai madotana mampeulai ope-ope aturana Pue Ala, nodo ikamu.

Suro 21:39

Nahanai Paulu, “Iko to Yahudina, hangko i Tarsus, wanua au tehanga i tampo Kilikia. Kuperapi bona niwei wongkoia tempo mopahawe lolitangku i tauna bosa.”

Suro 21:3

I tanga polumaongki, moitangkai lewuto Siprus ntanda i kabeongki. Bara mahae hangko indo, hawemongkai i tampo Siria. Mendaulungkai hangko i kapala tahi i wanua Tirus, lawi antia kapala hangangaa rapopendaulu.

Suro 18:18

Mahae mani Paulu maida i Korintu, hangko mepalakanari i halalu hampepepoinalaina. Roo indo, ia mengkahemi i kapala tahi lao i tampo Siria, hihimbela hai Priskila hai Akwila. Agaiana hangko damanihe meangka, Paulu mampopekou hampai weluana i boea Kengkrea, tanda kamopabukeinami dandina i Pue Ala. Hai moula adanda to Yahudi, ane hopomi tempo podandi, hangangaa rakou weluanda.

Matiu 4:24

Pobagona Yesu tebambari i ope-ope boea i tampo Siria, alana bosa tauna au mai mampeinaohe mohidupa hai Ia. Tauna iti moantihe ranganda ba halalunda au mantodiha ngkaia pakana hakinda hai kaparinda, au napesuangi seta, au mohaki dungka, hai au palu. Yesu mopakaohahe ope-ope.