Galatia 1:18 - Sura Malelaha

¹⁸ Talu parena roo indo, hangko laorina i Yerusale mampohidupaa Peturu. Maidana hihimbela hai ia hampulo hai lima alona kamahaena.

Galatia 1:18 교차 참조

Yohane 1:42

Roo indo, naantimi lao i Yesu. Yesu mototoki Simo, Nauliangaa, “Oio Simo, anana Yohane. Mepongka ide-ide, ina rahangako Kefas.” (I lalu basanda to Yunani, “Peturu” lempona: ‘watu mahile’.)

Galatia 2:7

Barahe motatambai apa pea i paturongku, agaiana rapangakuri kaikona au napoinalai Pue Ala mobambari Ngkora Marasa i tauna au barahe to Yahudi, nodo wori Peturu napoinalai Pue Ala mobambari Ngkora Marasa i to Yahudi.

Galatia 2:9

Mewali, Yakobu, Peturu hai Yohane iti, au rauli tadulakonda ope-ope to Sarani i Yerusale, mololitahe rauli, “Tou, Paulu nakakio Pue Yesu mewali suroNa.” Mewali iko hai Baranaba radoko maroangkai. Mombetabemongkai mewali tanda kahintuwungki. I tempo iti, himpudumongkai bona ihira au mopahawe Ngkora Marasa i to Yahudi, hai ikami au mopahawe Ngkora Marasa i tauna au barahe to Yahudi.

Galatia 2:11

Hambela tempo, i kahawena Peturu i wanua Antiokia, barana tontoa mokambaroa. Lawi masala mpuu babehiana i tempo iti.

Galatia 2:14

Kuisa mpuu kadana hintoto babehianda hai paturo au tou au tahumba i Ngkora Marasa. Ido hai kukambaroami Peturu i lindonda tauna bosa au teruhuhe inditi, kuuliangaa, “Oio to Yahudiko, agaiana biasamoko tuwo nodo tauna au bara to Yahudi. Ide-ide barapi paraluu nupeulai ada to Yahudi. Mewali, moapari hai nupeinao mopari-pari to Sarani au barahe to Yahudi bona mampeulaihe adanda to Yahudi?”