Galatia 1:17 - Sura Malelaha

¹⁷ Bara worina hampai lao i wanua Yerusale meguru irihira au iorumohe mewali surona Pue Yesu. Agaiana laona hampai i tampo Ara, hangko mesule mbulirina lao i wanua Damsik.

Galatia 1:17 교차 참조

Galatia 1:18

Talu parena roo indo, hangko laorina i Yerusale mampohidupaa Peturu. Maidana hihimbela hai ia hampulo hai lima alona kamahaena.

Suro 9:2

merapi sura kuasa au peisa naanti lao i tadulako sou penombaa i wanua Damsik. Tunggaiana ane arahe nahumba tobalilo ba towawine au mampeulai paturona Yesu, ina nahakahe hai naantihe i Yerusale.

Suro 9:8

Hangko inditi, meangkami Saulu. Nabungkahi matana, agaiana barapi meita. Mewali, ranini pearai lao i wanua Damsik.

Suro 9:10

I tempo iti, i wanua Damsik, ara hadua tauna au mepoinalai i Yesu, hangana Ananias. Ia moita hambua pampetudungia, hai i lalu pampetudungia iti, Pue Yesu mekakio, Nauli, “Ananias!” Mehana Ananias, nauli,, “Idetona Pue.”

Suro 9:19

Roo nodo, maandemi, hai maroho hulemi watana. Bahangkia alona kamahaena, Saulu maida i wanua Damsik hihimbela hai topepoinalai i Yesu.