Epesu 6:6 - Sura Malelaha

⁶ Inee nibabehi nodo i lindonda pea ampumi bona ratoiakau. Mobagokau nodo hawina Kerisitu au moula peundeana Pue Ala hangko i lalumi.

Epesu 6:6 교차 참조

1 Tesalonika 2:4

Bara woringkai mololita bona mopamatana peangkai lalunda tauna, agaiana mopahawengkai apa au mopamatana laluna Pue Ala, lawi Ia au moparesa lalungki hai Napoinalaimongkai mopahawe Ngkora Marasa.

Galatia 1:10

Mewali halalu! Ba nipehangu mampopetoiana i manusia anti pololitangku inona? Bara, agaiana mampeinao peana molambi petoia hangko i Pue Ala. Ba niuli node: “Paulu mampeinao pea mopamatana laluna manusia?” Bara kuunde mopamatana laluna manusia, lawi ide iko, hawinana Kerisitu.

Epesu 5:17

Mewali, ineekau ntuli, nipekiri maroa babehia apa au naunde Pue.

1 Peturu 4:2

Mewali, i tempomi mani tuwo i dunia ide, inee nipeulai peundeana lalumi au kadake. Hangangaa moulakau peundeana Pue Ala.

Pilipi 2:12

Mewali, halalu au kupokaahi, noumba kanipeulainami hawangku tangangku mani ara hihimbela hai ikamu, hangangaa melumbu mani ide-ide i tempoku karao hangko irikamu. Kuperapi bona nipamaroa-roa babehiami hintoto hai babehia tauna au nahorema Pue Ala hangko i huku dosanda. Mengkorukau i Pue Ala, hai hangangaa langakau mobabehi apa au kadake.

Matiu 12:50

Lawi hema-hema au mobabehi peundeana UmaNgku au ara i suruga, ihirami halaluNgku hai ihirami inaNgku.”

Ibarani 13:21

Kuperapi bona handa kaNaparewaimi i hinangkana au maroa bona peisakau mobabehi peundeaNa. Kuperapi bona anti pohintuwuta hai Yesu Kerisitu, Pue Ala mobago i lalunta bona Napokatana mpuuke. Tatoiami Pue Yesu hawe i hae-haena. Amin.

Ibarani 10:36

Kehapiri apa pea au mewali, hangangaa mantahake. Nipeulai liliu peundeana Pue Ala hai ina molambikau apa au Nadandiakau.

Kolose 1:9

Mewali, halalu, i kakihadina bambari kana i pepoinalaimi, kipekakaea liliukau. Mekakaengkai i Pue Ala, kiperapi bona hai Inao Malelaha Napamanoto lalumi hai Napopaisaakau ope-ope peundeaNa,

Matiu 7:21

Bara ope-ope tauna au mokabelaiNa ‘Pue,’ ina mesua i lalu poparentana UmaNgku au ara i suruga. Batena pea tauna au mobabehi peundeana Pue Ala au ina mesua i lalu poparentaNa.

1 Yohane 2:17

Dunia ide, hihimbela hai hinangka ihina, au naunde manusia ina magero. Agaiana tauna au moula peundeana Pue Ala batenda tuwo i hae-haena.

Roma 6:17

Mangulina ngkaia kamaroana i Pue Ala, lawi hangkoia hangko damanikau mepoinalai i Yesu, napohawikau dosa. Agaiana ide-ide hangko i lalumi mpuu mampeulai paturo au rapahaweakau.

Kolose 4:12

Tabea wori hangko i Epafras, hawina Kerisitu Yesu au hambomboeami. Napekakaea liliukau bona maroho peangkami hai manoto pepoinalaimi moula ope-ope peundeana Pue Ala bona datikau masala.

1 Peturu 2:15

Hangangaa nibabehi nodo, lawi itimi peundeana Pue bona hangko i kamaroana babehiami, tauna au bara moisa Pue barapohe bai mosalaikau.

1 Tesalonika 4:3

Ide peundeanami Pue Ala bona malelaha katuwonta, hai mokaraohikau babehia au merikai.

Markus 3:35

Lawi hema-hema au mobabehi peundeana Pue Ala, ihirami halaluNgku hai ihirami inaNgku.”

1 Korintu 7:22

Hawi tuwonta ba bara, himbela peake i peitana Pue Ala. Lawi hadua hawi au nakakio Pue Ala mewali to Sarani, tekabahami hangko i huku dosana anti pohintuwuna hai Pue. Nodo wori, hadua tauna au bara hawi tuwona au nakakio Pue Ala mepoinalai i Pue Yesu, ina mewali hawina Kerisitu.