Epesu 5:9 - Sura Malelaha

⁹ Lawi hangko i kamabaana lalumi, mesupa ope-ope babehia au maroa, au tou hai au manoto.

Epesu 5:9 교차 참조

3 Yohane 1:11

Halalungku! Ineeko mampeulai babehia au kadake. Nupeulaimi babehia au maroa. Tauna au mobabehi roa, tongawa kanapoanandami Pue Ala. Tauna au mobabehi dake, tongawa kadanda mani moisa Pue Ala.

Roma 15:14

Halalungku ope-ope! Kuisa mpuu kangkaiana babehiami au maroa. Niisami paturo hangko i Ngkorana Pue, hai niisa mombepakaroho mpolalu hadua hai hadua.

Epesu 6:14

Mewali, nipakaroho peangkami hai parewa pombeala au hangko i Pue Ala. Nipakaroho peulami i paturo au tou kana i Pue mewali nodo pampou i pekomi. Nipamanoto babehiami mewali nodo badu besi au motabungi watami.

1 Timotiu 6:11

Agaiana oio Timotiu, hawinamoko Pue Ala. Nupakarao tuwomu hangko i ope-ope babehia au nodo. Nupari-pari mampeulai babehia au manoto hai mengkoruko i Pue Ala. Nupakaroho pepoinalaimu i Kerisitu hai kamaahimu i hangka rangamu, mantahako i lalu kapari hai Nupamaalusu poantimu i hangka rangamu.

Pilipi 1:11

Mekakaena bona nibabehi liliu apa au manoto anti pobagona Yesu Kerisitu i lalu katuwomi, alana bosa tauna motoia hai mampomahile Pue Ala.

1 Yohane 2:29

Niisato halalu, Kerisitu mobabehi peundeana Pue Ala. Ido hai niisa wori: ope-ope tauna au mobabehi peundeana Pue Ala, napoanahe Pue Ala.

Ibarani 11:33

Anti pepoinalainda: mampopengkoruhe datu, moparentahe i kanoto-notoana, molambihe apa au nadandi Pue Ala, mokamumuhe nganga singa,

Epesu 4:15

Agaiana ina tapatongawa paturo au tou hangko i lalunta au buke ahi, bona i paka-pakana, kamahae-haea kanoto-notoake duuna mewalike nodo Kerisitu, au mewali Tadulakonta.

Roma 2:4

Tou, laluna Pue Ala maroa, sabara hai mahile ahiNa. Agaiana inee nauli lalumi, “Barake paraluu mobaliki babehianta au kadake.” Nikatuinao, halalu tunggaiana kamaroana laluna Pue Ala bona tepakakau mampenosoi dosami.

Ibarani 1:8

Agaiana Pue Ala mampololita kana i AnaNa, nauli node: “Oio Pue Ala, kadatuamu bara mokahopoa; Oio moparenta i lalu kahintimba.

Epesu 4:25

Mewali halalu, nitendemi dongko. Nipololitami apa au tou i hangka rangami, lawi ikita ope-ope hangkirake hangko i Watana Kerisitu.

Yohane 1:47

KamoitaNa Natanael mai mepohidupaa, mololitami Yesu kana i Natanael, Nauli, “Olou mai hadua to Isaraeli ntepuu, ia bara topodongko!”

Matiu 3:8

Ane tou-tou menosokau hangko i dosami, nibabehimide babehia au maroa.

Kolose 3:18

Ikamu towawine, hangangaa mengkorukau i tobalilomi, lawi itimi au hintoto i tauna au meula i Pue.