Epesu 5:21 - Sura Malelaha

²¹ Hangangaa mombepengkoruikau hadua hai hadua anti pebilami i Kerisitu.

Epesu 5:21 교차 참조

Pilipi 2:3

Ineekau mopaioru peundeami haduduami, ineekau mampemahile. Agina mengkaiwoike hadua hai hadua, hai hangangaa taimba ranganta melumbu hangko irikita.

Epesu 5:24

Mewali, nodo ope-ope jumaa mengkoru i Kerisitu, nodo wori towawine hangangaa mengkoru i tobalilona i paka-pakana.

Epesu 5:22

Ikamu towawine, hangangaa mengkorukau i tobalilomi, nodo pengkorumi i Pue.

1 Peturu 5:5

Nodo wori ikamu au mangura mani, hangangaa mengkorukau i tosae. Ope-opekau hangangaa mengkaiwoi hai mombetulungi. Lawi: “Pue Ala moewahe tauna au mampemahile, agaiana tauna au mengkaiwoi Natulungihe.”

Ibarani 13:17

Nipeulaimi hawanda tadulakomi hai mengkorukau irihira. Lawi ihira au mokadipura katuwomi, hai au hangangaa mohanaihe Pue Ala kana i pobagonda. Nipeulai hawanda bona matanahe mobago. Ane bara nipeulai hawanda, ina masusa lalunda, hai ane nodo barapi ina ara pobunduana irikamu.

1 Peturu 2:17

Niadaihe ope-ope tauna. Nipokaahi halalumi hampepepoinalai, mengkorukau i Pue Ala, hai nibila datumi.

1 Timotiu 3:4

Hangangaa naisa mokadipura maroa tauna au maida i lalu souna, hai anana hangangaa mengkoruhe i tosaenda hai mebilahe.

Galatia 5:13

Halalu, Nakakiomoke Pue Ala bona tekabahake hangko i Aturana Musa. Agaiana inee tapehangu katekabahanta hangko i atura iti peisamoke tuwo moula peundeana lalunta. Aginari mombepokaahike hai mombetulungike hadua hai hadua.

1 Timotiu 2:11

Towawine hangangaa mengkoru hai mandii-ndiihe mampehadingi paturo.

1 Korintu 16:16

bona niula paturonda hai paturonda ope-ope ranganda au mampopolumao liliu bagona Pue.

1 Peturu 2:13

Mengkorukau i ope-ope topoparenta au napakanoto manusia, lawi nodomi peundeana Pue Ala. Mengkorukau i datu, lawi iami au tepaiwongko.

2 Korintu 7:1

Halalu-halalu au kupokaahi, anti kanaweinta Pue Ala dandiNa iti, ido hai hangangaa takabaha hinangkana au moantike i babehia au kadake, maroa au i watanta ba i lalunta. Hangangaa mampeulai mpuuke peundeana Pue Ala, hai hangangaa langake mobabehi apa pea au bara moula peundeaNa.

2 Korintu 5:11

Mewali, langangkai mobabehi apa pea au bara naunde Pue, lawi kiisa Ia ina moparesa babehianda ope-ope tauna. Ido hai kipari-pari moanti tauna mepoinalai i Pue Yesu. Pue Ala moisa lalungki. Peundeaki halalu bona barapi ara au bata-bata lalumi irikami. Kipeinao bona ope-opekau moisa kabulana lalungki.