Epesu 5:16 - Sura Malelaha

¹⁶ Hangangaa nipopobundu maroa tempo au ara irikamu, lawi i tempo ide-ide kadake mpuu babehia manusia.

Epesu 5:16 교차 참조

Kolose 4:5

Ane mampogaloakau tauna au barake hampepepoinalai, hangangaa mapande-pandekau moanti watami bona peisakau mampopobundu katepakami mopahaweahe rara mepoinalai i Pue.

Yohane 12:35

Nauliangaahe Yesu, “Hampalai pearai, pewangka au mopamabaakau ide-ide barapi ina ara hihimbela hai ikamu. Molumao liliumokau i lalu kamabaana i tempona pewangka iti ara mani irikamu bona datikau narumpa kamakaindi. Tauna au molumao i lalu kakaindiana, bara raisa iumba kalaoanda.

Epesu 6:13

Ido hai, ide-ide hangangaa nipake hinangka parewa pombeala au hangko i Pue Ala bona ane hawe alo pombeala, ina nibuku moewa pebungkana iwalimi duuna i kahopoana, hai batena maroho liliu peangkami.

Galatia 6:10

Ido hai, liana mani ara loga au raweike, hangangaa mobabehike apa au maroa i ope-ope tauna, pelumbunami i halalunta hampepepoinalai.

Roma 13:11

Ope-ope iti hangangaa tababehi, lawi taisa mpuu apa au hintoto tababehi i tempo ide: hangangaa mearomoke hangko i kaletanta. Lawi mepongka hangko i kanipoinalaina Pue, kahungku-hungkuami kamaiana Pue Yesu au karombelana. Ina maike Nahorema hangko i dunia au kadake ide.

Galatia 1:4

Pue Yesu mokirami wataNa rapapate mohuru dosanta bona tekabahake hangko i kuasa dunia au kadake ide. Iti Nababehi moula peundeana Pue Ala Umanta.

1 Korintu 7:26

Mewali, idemi pelambiaku: i tempo ide ikita to Sarani narumpake ngkaia pakana kapari. Ido hai kuuli agina inee tabaliki katuwonta au Napakanotoake i dunia ide.

Epesu 6:15

Hangangaa masilolonga peamokau mopahawe Ngkora Marasa au mopahintuwu tauna hai Pue Ala, iti mewali nodo kandupami.

Matiu 25:17

Nodo wori hawi au rawei rosabu, ia molambi wori anana rosabu.