2 Timotiu 4:2 - Sura Malelaha

² Hangangaa masilolonga peamoko mopahawe Ngkorana Pue Ala i tempo au maroa ba i tempo mapari. Nukambaroahe au moanti paturo au sala, nukontohe au kadake babehianda, hai nupakaroho lalunda bona maroa babehianda. Hangangaa sabara liliuko mopaguruhe.

2 Timotiu 4:2 교차 참조

Lukasi 7:23

Morasihe tauna au bara bata-bata lalunda Iriko.”

Lukasi 7:4

Kahawenda i Yesu, rapahawemi peraroana tadulako iti, rauli, “Tadulako ide, hintoto mpuu Nutulungi,

Lukasi 9:60

Nauli Yesu, “Pogiangaamide tomate motawu hangka tomatenda. Agaiana oio, laomoko mopahawe bambari kana i poparentana Pue Ala!”

Suro 13:5

Kahawenda i boea Salamis, mopahawemohe Ngkorana Pue Ala i sou penombaanda to Yahudi. Yohane au rakakio wori Markus modureihe i lalu bagonda iti.

Suro 16:13

I alo Penombaanda to Yahudi, laongkai i wiwi owai i raoa wanua, lawi kiisami kaarana pekakaeanda to Yahudi inditi. Indo aramohe bahangkia towawine au mogulu, ido hai mohudangkai hai mololitangkai irihira.

Suro 20:7

I alo kaisa minggu iti, mogulumongkai maande sambela hai halalu hampepepoinalaingki i Troas i pokatuinaongki kapatena Pue Yesu. Paulu mololita mepaturo hawe mahae wengi, lawi kahalona meangkami.

Suro 28:16

Kahawengki i Roma, Paulu barapi ratarunggu. Ia rapaliu maida sadudua i sou, agaiana nakampai liliu hadua surodado.

Roma 10:15

Hai noumbami kapeiasanda mobambari kana Iria ane barahe ratudu? Nodo au teuki i lalu Sura Malelaha node: “Maroa mpuu kahawenda tauna au mopahawe bambari maroa!”

Roma 12:12

Nipamatana lalumi anti peharungami i hinangka au ina nababehiakau Pue Ala. Mantahakau i lalu kapari. Mekakae liliukau.

Galatia 6:6

Tauna au modoko paturo kana Ngkorana Pue Ala, hangangaa mampokiraia tauna au mepaturo, hangko i apa pea rasi ba pewati au nahumba.

Kolose 1:25

Naangkana Pue Ala mewali hawiNa au motulungi ope-ope tauna au mepoinalai bona mopahawena ope-ope NgkoraNa irikamu.

Kolose 4:3

Hai nipekakaea woringkai bona nabungkahiangkai Pue Ala rara mopahawe NgkoraNa au mampololita tunggaiaNa au napabukei Kerisitu. Hangkoia tunggaiaNa iti tewuniangi mani, agaiana ide-ide bambari kana i Kerisitu kupahawemi. Ido hai ratarungguna.

1 Tesalonika 1:6

Hai ikamu halalu, kamohadimi Ngkora Marasa iti, nipeulaimi poantiki hai poantina Pue Yesu. Lawi nauri rumihi karapopeahi-ahimi, matana liliu lalumi modoko Ngkora Marasa. Kamatanami iti naweikau Inao Malelaha.

1 Tesalonika 5:14

Halalu, kiperapi bona rangami au lohehe mobago niweihe lolita. Nipalindohe au masusa lalunda. Nipakarohohe au malede pepoinalainda, hai hangangaa sabarakau i ope-ope tauna.

1 Tesalonika 5:20

Inee bara nipoinalai lolitana Pue Ala au rapahawe tuduaNa.

1 Timotiu 4:13

Hangko damanina hawe, Sura Malelaha hangangaa nubasaa liliuhe halalunta hampepepoinalai. Hangangaa nupakaroho liliu lalunda hai nupaturohe.

1 Timotiu 5:20

Ane ara mpuu salana, nukambaroa i lindonda jumaa bona au ntanina langahe mampeulai babehiana.

2 Timotiu 2:21

Mewali, ane mokabahake babehianta au kadake, mewalike nodo parewa au maroa, au rapake modoko torare au rabila. Lempona, mewalike topobago au malelaha hai au mobundu i Pue, hai masilolonga peamoke mampopolumao hinangkana bago au maroa.

2 Timotiu 2:25

Ane arahe tauna au moewake, hangangaa takambaroahe hai lolita au maalusu, babila nawei manihe Pue katepaka menoso hangko i peewanda. Lawi ane menosohe, ina moisahe paturo au tou duuna manoto lalunda hai tekabahahe hangko i kuasa Datu Tokadake au mopari-parihe mampeulai peundeana.

2 Timotiu 3:10

Agaiana oio Timotiu, lawi mahaemoko kuporanga, nuisami paturongku hai babehiangku hai tunggaiana lalungku. Nuita mpuumi pepoinalaingku, kasabarangku, kamaahingku, hai kamantahaku i lalu kapari.

Titu 1:13

Tou mpuu apa au nauli tauna iti! Ido hai to Kreta au arahe inditi hangangaa nuwei mpuuhe lolita bona mepoinalai liliuhe i paturo au tou.

Titu 2:15

Mewali, Titu, ope-ope ide hangangaa nupaturoahe. Nupakaroho lalunda hai nuweihe lolita. Ineeko maea, lawi raweimoko kuasa mopaguruhe. Ineehe nupogiangaa bahema pea mopapakoiko.

Ibarani 13:22

Halalu-halalu, kuperapi bona nipehadingi maroa-roa ide paturongku, nauri ihi surangku ide sosoe pea.

Pampetudungia 3:19

Ope-ope tauna au Kupokaahi, Kupaturo hai Kukambaroa bona moulahe paturoNgku. Ido hai Kuuli, nibaliki lalumi, hai menosokau!