2 Timotiu 2:2 - Sura Malelaha

² Ope-ope paturo au nuhadimi hangkoia hangko iriko, i lindonda tauna bosa, hangangaa nupaturoa worihe tauna ntanina au peisahe rapoinalai hai au rabuku mopaguru tauna ntanina.

2 Timotiu 2:2 교차 참조

1 Timotiu 4:6

Ane ope-ope paturo ide nupaturoahe halalunta hampepepoinalai, ina mewaliko hawina Kerisitu Yesu au maroa. Hai ina maroho mpuu lalumu anti Ngkorana Pue Ala au tapoinalai hai paturo au maroa au nupeulaimi.

1 Timotiu 6:12

Nupari-pari bona tuwoko hintoto hai apa au nupoinalai, hai nupakaroho pepoinalaimu au moantiko i katuwo maroa au bara mokahopoa. Lawi itimi tunggaiana Pue Ala mokakioko mewali taunaNa bona molambiko katuwo maroa au bara mokahopoa hai au nupangakumi i lindonda tauna bosa, kamepoinalaimu i Pue Yesu.

2 Timotiu 3:10

Agaiana oio Timotiu, lawi mahaemoko kuporanga, nuisami paturongku hai babehiangku hai tunggaiana lalungku. Nuita mpuumi pepoinalaingku, kasabarangku, kamaahingku, hai kamantahaku i lalu kapari.

Lukasi 12:42

Nahanai Pue Yesu, “Nipailalu ngkora pandiri ide: Ara hadua hawi au manoto laluna hai au peisa napoinalai ampuna. Ia naangka ampuna motosaengi hawi ntanina hai mourusi paandenda alo-alona.

1 Timotiu 1:18

Timotiu, anangku! Kuperapi bona nupeulai paturongku au kupahaweako ide. Hangangaa nupailalu lolitanda tauna au motadulakoiko i lalu pepoinalaimu, au mopakaroho lalumu hai au mopaturoko. Nupailalu paturonda iti bona maroho pampopolumaomu bago au nukingki nodo hadua surodado au keate mombeala.

1 Timotiu 1:12

Kuuli ngkaia kamaroana i Amputa Kerisitu Yesu, lawi Naweina karoho, Napoinalaiana mampopolumao bagoNa, hai Naangkana mewali topobagoNa.

1 Timotiu 4:14

Ineeko mokabaha bagomu au hangangaa nupopolumao moula kapande au naweiko Inao Malelaha. Kapande iti raweiko i temponda penatua moona taienda hangkoia i tanoanamu mopahawe lolita hangko i Pue Ala kana irio.

1 Korintu 4:2

Au rahaoki hangko i tauna au raparenta ba hawi nodo ikami, hangangaa moula liliuhe hawana ampunda.

2 Timotiu 3:14

Agaiana oio Timotiu, hangangaa mokingki liliuko paturo au roomoko rapaturoa hai au nupoinalaimi. Hai nuisa katouna paturo iti, lawi nuisa kahemanda au mopaguruko.

Kolose 1:7

Ngkora Marasa iti nihadi hangko i Epafras, rangangki hampopobago au kipokaahi. Epafras iti iami hawina Kerisitu au mobago liliu motulungikau.

Ibarani 2:17

Ido hai Yesu hangangaa mewali manusia au himbela hai ikita halaluNa i paka-pakana bona Ia mewali Tadulako Mpenomba Mahile. Hai i lalu pampopolumaona bagoNa i Pue Ala, Ia matundu hai maahi laluNa. Hai i lalu pobagoNa iti, Ia mopaara kateampunginda manusia.

1 Timotiu 5:22

Ineeko hoholiga moangka tauna mewali penatua, nuparesa hampai babehianda bona dati oio au mohuru ane mobabehihe dosa. Maroa-roako bona manoto liliu babehiamu.

Matiu 24:25

Nikatuinao! Kuuliangaa amimokau ope-ope iti hangko damani mewali.

Matiu 13:52

Hangko inditi, Nauliangaa mbulihe, “Ane nodo, ara mbuli hampaka ngkora pandiriKu: ane ara hadua guru agama to Yahudi au meula Iriko hai au rapaguru paturo kana i poparentana Pue Ala, guru agama iti peisa rapandiri nodo ampu sou au ara anu-anuna au hae hai ara wori anu-anuna au wou.”

2 Korintu 2:14

Agaiana kuuli ngkaia kamaroana i Pue Ala, lawi anti pohintuwuta hai Kerisitu, menangike, hai Ia mewali tadulakonta au monini liliuke. Iumba pea kalaoangki, mopahawengkai Ngkora Marasa i ope-ope tauna bona peisahe moisa Pue Ala. Ngkora Marasa iti peisa rapandiri nodo lana mawongi.

2 Korintu 3:5

Bara kiuli kibuku mpuu mampopolumao bagona Pue. Bara kibuku hangko i kapandeki haduduangki; Pue Alami au moweingkai kapande.