Halalu, kiperapi bona rangami au lohehe mobago niweihe lolita. Nipalindohe au masusa lalunda. Nipakarohohe au malede pepoinalainda, hai hangangaa sabarakau i ope-ope tauna.
bona nihuhu peami tauna iti i kuasana Datu Tokadake. Lempona, nitudumi meloho hangko i olomi, hai ineemi nipogaloa. Mewali watana molambi pehuku agaiana tanoanana molambi katuwo maroa i kahawena Pue Yesu.
Halalu, ane moitakau rangami hampepepoinalai mobabehi sala, ikamu au mampeulaikau peundeana Inao Malelaha, hangangaa ninini wohiraia mesule i rara au manoto i lalu kamaalusu. Hai mokampai worikau watami datikau hawe mobabehi dosa.
“Ane ara halalumu hampepepoinalai au masala irio, lao nupombelambia, hai nuuliangaa salana. Hangangaa nubabehi iti bona dati ara au moisa, batena pea ikamu rodua. Ane napoinalai lolitamu, maroa hule pohintuwumi.
Ido hai kuukiakau sura ide i tempoku mani karao hangko irikamu bona ane hawena deade, barapi mahara lolitangku irikamu au kupahawe hai kuasa au naweina Pue. Lawi kuasa iti barana Nawei bona mopakanawona pepoinalaimi, ngkalinari Naweina bona kupakaroho pepoinalaimi.
Ba niuli mampemahilena? Barana mampemahile, agaiana barana maea mopatongawa kuasangku mopaturokau. Lawi au kupakanoto, iami kuasa au naweina Pue bona mopakaroho pepoinalaimi, barari au mopakanawo pepoinalaimi.
Halalu, hai kuasa au naweingkai Pue Yesu Kerisitu, kiuliangaakau: ineehe nipohintuwua halalumi hampepepoinalai au lohehe mobago hai au barahe mampeulai atura au nidoko hangko irikami.
