2 Peturu 1:8 - Sura Malelaha

⁸ Ane nodo poantimi hai babehiami, hai ane nitambai liliu, ina mobundu mpuu katuwomi, lawi tou-tou mpuukau moisa Amputa Yesu Kerisitu hai maroho peulami Iria.

2 Peturu 1:8 교차 참조

Titu 3:14

Halalunta hampepepoinalai hangangaa mampopolumao liliuhe bago au maroa bona molambihe apa au raparaluu alo-alona, hai bona tuwonda bara mbero-mbero.

Kolose 3:16

Hangangaa nipailalu liliu Ngkorana Kerisitu. Mombepakaroho mpolalumokau hai mombepaturokau moula sukana kanotona lalumi. Mampolingakau nani petoia, hai nani pepomahile, hai nani ntanina au naweikau Inao Malelaha. Hangko i lalumi mpuu, monanikau manguli ngkaia kamaroana i Pue Ala.

Yohane 15:2

Ope-ope daa au tuwo Iriko au bara mowua, Nakadiri. Hai ope-ope daa au tuwo Iriko au mowua, Napakabaa hai Nakadipura bona tetambai powuana.

Ibarani 6:12

Ineekau ara au lohe mampeulai peundeana Pue Ala. Niala pandiri i tauna au mepoinalai i Pue Ala hai au sabarahe mampegia apa au Nadandiahe.

Pilipi 1:9

Mewali, kupekakaeakau i Pue Ala, kuperapi bona tetambai liliu kamaahimi, hai tetambai wori kamapandemi moisa apa au tou, duuna manoto ntepuu lalumi.

1 Tesalonika 4:1

Mewali halalu, kiperapi bona nipeulai ope-ope paturo au nihadimi hangko irikami bona babehiami moula peundeana Pue Ala. Katouana, ide-ide maroami babehiami. Agaiana anti kuasa au naweingkai Pue Yesu, kiperapi hai kipari-pariakau bona nitambai mbuli kamaroana babehiami.

1 Korintu 15:58

Mewali halalu au kupokaahi, hangangaa nipakaroho pepoinalaimi. Inee bata-bata lalumi. Hangangaa nipopolumao liliu bagona Pue, lawi niisa apa au nipobago i Pue bara ina mbero-mbero.

2 Peturu 1:2

Ngkaia tabea! Mekakaena i Pue Ala bona pewati hai roa ngkatuwo au Naweikau tetambai, lawi moisamokau Pue Ala hai Yesu Amputa.

Pilemo 1:6

Mekakaena bona hangko i pohalalunta i lalu hangana Pue Yesu ina tetambai kapandeta moisa ope-ope pewati au maroa au tahumba anti pohintuwuta hai Kerisitu.

2 Tesalonika 1:3

Halalu-halalu, barangkai oha-oha manguli ngkaia kamaroana i Pue Ala anti kaikamuna. Hai hintoto mpuu kibabehi nodo, lawi kamaroho-rohoami pepoinalaimi i Pue Yesu, hai katetetambaiami ahimi i hangka rangami.

Pilipi 2:5

Poantita hangangaa nodo poantina Kerisitu Yesu.

2 Korintu 13:5

Halalu, nipetandaka hampai watami, ba tou-tou mpuu tuwomokau i lalu pepoinalaimi i Kerisitu. Batena niisa kaarana Yesu i lalumi ba tauli ane pepoinalaimi mbero-mbero.

Kolose 2:7

Mewali, hangangaa nipakaroho hai nipatetida lalumi Iria. Nipakaroho pepoinalaimi, nodo au rapaturoamokau. Hai niuli liliu ngkaia kamaroana i Pue Ala.

2 Korintu 9:14

Hai ihira ina mampekakaengaakau hangko i lalunda hai rakabilaikau lawi mahile mpuu ahina Pue Ala au mobago i lalumi.

2 Korintu 8:2

Molambihe pekelo hai kapari au mantimi mpuu. Agaiana i lalu kaparinda iti, matanahe. Hai nauri meahi-ahi mpuu tuwonda, mahile ahinda mogulu doi rapopotulungi ranganda.

1 Timotiu 5:13

Mewali, ane mangura manihe, inee rauki hanganda i lalu sura poukia hanga-hanga tobemba. Lawi biasana lohehe mampopolumao bagonda au hintoto i lindona Pue, hai mesonda-sonda pea bagonda. Hai bara pea iti, agaiana moanti-anti worihe lolita i ranganda. Raunde peami mampesuaki urusiana ranganda, hai mopahawe liliuhe lolita au bara hintoto rahowara.

1 Tesalonika 3:12

Kiperapi bona katetetambaia ahinda, alana mombepokaahi mpuuhe hadua hai hadua, hai mampokaahihe ope-ope tauna, nodo kamaahingki irihira.

2 Korintu 8:7

Halalu, i paka-pakana ikamu tepaiwongkomokau: tepaiwongkokau i pepoinalaimi, i paturo au tou, i kapandemi mepaturo, i kaniisana metulungi, hai i kamahilena kamaahimi irikami. Idomi halalu hai kuperapi hangangaa tepaiwongko worikau i lalu pobagomi motulungi rangami au meahi-ahi tuwonda.

Roma 12:11

Hangangaa madotakau mobago i Pue, ineekau lohe. Hangangaa nipopolumao bagona Pue hangko i lalumi.

Yohane 5:42

agaiana ikamu, Kuisa mpuukau, kadana ara ahimi i Pue Ala.

Matiu 25:26

Nauli ampunda iti, ‘Oio hawi au kadake hai au lohe mobago! Nuisa ide iko tauna au mampopobago mantimi hawingku. Kutuduhe mehua hai mantuda bona iriko haha wuana!

Matiu 20:6

Kalumbami, ina tinti lima, molambi mbuli tauna au mohuda-huda. Napekunehe: ‘Moapa hai mohuda-huda peakau hangaloa, barakau mobago?’

Matiu 20:3

Tinti hahio madondo, lao mbulimi mohaoki au ntanina, naita bahangkia tauna mohuda-huda i pobalu-balua.

Matiu 13:22

Tinuda au manawo i olo dui lempona, tauna au mampehadingi Ngkorana Pue Ala, agaiana mopailalu liliu peahe katuwonda i lalu dunia, hai mampeinao peahe morampu anu-anu dunia. Ido hai barapi ara paidaa Ngkorana Pue Ala i lalunda, hai barapi mobundu Ngkora iti i lalu katuwonda.

Yohane 17:3

Au Kutunggai hai ‘katuwo maroa au bara mokahopoa’ iami: Moisahe kaOiona Pue Ala au tou, au bara ara karoduaNa, hai moisa worihe Yesu Kerisitu au Nutudu mai i dunia.

Pilipi 3:8

Hai bara pea ido, ide-ide kuisami: hinangkana iti bara ara bunduna iriko, lawi ara au melumbu kamaroana, iami pohintuwuku hai Kerisitu Yesu Ampuku. Ido hai kukabahami ope-ope au ntanina, kuimba pea pupu bona meulana i Kerisitu,

Kolose 1:10

bona babehiami ina hintoto hai tauna au moula peundeana Pue, hai bona ope-ope babehiami ina mopamatana laluNa. Ane nodo katuwomi, ina mobabehikau hinangka bago au maroa, hai ina katetetambaia poisami Pue Ala i lalu katuwomi.

2 Peturu 1:3

Hangko i kuasaNa au mahile, Pue Ala moweike hinangka au taparaluu bona maroa katuwonta hai maroho peulanta Iria. Naweimoke ope-ope iti, lawi moisamoke Pue Ala au mokakioke mewali anaNa anti peawana tuwoNa hai kamaroana laluNa.

2 Peturu 2:20

Meahi-ahi mpuuhe tauna iti. Nguru-nguruna moisamohe Amputa Yesu Kerisitu, ido hai tekabahahe hangko i babehia au kadake i dunia ide, agaiana roo indo mesule hulehe i babehianda au kadake duuna moulahe babehia iti. Kahopoana rumihi mpuu kamaruginda hangko i nguru-nguruna.

2 Peturu 3:18

Hangko i kabulana laluna Amputa Yesu Kerisitu hai kanoto lalu au Naweikau, hangangaa nipakaroho peulami Iria au mohoremake hangko i huku dosanta. Tatoiami Amputa mepongka ide-ide hawe i hae-haena. Amin. Hangko iriko, PETURU