2 Korintu 9:14 - Sura Malelaha

¹⁴ Hai ihira ina mampekakaengaakau hangko i lalunda hai rakabilaikau lawi mahile mpuu ahina Pue Ala au mobago i lalumi.

2 Korintu 9:14 교차 참조

1 Timotiu 1:14

Nauri mahile dosangku, agaiana melumbu mani kamahilena ahina Pue Ala. Natulungina hangko i kabulana laluNa, alana mampoinalai hai mampokaahina Kerisitu Yesu.

Pilipi 4:1

Mewali halalu au kupokaahi hai au kukabilai: nipakaroho pepoinalaimi i Pue. Ikamumi au kupomahile hai au kupokatana lalu.

Pilipi 1:8

Pue Ala moisa ntepuu noumba kakukabilaimi, hai pekabilaingku ide nodo kamaahina Kerisitu Yesu irikamu.

2 Korintu 8:1

Kaliliuana halalu, kupeinao kuuliangaakau apa au mewali inde i tampo Makedonia. Mahile ahina Pue i jumaa au ara i Makedonia.

Pilipi 2:26

Ia kutudu mesule, lawi mabilami irikamu hai masusa laluna lawi au liu nihadi kamahaina.

2 Korintu 1:11

Hai nipekakaea woringkai. Lawi ane bosa tauna mampekakaengaangkai, Pue Ala ina motulungingkai, alana bosa tauna ina manguli ngkaia kamaroana Iria.

Roma 1:11

Lawi kupeinao mpuu hidupa hai ikamu bona kukira-kiraakau pewati hangko i Inao Malelaha au ina mopakaroho pepoinalaimi.

Lukasi 16:9

Ido hai Kuuliangaakau: tauna au mengkoru i Pue Ala hangangaa mampekirihe karao. Anu-anumi i dunia ide hangangaa nipake motulungi hangka rangami bona ane hawe tempona anu-anumi iti barapi mobundu, ina radokokau i paidaa au maroa duuna i hae-haena.

2 Korintu 9:13

Ane moitamohe petulungimi, ina motoiahe Pue Ala lawi anti kamaroana lalumi tongawami kamarohona pepoinalaimi i Ngkora Marasa kana i Kerisitu hai pengkorumi i hawaNa. Ina motoiahe Pue Ala, lawi bula lalumi motulungi tauna iti hai tauna ntanina.

2 Korintu 9:15

Tauli ngkaia kamaroana i Pue Ala, lawi mahile mpuu kabulana laluNa irikita, melumbu hangko i apa au peisa tapololita!