2 Korintu 9:10 - Sura Malelaha

¹⁰ Pue Ala mopasilolonga tinuda i topohawu, hai hangko i tinuda iti, Ia mopaara paande. Nodo wori, Pue Ala ina motambai apa au ara irikamu bona tetambai kamaroana lalumi motulungi tauna ntanina.

2 Korintu 9:10 교차 참조

2 Korintu 9:6

Nipailalu lolitangku ide: apa au tatuda, iti wori au tapupu. Tauna au motuda haodi, haodi pea au napupu. Tauna au motuda ngkaia, ngkaia wori au napupu.

Pilipi 4:17

Kuuli nodo, bara anti kamampeinaongku mbuli molambi kabula lalumi. Agaiana peundeaku bona hangko i kamaroana lalumi, katetetambaia pewatina Pue Ala irikamu.

1 Tesalonika 3:12

Kiperapi bona katetetambaia ahinda, alana mombepokaahi mpuuhe hadua hai hadua, hai mampokaahihe ope-ope tauna, nodo kamaahingki irihira.

Matiu 6:1

“Nipamaroa-roa ineekau mobabehi rara mpoagama i lindonda tauna bosa bona raita peakau hangka rangami. Lawi ane nodo babehiami, barakau ina nawati Pue Ala, Umami au ara i suruga.

Pilipi 1:11

Mekakaena bona nibabehi liliu apa au manoto anti pobagona Yesu Kerisitu i lalu katuwomi, alana bosa tauna motoia hai mampomahile Pue Ala.

Epesu 5:9

Lawi hangko i kamabaana lalumi, mesupa ope-ope babehia au maroa, au tou hai au manoto.

1 Tesalonika 4:10

Katouana, maahimokau i ope-ope halalumi hampepepoinalai i Makedonia. Agaiana kiperapi mpuu halalu bona babehiami iti nitambai mani.

2 Korintu 9:12

Popenombami iti ina mopabukei kamakuranda to Sarani i Yerusale. Hai bara iti pea, anti kabulana lalumi, bosa tauna manguli ngkaia kamaroana i Pue Ala.

Galatia 3:5

Naweimokau Pue Ala Inao Malelaha hai mobabehimi tanda kuasa i olomi. Ba Nababehi nodo anti peulami i Aturana Musa? Bara. Nababehi nodo, lawi mohadimokau Ngkora Marasa hai mampoinalaimokau Pue Yesu.