2 Korintu 8:19 - Sura Malelaha

¹⁹ Ia rapilei worimi ope-ope jumaa inde bona mamporangaingkai i polumaongki ane laongkai moanti doi petulungimi i halalunta hampepepoinalai au ara i lalu kamakuranda. Lawi tunggaiana polumaongki ide bona hangana Pue rapomahile, hai bona tongawa kamahilena ahinta i halalunta hampepepoinalai.

2 Korintu 8:19 교차 참조

2 Korintu 4:15

Ope-ope ide mobundu irikamu bona tauna au mohadi Ngkora Marasa, alana kabosa-bosaa tauna au manguli ngkaia kamaroana i Pue Ala. Hangko inditi hangana Pue Ala rapomahile.

2 Korintu 9:8

Hai Pue Ala ina moweikau hinangkana pewati duuna barapi ara kamakurami bona nibuku mampopolumao hinangkana bago motulungi rangami.

Suro 15:25

Ido hai mogombomongkai inde, hai hampepekirimongkai mopilei bahangkia rangangki au kitudu lao irikamu hihimbela hai Baranaba hai Paulu au kipokaahi.

Suro 15:22

Roo indo, suronahe Pue Yesu, penatua-penatua hai ope-ope to Sarani au teruhu inditi mopileihe bahangkia ranganda bona ratuduhe lao i Antiokia hihimbela hai Paulu hai Baranaba. Au rapilei iti, rodua tobalilo au rabila halalu hampepepoinalainda, iami Silas, hai Yudasi, au rahanga wori Barsabas.

Suro 14:23

I polumaonda iti, Paulu hai Baranaba mopilei hai moangkahe penatua i boea-boeana. Mopuasa hai mekakaehe, merapihe bona nakadipurahe Pue lawi Ia pea peharunganda.

Suro 19:22

Hangko inditi, natudumohe rodua tauna au meula iria moioru lao i Makedonia. Hanganda, Timotiu hai Erastus. Agaiana Paulu ara mani i propinsi Asia.

Suro 19:29

Mewali humalele wanua iti magunego. Hai rame-ramehe tauna bosa lao mohaka Gayu hai Aristarkus. Gayu hai Aristarkus iti iami to Makedonia au mamporangai Paulu i polumaona. Rahakamohe tauna rodua iti hai raantihe lao i sou poteruhua mahile i lalu wanua.

Roma 5:3

Hai bara iti pea, matana worike i lalu kapari au morumpake, lawi taisa hangko i kapari iti, meguruke bona mantaha.

Roma 5:11

Hai bara pea iti, matana mpuu lalunta mampokatana roana Pue Ala au tahumba anti kanapahuruntami Amputa Yesu Kerisitu. Lawi hangko i Yesu Kerisitu, maroami pohintuwuta hai Pue Ala.

2 Korintu 8:11

Mewali tunggaiami au nipeinao nibabehi hangkoia, hangangaa nipaliliu duuna hopo. Agaiana hangangaa mokirakau i sukana pesauruami hadua-hadua.

2 Korintu 8:12

Lawi ane mampeinaoke motulungi ranganta hai mokirake popenombata moula apa au ara irikita, popenombata iti nadoko Pue Ala. Bara Naperapi irikita apa au meliu hangko i pesauruanta.

2 Korintu 8:20

Tunggaiaki motudu halalunta ide lao hihimbela hai Titu bona dati ara au moraingkai i pogulu doi petulungimi au ngkaia.

2 Korintu 9:2

Kuisa niunde mpuu metulungi, ido hai kutoia amimokau i to Makedonia, kuuliangaahe: “Ane halalunta au maidahe i tampo Akaya, mepongka pare liu, masilolongamohe motulungi halalunta hampepepoinalai au meahi-ahi tuwonda.” Mewali, kamohadinda kamaahina lalumi mokira doi iti, tehuweki worimi lalunda, alana bosahe au mokira petulunginda.