Ido hai motudungkai Titu lao irikamu lawi iami au mampepongka bago ide, bona modureikau mogulu doi petulungimi i halalumi to sarani au meahi-ahi tuwonda. Mewali ide-ide kitudu mbuli lao irikamu bona mopaliliu bago iti i olomi.
Mewali, idemi lolitangku irikamu halalu: agina nipahopo bagomi au nipepongka pare liu, lawi ikamumi au nguru-nguruna motunggai mogulu doi au peisa rapakatu i rangami au ara i lalu kamakuranda.
Au kuuliangaakau ide bara nodo parenta. Tunggaiaku bona kupopaisaakau noumba kamahilena ahinda to Makedonia mokira doi petulunginda i ranganda. Hai hangko inditi, peisa kuita noumba kamahilena ahimi.
Hangkoia kuperapi bona Titu lao mosondakikau, hai ara wori hadua halalunta au kutudu mamporangai. Ba naakalangikau Titu i tempo iti? Niisato halalu, Titu hai iko hampepekiri peangkai, himbela poantiki.
