2 Korintu 7:7 - Sura Malelaha

⁷ Hai meliu hangko indo, matanangkai mohadi lolitana kana irikamu. Titu mopahawe irikami noumba kanipalindona laluna tangana maida i olomi. Nauli rumihi kamabilami iriko. Nauli wori: tebalikimi lalumi hai merapi ampumokau lawi nipeinao mohintuwu hai iko hangko i lalumi. Kakuhadina iti, tetambaimi kamatanangku, halalu.

2 Korintu 7:7 교차 참조

Yudasi 1:3

Halalu au kupokaahi! Nguru-nguruna au kekuukiakau i sura ide iami kana i katehorema au tahumba sambela hangko i Pue Ala. Agaiana ide-ide, tediimi lalungku mobaliki tunggaiaku au nguru-nguruna. Ide-ide kuukiakau sura ide bona nipakaroho pepoinalaimi i paturo au tou hai bona niewa liliuhe tauna au moanti paturo au sala. Lawi Pue Ala mopahawe paturo au tou irikita ope-ope au mewali kiraNa bona iti au tapoinalai, hai paturo iti bara peisa rabaliki.

2 Korintu 5:2

Tanganta mani tuwo i dunia ide, mantodihake lawi mampeinaoke molambi paidaa au wou i suruga.

2 Yohane 1:4

Matana mpuu lalungku mohadi bahangkiahe anamu inde moulamohe paturo au tou, nodo au nahawaake Pue Ala Umanta.

Yakobu 5:17

Nikatuinao tuntukana nabi Elia hangkoia. Nabi Elia iti, tauna biasa himbela hai ikita. Ia mekakae hangko i laluna mpuu dati keuda. Hai bara mpuu keuda i lalu talu parena hai ini wulana.

Ibarani 2:1

Mewali, hangangaa tapamaroa-roa mpuu pampeulainta bambari au tou au tahadimi bona datike mopalehi pepoinalainta.

1 Tesalonika 3:8

Mewali, maroho hulemi buungki, lawi maroho pepoinalaimi i Pue Yesu.

1 Tesalonika 3:6

Mewali, ide-ide, Timotiu mesulemi inde, hai napahaweamongkai bambari au mopamatana lalungki. Nauli, “To Tesalonika iti, maroho mpuu pepoinalainda hai kamaahinda. Mabila worihe irikita, hai ikita ara liliu i lalunda. Nodo katapeinaona mampohidupaahe, ihira wori mampeinao mampohidupaake.”

Kolose 2:5

Lawi nauri karaona hangko irikamu, agaiana aratokau i lalungku. Matana mpuuna mohadi kamarohona pohintuwumi hai pepoinalaimi i Kerisitu.

Pilipi 1:20

Peundeaku hai peharungangku hangangaa mampopolumaona bagongku au napatokami Pue Ala iriko i karoa-roakana datina maea. Kuharunga ina baina mopahawe liliu posabingku, pelumbunami ide-ide bona mampomahilena hangana Kerisitu, maroa i tuwongku, maroa i kapatengku.

2 Korintu 8:16

Kuuli ngkaia kamaroana i Pue Ala, lawi Ia au mampopokale laluna Titu pane madota motulungikau. Tunggaiana Titu iti, himbela wori hai tunggaiaki.

2 Korintu 2:9

I lalu surangku hangkoia, kutudukau nihuku. Tunggaiaku mouki sura iti bona kupetandakakau ba nipeulai mpuu ope-ope hawangku. Hai nipeulai mpuumi hawangku iti,

Roma 1:12

Tunggaiaku bona tepakaroho worina anti pepoinalaimi; mewali peisake momberohongi mpolalu hadua hai hadua.

Suro 11:23

Baranaba iti, tauna au maroa laluna. Ia nakuasai Inao Malelaha hai maroho pepoinalaina. Kahawena Baranaba i Antiokia, matana mpuu laluna, lawi naita kamahilena pewatina Pue Ala irihira au mepoinalai i Yesu. Mewali, Baranaba mopakaroho lalunda, hai nauliangaahe bona mampeulai liliuhe Pue Yesu hangko i lalunda. Ido hai bosa wori to Antiokia mepoinalai i Pue Yesu.

Lukasi 22:44

Mapari mpuu Nahadi, ido hai napari-pari mekakae. Anti kamasusana laluNa, tumbumi siwuniaNa nodo wahe mougu-ogu tudo i tampo.]

Matiu 26:75

Nakatuinaomi Peturu lolitana Yesu au mouliangaa, “Hangko damani motuturua manu, talumi belaNgku nusapuaka.” Padumi Peturu lao i raoa, hai moteriami monggoro-nggoro lawi masusa laluna.

Matiu 5:4

Morasihe tauna au mapari lalunda, lawi Pue Ala ina mopalindohe.

1 Korintu 5:2

Agaiana ikamu, nauri ara au mobabehi nodo i olomi, mampemahile manikau! Katouana, hangangaa masusari lalumi, hai tauna iti hangangaa nipopeloho hangko i olomi.

2 Korintu 1:4

Ia mopakaroho lalungki i lalu paka-pakana kapari au morumpangkai bona karoho au kidoko hangko Iria, kipake wori mopakaroho lalunda hema pea au narumpa kapari apa pea.

2 Korintu 7:6

Agaiana Pue Ala au mopalindo tauna au masusa lalunda, mopalindowomongkai i kahawena Titu.

2 Korintu 7:8

Nauri ihi surangku hangkoia mobelai lalumi, agaiana bara kupenosoi mopakatuakau sura iti. Nguru-nguruna mapari mpuu kuhadi, lawi kuisa hangangaa masusa lalumi ane mobasakau sura iti. Agaiana kamasusana lalumi iti hampalai pea.