2 Korintu 6:17 - Sura Malelaha

¹⁷ “Mewali, hangangaa nikabaha peulami i babehianda tauna au baraNa raisa. Ineehe nipohintuwua! Nipakarao watami hangko i ope-ope babehia au kadake.”

2 Korintu 6:17 교차 참조

Pampetudungia 18:4

Roo indo, kuhadi mbulimi hambua wotu hangko i suruga au manguli, “Padumokau taunaNgku! Melohomokau hangko i wanua ide. Ineekau mampeulai dosanda ampu boea ide, datikau nalelehi pepopeahi-ahi au morumpahe.

2 Korintu 7:1

Halalu-halalu au kupokaahi, anti kanaweinta Pue Ala dandiNa iti, ido hai hangangaa takabaha hinangkana au moantike i babehia au kadake, maroa au i watanta ba i lalunta. Hangangaa mampeulai mpuuke peundeana Pue Ala, hai hangangaa langake mobabehi apa pea au bara moula peundeaNa.

Suro 2:40

Bara iti pea au nauli Peturu, agaiana ngkaia mani au napololita. Ia mopaturohe tauna bosa hai napopaingaahe, nauli, “Menosomokau! Ineekau mampeulai tauna au kadakehe ide bona datikau molambi pehukuna Pue Ala au ina morumpahe!”

Roma 15:7

Mewali, halalu, ido hai kuuliangaakau: nidoko maroa halalumi hampepepoinalai, nodo Kerisitu modoko worike ope-ope. Lawi ane hintuwuke hai halalunta hampepepoinalai, Pue Ala rapomahile anti babehianta iti.