2 Korintu 6:14 - Sura Malelaha

¹⁴ Ineekau mampohintuwua tauna au barahe mepoinalai i Pue Yesu. Ba niuli himbela pea tauna au moulahe peundeana Pue Ala hai tauna au mosapuakahe Pue Ala? Peisa pae au mabaa mohintuwu hai au makaindi?

2 Korintu 6:14 교차 참조

1 Korintu 15:33

Ineekau rapakanawo! Ane mampohimadakau tauna au kadake babehianda, babehiami au maroa ina tebaliki mewali kadake, nodo babehianda.

1 Korintu 10:21

Ane maenukau anggoro i penombaami i Pue Yesu, bara hintoto ane lao worikau maenu anggoro hihimbela hai ihira au menombahe i tokadake. Ane maandekau roti mokatuinao kapatena Pue, bara wori hintoto ane laokau maande sambela hai ihira au menombahe i tokadake.

Yakobu 4:4

Halalu, bara hintoto ane mopalehike Amputa hai moulake babehia au kadake i dunia ide. Niisami halalu, ane mampeulaike babehia au kadake i dunia ide, batena mampopewalike watanta iwalina Pue Ala. Hambela mani kuuli: hema au mounde babehia au kadake, ia au mampoiwali Pue Ala!

1 Korintu 5:9

I lalu surangku hangkoia, kuuliangaakau bona ineekau mampogaloa tauna au mobabehi sala i babehia towawine hai tobalilo.

Pilipi 2:15

bona tongawa i ope-ope tauna ikamu ananakau Pue Ala, bara ara kamasalami, malelaha tuwomi hai bara ara tunggaiami au kadake. Nodo betue au mewangka mosimbaki kamakaindi, nodo worikau ikamu au maida i olonda tauna au motengko babehianda hai au kadake lalunda,

Yohane 7:7

lawi bara ara tauna au mokahihikau. Agaiana Iko, rakahihiNa tauna au kadake i dunia ide, lawi Kupakanotoahe kakadakena babehianda.

1 Korintu 7:39

Moula atura potambi, hadua towawine tetaka liliu i tobalilona ane tuwo mani. Ane matemi tobalilona, tekabahami hangko i atura au motaka i tobalilona. Towawine iti peisa mbuli motambi, asala mampotambia tobalilo to Sarani.

Suro 4:23

Karakabahanda Peturu hai Yohane, laomohe mampohidupaa ranganda, hai rapololita apa au rauliangaahe kapala-kapala tadulako mpenomba hai totosaenda to Yahudi.

1 Korintu 6:6

Ara kuhadi hadua tauna hangko i olomi au mosalai halaluna hampepepoinalai i lindona topebotusi au bara mepoinalai i Pue Yesu!