2 Korintu 4:8 - Sura Malelaha

⁸ Iumba pea kalaoangki, narumpangkai ngkaia kapari, agaiana barangkai manawo. Wulingkai, agaiana bara ope peharungangki i Pue Ala.

2 Korintu 4:8 교차 참조

2 Korintu 12:10

Mewali, kupokatana mpuu ane maledena, hai matanana ane rakakabosaina ba rapopeahi-ahina, ba molambina kasusa hai kapari anti peulangku i Kerisitu. Lawi ane maledena, ina marohona anti kanatulungingku Pue.

2 Korintu 7:5

Nodo au kutuntumi, hangkoia meangkamongkai hangko i Troas lao i tampo Makedonia. Agaiana i kahawengki i Makedonia, bara wori tinda lalungki, lawi iumba pea kalaoangki, narumpangkai ngkaia kapari maroa hangko i raoa ba hangko i lalungki au buke kalanga.

Yohane 14:18

Barakau ina Kupalehi nodo ana toilu. Ina mai huleNa irikamu.

1 Korintu 10:13

Hinangka pekelo au morumpake, pekelo biasa pea au ralambi wori tauna ntanina. Agaiana Pue Ala mokatuinao liliu dandiNa irikita; barake ina Napogiangaa rakelo meliu hangko i rohona lalunta. Ane narumpake pekelo, Pue Ala ina moweike rara monangi pekelo iti bona peisake mantaha i lalu pepoinalainta.

2 Korintu 6:4

I paka-pakana, kibabehi liliu apa au maroa bona tongawa kaikamina topobagona Pue Ala au manoto. Mantahangkai i lalu mampopengaa kasusa hai kapari.

2 Korintu 6:12

Kitudungiamokau lalungki agaiana ikamuri au bara kiita lalumi

Galatia 4:20

Ide-ide kupeinao mpuu bona hihimbelana hai ikamu bona lolitangku au makasara i sura ide anti kawuntunami pekiringku, peisa kubaliki.