2 Korintu 3:7 - Sura Malelaha

⁷ Hangkoia Pue Ala mouki AturaNa i watu poukia au Nawei i nabi Musa. I tempo iti peawana Pue Ala tongawa i lindona Musa au mewangka, ido hai bara rabuku to Isaraeli mototoki lindona Musa. Aturana Pue Ala au teuki i watu iti moanti kapate i manusia, lawi bara tabuku moula atura iti. Agaiana nauri nodo, mahile peawana Pue Ala au raita to Yahudi i lindona Musa. Mewali, ane peawana Pue Ala au mahile tongawa i atura au moanti kapate iti,

2 Korintu 3:7 교차 참조

1 Korintu 13:10

Agaiana ane hawemi tempona Pue Ala mampopeawa hinangkana, barapi ara kapande au makura iti.

Roma 10:4

Katouana Kerisitu mopabukeimi Atura iti bona Napakanotoke i peitana Pue Ala anti pepoinalainta Iria.

2 Korintu 3:6

Ia moweingkai kapande mewali topobagoNa au mopaguru tauna i dandiNa au wou. Barahe kipaguru bona mampeulaihe atura-atura au teuki bona mewalihe manoto i peitana Pue Ala. Agaiana kipaguruhe bona molambihe katuwo au wou hangko i Inao Malelaha. Lawi ane mampeinaoke mewali manoto i peitana Pue Ala i kamampeulainta atura au teuki, ina molambike kapate, lawi bara buke katapeulaina. Agaiana ane meulake i Pue Ala anti kuasana Inao Malelaha, molambike katuwo maroa au bara mokahopoa.

2 Korintu 3:3

Nipetudungia i ope-ope tauna wua pobagongki moanti bambari kana i Kerisitu irikamu. Ikamu nodo hambua sura au nauki Kerisitu. Sura iti bara Nauki hai tinta ba i watu poukia. Lawi Kerisitu mouki lolitaNa i lalumi anti kuasana Inaona Pue Ala, au tuwo.

Roma 4:15

Lawi au tahumba hangko i Aturana Musa iami karumpuna pea Pue Ala, lawi moliungike Atura iti. Ane rapana Pue Ala barake mowei aturaNa, kebarake masala moliungi atura iti.

Roma 7:10

alana nauli lalungku: hintoto mpuuna rahuku mate hai ragaakina hangko i Pue Ala. Katouana, tunggaiana Aturana Musa bona molambina katuwo maroa.

Suro 6:15

Karahadina tadulako iti lolitanda, mototokimohe Setepanu. I tempo iti, lindona Setepanu raita nodo lindo malaeka.

Roma 7:22

I lalungku kuunde Aturana Pue Ala.

Ibarani 9:4

I hologa iti, ara meja pointua dupa au rababehi hangko i bulawa, hai ara wori haogu peti au rahanga Peti Podandi. Peti iti ralapisi hai bulawa, i raoana hai i laluna. I lalu peti iti, ara pahalo bulawa au raihii roti manna, ara laina Haruni au motumbe, hai ara wori rompeka watu au rapoukii hawa hampulo au hangko i Pue Ala.

Roma 5:20

Tunggaiana Aturana Pue Ala au napahawe Musa, iami bona tongawa mpuu kamasalanda ope-ope tauna, lawi ngkaiami peliunginda i Atura iti. Agaiana nauri rumihi kamahilena dosa manusia, melumbu mani kamahilena kabulana laluna Pue Ala i manusia!

Roma 7:5

Hangkoia, i kadanta mani mepoinalai i Yesu, tapeinao peami mobabehi au kadake. Hai apa au rakontoake i Aturana Musa, itiri au tapeinao tababehi. Lawi i lalu katuwonta hangkoia, watanta tapake mobabehi dosa, alana hintotoke rahuku mate hai ragaakike hangko i Pue Ala.

2 Korintu 3:8

apa mani pobagona Inao Malelaha.

Galatia 3:10

I lalu Sura Malelaha hangkoia teuki node: “Hema-hema au bara mampeulai hinangka parenta au teuki i lalu Aturana Musa, batenda napaharara Pue Ala.” Mewali, halalu, taisa: ane ara tauna au napeinao mopamanoto watana i peitana Pue Ala anti pampeulaina Aturana Musa, batena ina harara i lindona Pue Ala. Lawi hema pae au peisa mampeulai ope-ope hai au bara ara kamasalana?

Galatia 3:21

Kaliliuana halalu, Aturana Musa bara moewa tunggaiana dandina Pue Ala. Ane rapana, peisa tapeulai atura-atura iti bona molambike katuwo maroa, lempona atura itimi au mewali raranta mopamanoto watanta i peitana Pue Ala.

Ibarani 3:3

Agaiana Yesu hintoto molambi pebila au meliu hangko i Musa, lawi tauna au moaro sou hangangaa meliu karabilana hangko i sou au naaro.

Ibarani 12:18

Halalu, ide-ide ane mohungkukikau Pue Ala bara himbela hai to Isaraeli. Hangkoia Pue Ala mongkora i to Isaraeli hangko i Bulu Sinai i kaNaweinda AturaNa. Bulu iti, bulu biasa au peisa rapetobo. Tanganda to Isaraeli molindo bulu iti, moitamohe api au lolaa, rambu, gawu au makaindi, hai himburu kebuu.