2 Korintu 3:14 - Sura Malelaha

¹⁴ Agaiana pekirinda tetuko mani, lawi hawe ide-ide natabungi manihe tolombu iti. Ane mobasahe atura au hae, tetuko mani pekirinda. Ane mepoinalaimohe i Kerisitu, hangko tebungkahiri pekirinda.

2 Korintu 3:14 교차 참조

Suro 26:18

Idemi tunggaiaKu motuduko lao irihira bona tebungkahi matanda, hai mopalehihe kamakaindi lao i kamabaana, hai tekabahahe hangko i kuasana Datu Tokadake hai mepoinalaihe i Pue Ala. Mewali, anti pepoinalainda Iriko, teampungimi dosanda, hai mewalimohe taunana Pue Ala.’ ”

Roma 11:25

Halalungku hampepepoinalai! Kupeinao mouliangaakau apa tunggaiana Pue Ala au bara raisa tauna hangkoia. Kuuliangaakau ide bona ineekau mampemahile. Bona niisa: ide-ide hanggaa to Yahudi matua lalunda agaiana iti bara mahae, duuna handa kabosanda tauna au barahe to Yahudi au mepoinalai i Yesu hintoto hai tunggaiana Pue Ala.

2 Korintu 4:6

Lawi Pue Ala au mongkora, Nauli, “Hangko i kamakaindi, mesupami baa!”, Ia worimi au mampopesupa baa i lalunta, bona moisake peawana tuwona Pue Ala au tongawa i tuwona Kerisitu.

Suro 16:14

I olonda towawine iti, ara hadua au rahanga Lidia hangko i wanua Tiatira. Ia, topobalu-balu bana maroa au masuli holona, hai au menomba wori i Pue Ala. Pue Ala mopakanoto laluna, alana modoko apa au napaturoahe Paulu.

Suro 13:15

To Yahudi au teruhu inditi mobasahe hangko i Sura Aturana Musa hai hangko i Suranda Nabi. Roo indo, tadulako sou penombaa motudu bahangkia tauna lao mekune i Baranaba hai Paulu, rauli, “Halalu, ane ara lolitami au nipeinao nipaturoangkai, peisatokau mololita.”

Yohane 12:46

MaiNa i dunia ide mewali pewangka bona ope-ope tauna au mepoinalai Iriko barapohe maida i lalu kamakaindi.

Yohane 12:40

“Nauli Pue Ala: ‘Kupabilomohe, datihe meita. Kupamatua lalunda bona barahe moisa peundeaKu. Kahopoana barahe mesule Iriko, hai barahe Kuhorema.’ ”

Yohane 8:12

Roo indo, mololita mbulimi Yesu mepaturo, Nauli, “Ikomi pewangka au mopamabaa lalu manusia i humalele dunia. Tauna au meula Iriko, barahe molumao i kamakaindi. Batena molambihe kamabaa au mopaara katuwo au bara mokahopoa.”

Matiu 16:17

Nauli Yesu, “Simo anana Yunu, morasi mpuuko, lawi bara manusia au mampopaisaako iti, agaiana UmaNgkuri au ara i suruga.

Matiu 13:11

Nahanai Yesu, “Hangkoia, tewuniangi mani paturo kana i poparentana Pue Ala. Ide-ide Naweikau Pue Ala pekiri bona niisa lempona paturo iti. Agaiana ane tauna bosa, barahe Nawei pekiri molempo paturo iti.

Matiu 6:23

Agaiana ane wura matami, makaindi wori humalele watami. Ane hulo au ara i watami mewali makaindi, meruu ntepuu kamakaindina.”

2 Korintu 3:6

Ia moweingkai kapande mewali topobagoNa au mopaguru tauna i dandiNa au wou. Barahe kipaguru bona mampeulaihe atura-atura au teuki bona mewalihe manoto i peitana Pue Ala. Agaiana kipaguruhe bona molambihe katuwo au wou hangko i Inao Malelaha. Lawi ane mampeinaoke mewali manoto i peitana Pue Ala i kamampeulainta atura au teuki, ina molambike kapate, lawi bara buke katapeulaina. Agaiana ane meulake i Pue Ala anti kuasana Inao Malelaha, molambike katuwo maroa au bara mokahopoa.

Suro 15:21

Hangko i ope-ope Aturana Musa, hawa au bahangkia iti pea au tapahaweahe, datike mopakoi inaonda to Yahudi. Lawi hangkongkoiami, to Yahudi au maida i boea-boeana mobasa Sura Aturana Musa i Alo Pengkarooangaa i sou penombaa. Hai Atura iti rabambari i ope-ope boeanda.”

2 Korintu 3:15

Haweto mani ide-ide, bela-belanda mobasa surana nabi Musa, ara mani au motabungi lalunda hai pekirinda.

Epesu 4:18

hai makaindi lalunda. Barahe mohumba katuwo au wou hangko i Pue Ala, lawi barahe moisa Pue Ala. Ntulihe lawi matua lalunda.