2 Korintu 11:4 - Sura Malelaha

⁴ Arahe guru agama i olomi au mopaturokau kana i Yesu, agaiana paturonda bara himbela hai apa au kipaturoakau. Ane paturonda bara himbela hai paturongki, moapari hai niunde mampehadingi lolitanda? Niunde pae modoko inao ntanina au mosisala hai Inao Malelaha au nidokomi? Niunde pae modoko bambari au mosisala hai Ngkora Marasa au nipoinalaimi? Halalu, inee nodo.

2 Korintu 11:4 교차 참조

1 Korintu 3:11

Lawi bara ara rara ntanina mewali anana Pue Ala, batena pea mepoinalai i Yesu Kerisitu. Ido hai Yesu Kerisitu rapandiri nodo watu pohudaa sou au naaro Pue Ala. Bara ara pohudaa sou au ntanina.

1 Timotiu 2:5

Hadua pea Pue Ala, hai hadua pea wori au peisa mopahintuwu Pue Ala hai manusia. Topepahintuwu iti, manusia wori, iami Kerisitu Yesu.

Galatia 3:2

Nikatuinao halalu apa au mewali irikamu hangkoia. Modokokau pae Inao Malelaha anti peulami i Aturana Musa? Bara! Agaiana modokokau Inao Malelaha lawi mohadimokau Ngkora Marasa hai mampoinalaimokau Pue Yesu.

Roma 8:15

Hangkoia, nodoke hawi, lawi langake i pehukuna Pue Ala. Agaiana ide-ide, anti polambitami Inao Malelaha, barapoke langa. Lawi Inao Malelaha itimi au mampopewalike anana Pue Ala. Hai anti pokalena Inao Malelaha, baimoke mokakio Pue Ala, “Uma!”

Suro 4:12

Hangko inditi, nauli mbulimi Peturu, “Bara ara rara ntani molambi katuwo maroa hangko i Pue Ala, batena pea Yesu. Lawi i humalele dunia ide, bara ara tauna ntanina, batena pea Yesu au natudu mai Pue Ala i manusia, hai Ia pea au Nabuku mohoremake hangko i huku dosanta.”

Markus 7:9

Hangko inditi, nauliangaa mbulihe Yesu, “Mapande mpuukau mopakarao hawana Pue Ala hangko i katuwomi bona adami pea haduduami au nipeulai.

2 Korintu 2:12

Kaliliuana halalu, hangkoia i kapadungku hangko i wanua Epesu, laona mobambari Ngkora Marasa kana i Kerisitu i wanua Troas. Kahawengku i Troas, Pue mobungkahiana rara bona mobagona inditi.

2 Korintu 11:1

Mewali halalu, kuperapi bona nipehadingi lolitangku, nauri mololitana nodo tontuli.

1 Timotiu 1:3

Kuperapi bona oio maida liliuko i Epesu nodo au kuuli hangkoia i peangkaku, mai inde i Makedonia. Lawi inditi arahe bahangkia tauna au moanti paturo au sala, hai hangangaa nukontohe bona ineehe moanti liliu paturo au mepakanawo.