2 Korintu 1:19 - Sura Malelaha

¹⁹ Lawi Yesu Kerisitu, Anana Pue Ala, au kibambariamokau, iko, Silas hai Timotiu, bara nodo tauna au bara tetida pekirina, hambela manguli “io” hambela manguli “bara”. Agaiana Ia ane Naulimi “io” barapi ina tebaliki.

2 Korintu 1:19 교차 참조

Ibarani 13:8

Yesu Kerisitu bara tebaliki; Ia himbela pea hangkoia, ide-ide, hawe i hae-haena.

Pampetudungia 1:17

KakuitaNa, liliu tepalumbana i bitiNa, nodomona mate. Hangko inditi, Naonami taie koanaNa i watangku hai Nauliangaana, “Ineeko langa. Ikomi au pepongkana hai au kahopoana.

2 Yohane 1:9

Ope-ope tauna au megaaki hangko i paturo au tou hai barahe moula paturona Kerisitu, tauna iti barahe mohintuwu hai Pue Ala. Agaiana au moula liliu paturona Kerisitu, ihirami au mohintuwu hai Pue Ala Umanta hai Yesu AnaNa.

Pampetudungia 2:18

Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Tiatira: Idemi lolitana Anana Pue Ala au mataNa mewangka nodo rore api hai bitiNa mengkila-ngkila nodo suasa au hangko roo rahowu.

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.

Pampetudungia 1:8

Nauli Pue Ala: “Ikomi Alpa hai Omega. Ikomi pepongkana hai au kahopoana. AraNa hangko i nguru-nguruna, ide-ide, hai batena ara liliuNa hawe i hae-haena. KuasaNgku melumbu hangko i hinangkana.”

Suro 18:5

Mewali, kahawenda Silas hai Timotiu hangko i tampo Makedonia, Paulu barapi mobago mobabehi atu bambaru hangko i koli, agaiana ia mopahawe liliumi Ngkora Marasa i to Yahudi, napololitaahe kana i Yesu, Datu Topehompo.

Pampetudungia 1:11

nauli, “Apa au nuita, nuuki i sura hai nupakatuahe jumaa au pitu ide: Epesu, Smirna, Pergamus, Tiatira, Sardis, Filadelfia hai Laodikia.”

1 Yohane 1:3

Apa au kiita hai kihadimi, iti au kipahaweakau bona ikamu wori mepoinalaikau hai peisakau mohintuwu hai ikami i lalu pohintuwuki hai Pue Ala Umanta hai Yesu Kerisitu AnaNa.

2 Peturu 1:17

Lawi hangkoia i tempona Yesu napopeawa hai nabila Pue Ala UmaNa au mahile tuwoNa i wongko bulu, arangkai hihimbela hai Ia. I tempo iti, nauli Pue Ala: “Idemi AnaNgku au Kupokakaia hai Kupokatana.”

Ibarani 1:11

Ope-ope iti ina tuna, agaiana batenaKo ara liliu; ope-ope iti ina maluso nodo hampi.

Suro 15:22

Roo indo, suronahe Pue Yesu, penatua-penatua hai ope-ope to Sarani au teruhu inditi mopileihe bahangkia ranganda bona ratuduhe lao i Antiokia hihimbela hai Paulu hai Baranaba. Au rapilei iti, rodua tobalilo au rabila halalu hampepepoinalainda, iami Silas, hai Yudasi, au rahanga wori Barsabas.

Suro 9:20

I wanua Damsik, ia lao i sou-sou penombaa. Inditi mopahawemi bambari kana i Yesu iami Anana Pue Ala.

Suro 8:36

Tanganda mokareta, moitamohe owai i wiwi rara. Nauli to Etiopia iti i Pilipu, “Peita, indolou ara owai. Peisana nuriu?”

Yohane 20:31

Agaiana apa au kuuki ide, kuuki bona nipoinalai kaYesunami Datu Topehompo, Anana Pue Ala, hai bona molambikau katuwo maroa au bara mokahopoa hangko i pepoinalaimi Iria.

Yohane 19:7

Rauli tadulakonda to Yahudi, “Moula atura agamangki, Ia hangangaa rahuku mate, lawi Nauli kaIana Anana Pue Ala.”

Yohane 8:58

Nauli Yesu, “Tou mpuu lolitaNgku ide: hangko damani Burahima mesupa, Iko aramoNa!”

Yohane 6:69

Ikami, kipoinalaimi hai kiisa kaOiona mpuu Suro au malelaha hangko i Pue Ala.”

Yohane 3:16

Anti kamahilena ahina Pue Ala i ope-ope tauna i dunia, ido hai Nakirami AnaNa au HaduduaNa bona hema pea au mepoinalai Iria, bara rahuku, agaiana molambi katuwo maroa au bara mokahopoa.

Yohane 1:49

Nauli Natanael, “Guru, tou mpuu AnanaKo Pue Ala! Oio mpuumi Datunda to Isaraeli!”

Lukasi 1:35

Nahanai malaeka, “Inao Malelaha ina mendaulu irio, hai kuasana Pue Ala ina mobobongiko. Ido hai anangkoi au ina nupoanaka iti, ina rauli Anana Pue Ala au Malelaha.

Markus 1:1

Idemi Ngkora Marasa, tuntukana katuwona Yesu Kerisitu, Anana Pue Ala.

Matiu 27:54

Tadulako surodado hai surodadona au mokampai Yesu, langa mpuuhe mohadi linu hai moita ope-ope au mewali iti. Rauli, “Tou mpuu Ia ide Anana Pue Ala!”

Matiu 27:40

rauli, “Nuuli ina mogeroKo Souna Pue Ala hai Nuaro hule i lalu talu alona! Ane Anana mpuuKo Pue Ala, tulungimide wataMu! MendaulumoKo hangko i kau mombehape iti!”

Matiu 24:35

Langi hai tampo ina magero, agaiana lolitaNgku batena ara hawe i hae-haena.”

Matiu 17:5

Tangana mani Peturu mololita, unga pea hawe gawu au mewangka mobalungkuhihe, hai hangko i lalu gawu iti mohadihe hambua wotu au manguli, “Idemi AnaNgku au Kupokakaia hai au Kupokatana. Nipehadingi lolitaNa!”

Matiu 3:17

Roo nodo, rahadimi wotuna Pue Ala hangko i langi au manguli, “Ia idemi AnaNgku au Kupokakaia hai Kupokatana.”

Yohane 20:28

Nauli Tomas, “Oiomi Ampuku hai Pue Ala au kupenombai!”

Matiu 4:3

I tempo iti, hawemi Datu Tokadake mouliangaa, “Ane tou-tou AnanaKo Pue Ala, Nutuduhe watu ide mewali roti!”

Suro 16:1

Paulu mopaliliu polumaona lao i wanua Derbe hai i wanua Listra. I wanua Listra, ara hadua tobalilo au mepoinalai i Yesu, hangana Timotiu. Inana Timotiu, to Yahudi au mepoinalai wori i Yesu. Umana to Yunani.

2 Korintu 1:1

Sura ide hangko iriko Paulu, au naangka Pue Ala mewali surona Kerisitu Yesu moula peundeaNa, hai hangko i Timotiu, halalunta hampepepoinalai, kipakatu irikamu jumaa au ara i wanua Korintu hai i ope-ope to Sarani au i propinsi Akaya.

1 Tesalonika 1:1

Sura ide hangko irikami: Paulu, Silas hai Timotiu. Kipakatuakau jumaa i Tesalonika au mohintuwumokau hai Pue Ala Umanta hai Pue Yesu Kerisitu! Mekakaengkai i Pue Ala bona Nawatikau hangko i kabulana laluNa hai Naweikau roa ngkatuwo.

2 Tesalonika 1:1

Sura ide hangko irikami: Paulu, Silas hai Timotiu. Sura ide kipakatu irikamu halalungki hampepepoinalai i Tesalonika au menombakau i Pue Ala Umanta hai i Pue Yesu Kerisitu! Mekakaengkai bona Pue Ala Umanta hai Pue Yesu Kerisitu mowatikau hai moweikau roa ngkatuwo.

1 Timotiu 3:16

Maroa ntepuu paturo au tapeulai anti pengkorunta i Pue Ala. Hangkoia paturo iti bara raisa tauna, agaiana ide-ide natudungiamoke Pue Ala. Lawi idemi au tapoinalai kana i Yesu Kerisitu: Iami au mewali manusia, au napakanoto Inao Malelaha, hai au raita malaeka. BambariNa rapahawe i tauna au bara manihe moisa Pue Ala, hai Ia rapoinalai tauna i humalele dunia, hai naore Pue Ala lao i suruga i lalu peawaNa.

1 Peturu 5:12

Surangku au sosoe ide kuuki hai petulungina Silwanus, halalunta hampepepoinalai i Pue Yesu, hai kuisa ia ina mantaha liliu i lalu pepoinalaina. Inona kupahaweakau i kanoto-notoana noumba kamahilena ahina Pue Ala irikita bona maroho lalumi. Hangangaa tetida liliukau i kamaahiNa iti.