1 Yohane 5:7 - Sura Malelaha

^7-8 Mewali, ara talu pakana au mopakanotoake kaYesunami Anana Pue Ala iami, Inao Malelaha, owai au rariua hai waheNa Yesu i kapateNa. Au talu pakana iti himbela tunggaiana: mopakanotoake Iami AnaNa Pue Ala.

1 Yohane 5:7 교차 참조

Matiu 28:19

Mewali, laomokau i humalele dunia, nipopewalihe ope-ope tauna topeulaNgku, niriuhe i lalu hangana Uma hai Ana hai Inao Malelaha

Suro 5:32

Ikamimi sabina hinangkana iti, ikami hai Inao Malelaha, au nawei Pue Ala i ope-ope tauna au mengkoru i hawaNa.”

Yohane 1:1

Nguru-nguruna, hangko damani dunia rapopewali, arami Ngkora. Ngkora iti, aminami hihimbela hai Pue Ala, hai Ngkora iti iami Pue Ala haduduaNa.

Suro 2:33

Pue Ala mampopohudami Yesu i pohudaa au tebila hai teadai ntanda i koanaNa. Hai hangko indo, Pue Ala Umanta mowei i Yesu Inao Malelaha nodo au Nadandi. Mewali au niita hai au nihadimi inona, mewali anti kuasana Inao Malelaha au naweingkai Yesu.

1 Yohane 5:6

Yesu Kerisitu iami Anana Pue Ala au mai i dunia. Iami au rariu hai au rapapate. Mewali, kamaiNa i dunia ide, bara pea rariu, agaiana rapapate wori. Hai Inao Malelaha mopakanoto Yesu iami Anana Pue Ala, hai apa au nauli Inao Malelaha iti, batena mpuu tou.

Yohane 8:54

Nauli Yesu, “Ane mengkaiwongkoNa, bara ara pobunduana. Agaiana UmaNgkumi au mopaiwongkoNa, au niuli Pue Ala au nipenombai.

Matiu 17:5

Tangana mani Peturu mololita, unga pea hawe gawu au mewangka mobalungkuhihe, hai hangko i lalu gawu iti mohadihe hambua wotu au manguli, “Idemi AnaNgku au Kupokakaia hai au Kupokatana. Nipehadingi lolitaNa!”

Yohane 10:30

Iko hai UmaNgku, hadua peaNgkai.”

Yohane 5:26

Lawi UmaNgku makuasa mopatuwo tauna. Nodo wori Iko, AnaNa, NaweiNa kuasa mopatuwo tauna.

Pampetudungia 19:13

HampiNa raememi i wahe. HangaNa iami: “Ngkorana Pue Ala.”

Yohane 12:28

Uma, patongawamide peawana hangaMu!” Roo indo, ara hambua wotu hangko i langi au manguli, “Kupatongawami peawana hangaNgku hai ina Kupatongawa mbuli.”

Yohane 8:18

Ara rodua sabiNgku: Iko haduduaNgku hai karoduana, iami UmaNgku au motuduNa.”

Matiu 18:16

Agaiana ane bara naunde mampeulai lolitamu, nukakio hadua ba rodua tauna nuporanga mopahawe lolitamu iria. Lawi i lalu Sura Malelaha hangkoia teuki node: ‘Ane ara tauna au rasalai, hangangaa ara rodua ba talu tauna au mosabiki katouna kamasalana, bona manoto kara-karana.’

1 Yohane 1:1

Sura ide mampololita kana i Ngkora au mopaara katuwo. Ngkora iti, arami hangko i nguru-nguruna, kihadimi, kiita matami, kisabikimi hai kipetobomi.

Yohane 14:17

Topetulungi iti, iami Inaona Pue Ala au moninikau i paturo au tou. Tauna au bara mepoinalai, barahe peisa modoko Inaona Pue Ala, lawi bara raita hai bara raisa. Agaiana ikamu, niisami, lawi Naporangaimokau ide-ide, hai ina maida i lalumi.

Yohane 15:26

Ina mai Inao Malelaha, lempona Inao au mesuwu hangko i Pue Ala hai au moninikau i paturo au tou. Ia Topetulungi au ina Kutudu mai irikamu au hangko i UmaNgku. Ane mai, Ia ina mosabi kana Iriko.