1 Yohane 5:18 - Sura Malelaha

¹⁸ Au taisa: ope-ope tauna au napoana Pue Ala, barahe mobabehi liliu dosa, lawi nakampaihe Anana Pue Ala, ido hai barahe peisa nasilakai Datu Tokadake.

1 Yohane 5:18 교차 참조

1 Yohane 3:9

Ope-ope tauna au napoana Pue Ala, barapohe mobabehi dosa, lawi poantina Pue Ala arami i lalunda. Barapohe mobabehi dosa, lawi napoanamohe Pue Ala.

1 Yohane 5:4

lawi ope-ope tauna au napoana Pue Ala monangihe hinangka au kadake i dunia ide. Anti pepoinalainta, monangike hinangkana au kadake iti.

Yudasi 1:21

Hangangaa tuwokau i lalu pepokaahina Pue Ala, tangami mampegia pekiraina Amputa, Yesu Kerisitu, au ina moweike katuwo au bara mokahopoa.

1 Yohane 5:1

Ope-ope tauna au mampoinalai Yesu iami Datu Topehompo, ihirami au napoana Pue Ala. Hai hema au mampokaahi Pue Ala Umanta, batena mampokaahi wori ope-ope tauna au napoana Pue Ala.

Yudasi 1:24

Toiami Pue Ala au makuasa mokampaikau datikau manawo, hai Iami au mokampaikau bona malelaha liliukau duuna Naantikau lao i lindoNa au buke peawa i lalu katana-tana.

1 Yohane 3:3

Hai ope-ope tauna au moharungahe iti hangko i Kerisitu, ina mopakaraohe hinangka dosa hangko i watanda bona malelaha tuwonda nodo kamalelahana Kerisitu.

Yakobu 1:27

Ane mampeinaoke mewali tauna au maroa posaraninta hai au bara ara kamakuranta ba kamasalanta i peitana Pue Ala Umanta, idemi au hangangaa tababehi: motulungike anangkoi au ilu hai tobemba au meahi-ahi tuwonda, hai ineeke moula babehianda tauna au barahe moisa Pue Ala.

1 Peturu 1:23

Lawi molambimokau katuwo au wou, hai katuwo au wou iti bara hangko i manusia au peisa mate. Katuwo iti naweikau Pue Ala au bara ara kahopoana. Molambikau katuwo au wou lawi mepoinalaimokau i Ngkorana Pue Ala au tuwo hai au bara mokahopoa.

1 Yohane 2:29

Niisato halalu, Kerisitu mobabehi peundeana Pue Ala. Ido hai niisa wori: ope-ope tauna au mobabehi peundeana Pue Ala, napoanahe Pue Ala.

Yohane 15:9

Nodo UmaNgku mampokaahiNa, Iko wori mampokaahikau. Hangangaa tuwo liliukau i lalu ahiNgku.

Pampetudungia 2:13

Nauli: Kuisa iumba paidaami. Maidakau i wanua pohudaana Datu Tokadake. Agaiana nipangaku liliuNa. I karapapatena sabiNgku Antipas, bara nisapuaka kanipoinalaiNgku. Antipas iti iami sabiNgku au mopangaku liliuNa duuna rapapate i boeami au nakuasai Datu Tokadake.

1 Yohane 5:21

Anangku, hangangaa menomba peakau i Pue Ala, ineekau menomba i apa pea au ara i dunia ide. Hangko iriko YOHANE

1 Yohane 4:6

Agaiana ikita halalu, napoanamoke Pue Ala. Hai tauna au moisa Pue Ala, mampehadingi hai mampeulaihe paturongki. Agaiana tauna au barahe hangko i Pue Ala, barahe mampeulai paturongki. Iti au mopakanotoake kahemana au nakuasai Inaona Pue Ala, au mopahawe paturo au tou, hai kahemana au nakuasai inao au mepawuli.

Yohane 15:7

Ane mohintuwu liliukau hai Iko hai lolitaNgku nipailalu liliu, niperapimi i Pue Ala ba apa peundeami, batena Naweikau.

Yohane 1:13

Mewalihe anana Pue Ala bara hangko i ulu bubunda, ba anti posamboko tauna ba anti i peundea manusia. Batena pea mpuu Pue Ala au mampopewalihe anaNa.

1 Yohane 3:12

Ineeke mampeulai babehiana Kai. Kai iti napoana Datu Tokadake, alana mopapate adina. Moapari pane ia mopapate adina? Lawi ia kadake babehiana, agaiana adina manoto babehiana.

Suro 11:23

Baranaba iti, tauna au maroa laluna. Ia nakuasai Inao Malelaha hai maroho pepoinalaina. Kahawena Baranaba i Antiokia, matana mpuu laluna, lawi naita kamahilena pewatina Pue Ala irihira au mepoinalai i Yesu. Mewali, Baranaba mopakaroho lalunda, hai nauliangaahe bona mampeulai liliuhe Pue Yesu hangko i lalunda. Ido hai bosa wori to Antiokia mepoinalai i Pue Yesu.

Yohane 15:4

Mohintuwu liliumokau hai Iko, hai Iko wori ina mohintuwu hai ikamu. Daa au bara mentaka i patoa anggoro, bara mowua. Batena pea daa au mentaka i patoana ina mowua. Nodo wori ikamu: barakau peisa mowua ane barakau mohintuwu liliu hai Iko.

Yohane 14:30

Barapi ngkaia katepakaNgku mololita hai ikamu, lawi ina hawemi Datu Tokadake. Ia au mokuasai dunia ide, agaiana bara makuasa Iriko.

Yakobu 1:18

Napopewalimoke anaNa moula peundeaNa haduduaNa melempo i Ngkora Marasa, au bara ara kamasalana, bona hangko i ope-ope au Napopewali, ikitami au Napokatana ntepuu.

Matiu 5:37

Ane tunggaiamu manguli io, nuuli ‘Io.’ Ane tunggaiamu manguli bara, nuuli ‘Bara.’ Bara maroa ane nupakaroho lolitamu hai sumpa, lawi babehia au nodo mesupa hangko i Datu Tokadake.”

Matiu 6:13

Inee wongkamia Nupogiangaa nakelo tokadake agaiana Nukabaha wongkamia hangko i kuasa au kadake. [Lawi Oiomi ampu Kadatua hai Kuasa hai Peawa, hawe i hae-haena. Amin.]

1 Yohane 5:15

Hai ane taisa kanapehadingiNa pamperapita, taisa wori kamolambita apa au taperapi Iria.

1 Yohane 5:19

Hai taisami: ikita ide napoanamoke Pue Ala, hai ope-ope dunia ide nakuasai Datu Tokadake.

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.