1 Yohane 4:6 - Sura Malelaha

⁶ Agaiana ikita halalu, napoanamoke Pue Ala. Hai tauna au moisa Pue Ala, mampehadingi hai mampeulaihe paturongki. Agaiana tauna au barahe hangko i Pue Ala, barahe mampeulai paturongki. Iti au mopakanotoake kahemana au nakuasai Inaona Pue Ala, au mopahawe paturo au tou, hai kahemana au nakuasai inao au mepawuli.

1 Yohane 4:6 교차 참조

Yohane 14:17

Topetulungi iti, iami Inaona Pue Ala au moninikau i paturo au tou. Tauna au bara mepoinalai, barahe peisa modoko Inaona Pue Ala, lawi bara raita hai bara raisa. Agaiana ikamu, niisami, lawi Naporangaimokau ide-ide, hai ina maida i lalumi.

Yohane 10:27

Dimbaku mohadi wotungku. Kuisa mpuuhe, hai raulana.

Yohane 15:26

Ina mai Inao Malelaha, lempona Inao au mesuwu hangko i Pue Ala hai au moninikau i paturo au tou. Ia Topetulungi au ina Kutudu mai irikamu au hangko i UmaNgku. Ane mai, Ia ina mosabi kana Iriko.

1 Yohane 4:1

Halalu au kupokaahi! Ineehe hampai nipoinalai ope-ope tauna au mouli kaarana Inaona Pue Ala irihira. Nipeita maroahe, ba tou-tou mpuuhe hangko i Pue Ala ba bara. Lawi iumba-umba pea, arahe nabi au mepawuli.

1 Yohane 4:4

Agaiana ikamu anangku, napoanamokau Pue Ala, hai ninangimohe nabi au mepawuli iti, lawi Inao au ara i lalumi melumbu kuasana hangko i inao au ara i lalunda au barahe mepoinalai i Pue.

Yohane 18:37

Nauli mbuli Pilatu, “Ane nodo, tou mpuu pae datuKo?” Nauli Yesu, “Nodo au nuuli Iko ide datuNa. Ido hai rapoanakaNa i dunia ide bona mopahaweNa apa au tou. Tauna au naunde moula apa au tou, mampehadingihe lolitaNgku.”

1 Korintu 14:37

Ane arahe tauna au manguli, “Molambina kapande mopahawe lolita hangko i Pue Ala,” ba “Molambina kapande hangko i Inao Malelaha,” tauna iti hangangaa mopangaku apa au kuuki ide iami parenta hangko i Pue.

2 Tesalonika 1:8

Hai Iami au ina mohuku tauna au barahe moisa Pue Ala hai au barahe mampeulai Ngkora Marasa au mopahawe kahemana Yesu Amputa.

Yohane 16:13

Ane hawe Inao Malelaha, Ia au ina moninikau hai mampopaisaakau ope-ope paturo au tou. Ia bara mololita moula peundeaNa. Apa au Nahadi hangko i UmaNgku, iti au Napololita. Hai Ia ina mopahaweakau apa au mewali i alo au ina mai.

1 Yohane 4:8

Tauna au barahe mampokaahi ranganda, bara manihe moisa Pue Ala, lawi Pue Ala iami ahi.

1 Timotiu 4:1

Inao Malelaha manguli i kanoto-notoana: i alo au ina mai, arahe tauna au ina mousuli hangko i pepoinalainda i paturo au tou. Ina mengkoruhe i kuasa au menawo-nawo hai mampeulaihe paturo au hangko i seta,

Yohane 13:20

Tou mpuu lolitaNgku ide: hema au modoko tuduaNgku, himbelami Iko au nadoko. Nodo wori, hema au modokoNa, himbelami Pue Ala au nadoko lawi Ia au motuduNa.”

Yohane 8:19

Rapekune toParisi, “Iumba UmaMu?” Mehana Yesu, “BaraNa niisa, ido hai bara wori niisa UmaNgku. Ane rapana niisa kahemaNgku i katou-touana, keniisa wori UmaNgku.”

Lukasi 10:22

Roo indo, nauli mbuli Yesu, “Hinangkana naweimoNa UmaNgku. Bara ara hadua au moisa kaIkona Anana Pue Ala, batena pea UmaNgku au moisaNa. Nodo wori, bara ara au moisa UmaNgku, batena pea Iko AnaNa hai hema pea au Kupopaisaa.”

Yudasi 1:17

Agaiana ikamu, halalungku au kupokaahi, hangangaa nikatuinao apa au hangkoia rapahawe surona Amputa Yesu Kerisitu.

2 Peturu 3:2

Tunggaiaku bona nikatuinao apa au rapahawemi nabi au malelaha hangkoia, hai bona nikatuinao wori hawana Amputa Pue Yesu au mohoremamoke hangko i huku dosanta. HawaNa iti nihadi hangko irikami suroNa.

2 Korintu 10:7

Nipekiri maroa-roa! Ane nipakanoto i lalumi kaikamuna topeulana Kerisitu, hangangaa nipangaku kaikamina wori topeulana Kerisitu.

Roma 11:8

nodo au teuki i lalu Sura Malelaha, “Napatuhumi Pue Ala lalunda. Matanda Natuko datihe moita rara au manoto. Talinganda nasisingi datihe mohadi bambari au tou duuna ide-ide.”

Roma 1:1

Sura ide hangko iriko, Paulu, hawina Yesu Kerisitu, au Napilei hai Natudu mobambari Ngkora Marasa hangko i Pue Ala.

Yohane 20:21

Nauli mbuli Yesu, “Katinda lalu hawe irikamu. Nodo UmaNgku motuduNa, nodo wori Iko motudukau.”

Yohane 10:16

Ara manihe dimbaKu au ntanina, agaiana barahe hangko i gimpu ide. Ihira, hangangaa Kunini worihe mai. Ina raisa mpuu wotuNgku, ina mewali peahe hantobu, hai hadua pea au mamporewuhe.

Yohane 8:23

Nauliangaahe Yesu, “Ikamu to i duniakau, Iko maiNa hangko i wongko. Ikamu hangko i dunia ide, Iko baraNa hangko i dunia ide.

Yohane 10:3

Topokampai gimpu mobungkahia babaka, hai dimbana, raisa mampekatandai wotuna. Toporewu iti mokakio hanganda hambaa-hambaa hai naerihe lao i raoa.

1 Yohane 5:19

Hai taisami: ikita ide napoanamoke Pue Ala, hai ope-ope dunia ide nakuasai Datu Tokadake.