1 Yohane 4:4 - Sura Malelaha

⁴ Agaiana ikamu anangku, napoanamokau Pue Ala, hai ninangimohe nabi au mepawuli iti, lawi Inao au ara i lalumi melumbu kuasana hangko i inao au ara i lalunda au barahe mepoinalai i Pue.

1 Yohane 4:4 교차 참조

Roma 8:31

Ane tapailalu ope-ope au nababehi Pue Ala iti, marohomi lalunta. Ane natulungike Pue Ala, hema pae au ina moewake!

1 Yohane 5:4

lawi ope-ope tauna au napoana Pue Ala monangihe hinangka au kadake i dunia ide. Anti pepoinalainta, monangike hinangkana au kadake iti.

Roma 8:37

Agaiana kehapiri ba apa au morumpake, batena menangi liliuke, anti pepokakaiana Yesu irikita!

1 Yohane 4:16

Ido hai taisa hai tapoinalai ahina Pue Ala irikita, lawi Pue Ala iami ahi. Mewali, hema au mampokaahi liliu halaluna, iami au mohintuwu hai Pue Ala, hai Pue Ala mohintuwu hai ia.

1 Korintu 2:12

Hai ikita, barake molambi inao hangko i dunia ide, agaiana molambike Inaona Pue Ala bona taisa hinangkana au nawei mberoke Pue Ala.

1 Yohane 5:19

Hai taisami: ikita ide napoanamoke Pue Ala, hai ope-ope dunia ide nakuasai Datu Tokadake.

1 Yohane 4:13

Hintuwumoke hai Pue Ala, hai Pue Ala mohintuwu hai ikita. Iti taisa lawi Naweike InaoNa.

Epesu 6:10

Kahopoana halalu, hangangaa marohokau i lalu karoho au nihumba hangko i kuasana Pue, lawi mohintuwumokau hai Ia.

Epesu 3:17

Kuharunga anti pepoinalaimi, Kerisitu ina maida i lalumi. Mekakaena bona nodo tuda-tuda ina mouakakau, hai moarokau tuwomi i ahiNa.

Pampetudungia 12:11

Halalunta au hampepepoinalai iti monangimohe Datu Tokadake. Menangihe hai kuasa wahena Ana Dimba au mate mohoremahe hangko i huku dosanda. Menangihe lawi mopangaku liliuhe ka Ana Dimbana Ampunda. Menangihe lawi kehapirihe rapopeahi-ahi ba rapapate, barahe mousuli hangko i pepoinalainda.

1 Yohane 3:24

Tauna au moula hawana Pue Ala, mohintuwu liliuhe hai Ia, hai Ia mohintuwu hai ihira. Iti taisa, lawi Pue Ala mokiraiamoke InaoNa.

Yohane 12:31

Ide-ide hawemi tempona Pue Ala hangangaa mobotusi ope-ope manusia i dunia. Hai hawe worimi tempona Datu Tokadake au mokuasai dunia ide hangangaa ranawo.

Yohane 17:23

Iko mohintuwu hai ihira, hai Oio mohintuwu hai Iko bona ihira ina mewali mpuuhe hampepekiri. Ane nodo, ope-ope tauna ina moisa kaOiona au motuduna hai kaNupokaahinda tauna au mepoinalai Iriko nodo kaNupokaahiNgku.

1 Yohane 4:6

Agaiana ikita halalu, napoanamoke Pue Ala. Hai tauna au moisa Pue Ala, mampehadingi hai mampeulaihe paturongki. Agaiana tauna au barahe hangko i Pue Ala, barahe mampeulai paturongki. Iti au mopakanotoake kahemana au nakuasai Inaona Pue Ala, au mopahawe paturo au tou, hai kahemana au nakuasai inao au mepawuli.

2 Korintu 6:16

Peisa pae Souna Pue Ala rapopogulu hai sou penombaa i anitu? Ikita ide rapandiri nodo souna Pue Ala, lawi Pue Ala au tuwo maida i lalunta. Nodo au teuki i Ngkorana Pue: “Ina maidaNa i olonda hai ina Kuporangaihe. Ina mewaliNa Pue Ala au rapenombai, hai ihira ina mewalihe taunaNgku.”

1 Yohane 2:13

Uma-uma, kuukiakau sura ide, lawi moisamokau Ia au ara hangko i nguru-nguruna. Ope-ope anantomoane hai anantowawine, kuukiakau sura ide, lawi monangimokau Datu Tokadake.

1 Korintu 6:13

Ara wori lolita, “Paande mobundu i tainta, hai tai mobundu rapoihii paande.” Tou lolita iti, agaiana hambela tempo hinangkana iti ina napatuna Pue Ala. Agaiana watanta ide bara napopewali Pue Ala bona mebualosike. Watanta hangangaa tapake mobabehi peundeana Pue. Iami ampuna watanta.

Epesu 2:2

I tempo iti, babehiami alo-alona moula babehianda tauna au kadake i dunia ide; lempona matundukau i Datu Tokadake au makuasa i laerawa. Kuasa iti duuna ide-ide, mobago liliu i lalunda tauna au barahe mengkoru i Pue Ala.

Yohane 16:11

Hai Ia ina mopakanoto wori kanahukunda Pue Ala tauna au madosa, lawi Datu Tokadake au mokuasai dunia ide rahukumi.

2 Korintu 4:4

Napawulihe Datu Tokadake au mokuasai dunia ide datihe mampoinalai Ngkora Marasa. Kuasa Ngkora Marasa bara mopamabaa lalunda. Mewali, barahe moisa peawana tuwona Kerisitu au mopatongawa peawana Pue Ala.

Yohane 14:30

Barapi ngkaia katepakaNgku mololita hai ikamu, lawi ina hawemi Datu Tokadake. Ia au mokuasai dunia ide, agaiana bara makuasa Iriko.

1 Yohane 2:1

Anangku, ide kuukiakau bona ineekau mobabehi dosa. Agaiana ane ara au mobabehi dosa, arami hadua au mamperuruike i lindona Pue Ala Umanta, iami Yesu Kerisitu au manoto.

1 Yohane 3:20

lawi ane nauli lalunta masalake, Pue Ala moisato ope-ope tuwonta. Hai ahiNa irikita melumbu hangko i lalunta au mosalaike.