1 Yohane 3:22 - Sura Malelaha

²² hai apa au taperapi Iria batena Naweike, lawi mampeulaike hawaNa hai mobabehike apa au mopamatana laluNa.

1 Yohane 3:22 교차 참조

Yohane 15:7

Ane mohintuwu liliukau hai Iko hai lolitaNgku nipailalu liliu, niperapimi i Pue Ala ba apa peundeami, batena Naweikau.

Yohane 9:31

Taisa Pue Ala bara mohanai perapinda tauna au madosa, agaiana Ia mampehadingi pamperapina tauna au mengkoru Iria hai au mampeulai hawaNa.

Matiu 21:22

Apa pea au niperapi i lalu pekakaemi, ane nipoinalai, batena ina nilambi.”

1 Yohane 5:14

Baimoke mekakae i Pue Ala, lawi taisa kaNapehadingina pamperapita, asala pamperapita moula peundeaNa.

Markus 11:24

Mewali, nipehadingi lolitaNgku ide: ane mekakaekau mamperapi ba apa-apa, hangangaa nipoinalai kaina Naweimi Pue Ala apa au niperapi, hai batena nilambi.

Yohane 14:13

Mewali, apa au niperapi anti pepoinalaimi Iriko, ina Kubabehi, bona apa au Kubabehi iti mampomahile UmaNgku.

Yakobu 1:5

Ane arakau au bara moisa rara mokadipura tuwomi, agina niperapi kanoto lalu hangko i Pue Ala, hai batena Naweikau. Lawi apa au Nakira, Nakiraiahe ope-ope tauna hangko i kabulana laluNa, barahe Nawei ngkahunda-hunda.

Yohane 8:29

Hai Ia au motuduNa, mamporangai liliuNa. BaraNa Napogiangaa haduduaNgku, lawi Kubabehi liliu apa au mopamatana laluNa.”

Kolose 1:10

bona babehiami ina hintoto hai tauna au moula peundeana Pue, hai bona ope-ope babehiami ina mopamatana laluNa. Ane nodo katuwomi, ina mobabehikau hinangka bago au maroa, hai ina katetetambaia poisami Pue Ala i lalu katuwomi.

Yakobu 5:16

Ido hai hangangaa mangaku salakau i hangka rangami, hai mombepekakaeakau bona maohakau. Tauna au manoto babehianda pemoso mpuu pekakaenda.

Ibarani 13:21

Kuperapi bona handa kaNaparewaimi i hinangkana au maroa bona peisakau mobabehi peundeaNa. Kuperapi bona anti pohintuwuta hai Yesu Kerisitu, Pue Ala mobago i lalunta bona Napokatana mpuuke. Tatoiami Pue Yesu hawe i hae-haena. Amin.

Yohane 6:29

Nauli Yesu, “Mepoinalaikau Iriko au NatuduNa mai. Itimi bago au naunde Pue Ala.”

Pilipi 4:18

Mewali bona niisa: ope-ope au nipakatu, kulambimi hangko i Epafroditus. Pakatumi iti bara pea handa, agaiana melabitori hangko i apa au kuparaluu. Kabula lalumi iti nodo anu-anu mawongi au nipopenomba i Pue Ala. Popenombami iti Napokana mpuu, hai matana laluNa modoko.

Suro 17:30

Hangkoia, menombake i anitu. Nauri nodo, barake nahuku Pue Ala. Ia motuko pea mataNa i kantulita iti. Agaiana ide-ide, Natuduhe ope-ope tauna i humalele dunia bona menosohe hangko i dosanda.

Yohane 15:10

Iko mampeulaiNa hawana UmaNgku hai tuwo liliuna i lalu ahiNa. Nodo wori, ane nipeulai hawaNgku, ina tuwo liliukau i lalu ahiNgku.

Matiu 17:5

Tangana mani Peturu mololita, unga pea hawe gawu au mewangka mobalungkuhihe, hai hangko i lalu gawu iti mohadihe hambua wotu au manguli, “Idemi AnaNgku au Kupokakaia hai au Kupokatana. Nipehadingi lolitaNa!”

Suro 20:21

Kupopaingaa liliukau, maroa ikamu to Yahudi maroa ikamu au bara to Yahudi bona menosokau hangko i dosami hai mepoinalaikau i Amputa Pue Yesu.

Yakobu 4:3

Nauri pae niperapimi, agaiana bara ina nilambi, lawi tunggaiami bara maroa. Lawi apa au niperapi iti, ina nipake pea mopabukei peundeana lalumi haduduami.

1 Yohane 2:3

Ane mampeulaike hawana Pue Ala, iti au mopakanoto kamoisanta mpuu Pue Ala.