1 Yohane 2:21 - Sura Malelaha

²¹ Mewali, tunggaiaku moukiakau sura ide bara anti kadami moisa paturo au tou. Agaiana kuukiakau sura ide, lawi moisamokau paturo au tou, hai moisa worimokau kadana mpuu ara dongko au hangko i paturo au tou.

1 Yohane 2:21 교차 참조

2 Peturu 1:12

Mewali halalu, nauri niisa ope-ope ide, hai nauri maroho peulami i paturo au tou, agaiana barana oha-oha mampopaingaakau paturo ide.

Yudasi 1:5

Mewali, halalu, katouana ope-ope au kuuliangaakau ide niisami. Agaiana nauri nodo, kupeinao mampopainga hulekau noumba pehukuna Pue Ala i tauna au kadake babehianda. Hangkoia Pue Ala mokabaha to Yahudi au bosa hangko i tampo Masiri. Agaiana roo indo, arahe au bara mepoinalai Iria. Mewali tauna iti napapatehe Pue Ala i pada wungi.

Yohane 8:44

Umami iami Datu Tokadake! Hai nipeinao moula liliu peundeana umami iti. Hangko i nguru-nguruna ia topepapatemi. Paturona bara tou, lawi bara ara au tou iria. Ane modongko, itimi poantina, lawi ia topodongko mpuu, hai ope-ope tauna au modongko moulahe peundeana.

Yohane 18:37

Nauli mbuli Pilatu, “Ane nodo, tou mpuu pae datuKo?” Nauli Yesu, “Nodo au nuuli Iko ide datuNa. Ido hai rapoanakaNa i dunia ide bona mopahaweNa apa au tou. Tauna au naunde moula apa au tou, mampehadingihe lolitaNgku.”

Yakobu 1:19

Halalungku au kupokaahi! Nipailalu maroa lolita ide: ikita ope-ope hangangaa manaki talinganta mampehadingi lolitana tauna, hai ineeke sosa mololita hai ineeke hoholiga rumpu.

1 Yohane 3:19

Ane mampokaahike halalunta, manoto taisa ikita ananake Pue Ala, alana peisake mopatinda lalunta i lindoNa,