1 Yohane 1:9 - Sura Malelaha

⁹ Ane mopangakuke dosanta, Pue Ala ina mopabukei dandiNa irikita, hai Nababehiake apa au manoto: Ia moampungi dosanta, hai mobahoi lalunta hangko i hinangka dake.

1 Yohane 1:9 교차 참조

Matiu 3:6

Maihe mopangaku dosanda, hai nariuhe i owai Yarade.

Markus 1:5

Bosa tauna au hawe mampeinao mampehadingi lolitana. Arahe au hangko i wanua Yerusale hai hangko i humalele tampo Yudea, maihe mopangaku dosanda hai nariuhe i owai Yarade.

Lukasi 22:57

Nasapuaka Peturu, nauli, “Bara kuisa tauna iti!”

Yohane 17:25

O UmaNgku au manoto, baraKo raisa tauna i dunia ide. Agaiana Iko, KuisaKo. Hai ope-ope tauna au mepoinalai Iriko moisa kaOiona au motuduNa.

Suro 19:18

Tempo iti, bosa tauna au mepoinalaimohe mangaku i lindonda tauna bosa, kamobabehinda worimi babehia au nodo.

Roma 3:26

Agaiana ane Pue Ala bara mohuku manusia au madosa, lempona Ia bara manoto. Mewali i kapatena Yesu, Pue Ala mampetudungia kamanotoNa, lawi dosa manusia nahurumi Yesu. Ido hai taisa kamanotona Pue Ala hai taisa wori Pue Ala ina moimba manoto ope-ope tauna au mepoinalai i Yesu.

1 Korintu 1:9

Pue Ala mokakiokau bona mohintuwukau hai AnaNa, Yesu Kerisitu Amputa, hai Ia mopabukei liliu dandiNa irikita.

1 Korintu 6:11

Halalu, arakau au nodo babehiami hangkoia. Agaiana Napamalelahamokau Pue Ala hai Napopewalimokau taunaNa. Napamanotomokau i peitaNa anti pohintuwumi hai Pue Yesu Kerisitu hai anti kuasana Inaona Pue Ala Amputa.

Epesu 5:26

Ope-ope iti Nababehi bona Napatanike mewali taunaNa, Nabahoike hangko i dosanta hai owai hai NgkoraNa,

1 Timotiu 1:15

Manoto mpuu lolita au manguli: “Kerisitu Yesu mai i dunia bona mohorema tomadosa hangko i huku dosanda.” Tou mpuu lolita iti hai hintoto tapoinalai. Hai hangko i ope-ope tomadosa, ikomi au melumbu dosangku.

Titu 2:14

Yesu mokirami wataNa rapapate mohuru dosanta bona Nakabahake hangko i ope-ope babehianta au kadake, hai Napopewalike taunaNa au malelaha hai au madota mobabehi au maroa.

Ibarani 10:23

Hangangaa meharunga liliuke i Yesu, hai ineeke langa mopangaku kaIana Amputa, lawi Pue Ala mopabukei liliu dandiNa irikita.

Ibarani 11:11

Anti pepoinalaina Burahima, Burahima hai Sara peisahe moana, nauri Burahima saemi hai Sara lalo. Iti mewali lawi manoto i laluna Burahima, Pue Ala ina mopabukei dandiNa iria.

Ibarani 6:10

Pue Ala batena manoto. Bagomi au nipobagomi hangko i lalumi au buke ahi bara ina naliu inaoNa. Manoto nipokaahi Pue Ala, lawi bosami belana motulungikau halalumi hampepepoinalai, maroa i tempo au liu, maroa ide-ide.

1 Yohane 1:7

Agaiana ane tuwoke i lalu kamabaa, nodo Pue Ala ara i lalu kamabaa, batenta mohintuwu hadua hai hadua, hai wahena Pue Yesu, Anana Pue Ala, ina mobahoike hangko i dosanta.

Pampetudungia 15:3

Mamponanimohe nanina nabi Musa, hawina Pue Ala hangkoia, hai nani pebilanda i Ana Dimba. Node naninda: “O Pue Ala, mahile hai maroa ntepuu babehiaMu, Melumbu kuasaMu hangko i hinangkana! Ope-ope au Nubabehi, manoto hai tou. Oiomi datunda ope-ope tauna i dunia.