1 Timotiu 6:14 - Sura Malelaha

¹⁴ hangangaa nupeulai ope-ope hawa ide i karoa-roakana dati ara kamasalamu duuna hawe hule Amputa Yesu Kerisitu

1 Timotiu 6:14 교차 참조

2 Peturu 3:14

Mewali halalu au kupokaahi, tangami mampepegia alo iti, nipari-pari meula i Pue bona maroa pohintuwumi hai Ia, hai bona bara ara kamasalami ba kamaeami ane hawekau i lindona Pue Ala.

1 Peturu 1:7

Narumpakau kapari bona ane mantahakau ina tongawa mpuu kamarohona pepoinalaimi. Ane bulawa rawoli i api, tongawa bulawa ba bara. Agaiana melumbu kamasulina pepoinalaimi pane bulawa, lawi bulawa bara mantaha hawe i hae-haena. Bulawa hangangaa raparesa i lalu api. Nodo wori pepoinalaimi hangangaa rapetandaka i tempomi narumpa kapari. Mewali ane maroho mpuu pepoinalaimi, ikamu ina ratoia, rabila hai rapomahile i kahaweNa hule Yesu Kerisitu i dunia.

1 Tesalonika 5:23

Mekakaengkai i Pue Ala au moweike roa ngkatuwo, kiuli, “O, Pue Ala! Kiperapi bona babehianda to Tesalonika Nupamanoto liliu, duuna malelaha ntepuu katuwonda. Nuporangaihe i lalu katuwonda, maroa lalunda ba pekirinda ba watanda bona dati ara kamasalanda i kahaweNa hule Amputa Yesu Kerisitu.” Nodomi pekakaengki.

Yudasi 1:24

Toiami Pue Ala au makuasa mokampaikau datikau manawo, hai Iami au mokampaikau bona malelaha liliukau duuna Naantikau lao i lindoNa au buke peawa i lalu katana-tana.

Ibarani 9:28

Nodo wori, Kerisitu hambela pea mohuhu wataNa i Pue Ala mohalea dosa tauna bosa. Hai hambela tempo, Ia ina mai i karombelana i dunia ide. Kamaina iti, barapi mai mohalea dosanta. Agaiana mairi moanti katehorema i tauna au mampepegia kahaweNa.

Titu 2:13

Lawi ide-ide, tanganta mampegia alo pewalina apa au taharunga, iami alo au buke katana-tana. I tempo iti, ope-ope tauna ina moita kuasana Pue Ala au mahile tuwoNa, hai Datu Topehoremanta, iami Yesu Kerisitu.

Pampetudungia 1:7

Peita! Ora mai i lalu gawu! Ia ina raita ope-ope tauna, tepesua tauna au motambuku lompeNa hangkoia. Hai ope-ope tauna i dunia ina moteriahe. Nodo mpuumi pewalina! Amin!

Ibarani 9:14

pelumbunami wahena Kerisitu! Anti kuasana Inao Malelaha au tuwo hawe i hae-haena, Kerisitu mohuhu wataNa i Pue Ala bona rapapate mewali popenomba au bara ara kamakurana. WaheNa iti mobahoi lalunta hangko i hinangka babehianta au moantike i kapate bona peisake menomba i Pue Ala au tuwo.

2 Timotiu 4:1

Timotiu! Paturongku ide kupahawe hangko i lalungku mpuu. Ane hawe hulemi Pue Yesu i dunia ide, Ia ina moparenta nodo hadua Datu, hai mobotusi kara-karanda ope-ope tauna, maroa au tuwo manihe, maroa au matemohe. Ido hai i lindona Pue Ala hai Kerisitu Yesu kuweiko lolita ide:

2 Tesalonika 2:8

Mewali, ane teweihami topehomboki iti, hangko haweri Manusia Kadake. Agaiana ane hawemi Pue Yesu hai kuasaNa au meawa, Manusia Kadake iti ina ope kuasana, lawi ia ina napapate Pue Yesu hai inao au mesuwu hangko i humeNa.

Kolose 4:17

Nipahawe i Arkipus bona hangko i laluna mampopolumao bago au nawei Pue!

Kolose 1:22

Agaiana ide-ide, anti kapatena AnaNa, mohintuwumokau hai Pue Ala, hai Napamalelahamokau duuna barapi ara kamasalami ba kamakurami i peitaNa,

Pilipi 1:10

Halalu, kuperapi nodo bona niisa rara mopilei apa au maroa ntepuu hai bona malelaha tuwomi duuna barapi ara kamasalami i alo kahawena hule Kerisitu.

1 Korintu 1:8

Ia ina mopakaroho pepoinalaimi duuna i kahopoa dunia bona ane Nakahaweikau Amputa Yesu Kerisitu i kahaweNa hule, barapi ara kamasalami.

1 Yohane 3:2

Halalu au kupokaahi! Ide-ide, ananamoke Pue Ala. Agaiana bara mani taisa noumba kamaroana katuwonta i alo au ina mai, lawi bara manike rapatongawaa. Nauri nodo au taisa iami: ane hawe hule Kerisitu, ina mewalike himbela hai Ia, lawi ina taita mpuu noumba lenggeNa au katou-touana.

1 Peturu 1:19

agaiana hai au meliu kamasulina, iami wahena Kerisitu. Kerisitu iti nodo hambaa ana dimba au bara ara hakina ba kamakurana. Iami au rahuku mate mopahurukau.

1 Timotiu 6:20

Oio Timotiu, napoinalaiamoko Pue Ala moanti paturo au manoto. Mewali, hangangaa nukingki maroa paturo iti dati ara au mobaliki. Karaohi lolita au bara mobundu hai paturo au bara manoto au rauli kapande agaiana bara tou.

2 Tesalonika 2:1

Kaliliuana halalu, kipeinao kiuliangaakau kana i kahawena hule Amputa Yesu Kerisitu, hai kana i kaina ragulunta bona hihimbelake hai Ia,

1 Tesalonika 3:13

Pue, kiperapi bona Nupakaroho lalunda bona malelahahe hai bara ara kamasalanda i lindoMu ane hawe hule Pue Yesu hai ope-ope taunaNa au malelaha. Amin.”

Pilipi 2:15

bona tongawa i ope-ope tauna ikamu ananakau Pue Ala, bara ara kamasalami, malelaha tuwomi hai bara ara tunggaiami au kadake. Nodo betue au mewangka mosimbaki kamakaindi, nodo worikau ikamu au maida i olonda tauna au motengko babehianda hai au kadake lalunda,

Pilipi 1:6

Pue Ala au mobago i lalumi, hai maroa mpuu bago au Napepongka i lalu katuwomi. Hai kupoinalai Pue Ala ina mopaliliu bago iti duuna hopo apa au Natunggai i lalu katuwomi i alo kahawena hule Kerisitu Yesu.

Epesu 5:27

bona mewalike tauanaNa au malelaha hai meawa, alana barapi ara kamasalanta hai kamakuranta i lindoNa.

2 Peturu 2:21

Aginami barahe moisa rara au tou, pane moisahe rara au tou agaiana moaehe hawana Pue Ala au rapahaweamohe.

2 Peturu 3:2

Tunggaiaku bona nikatuinao apa au rapahawemi nabi au malelaha hangkoia, hai bona nikatuinao wori hawana Amputa Pue Yesu au mohoremamoke hangko i huku dosanta. HawaNa iti nihadi hangko irikami suroNa.