16 Ane arahe to Sarani hai ara tinanda au bemba, agina ihira au mokadipurahe datihe mopamantimi jumaa au mokadipurahe tobemba iti. Lawi jumaa hangangaa mokadipura worihe tobemba ntanina au meahi-ahi mpuu tuwonda au barapohe ara mokadipura.
Lawi ane ara hadua tauna au manguli maroho pepoinalaina i Pue Ala, agaiana bara mokadipura halaluna hai tinana, babehiana iti mosapuaka pepoinalaina. Melumbu kakadakena hangko i tauna au bara mepoinalai i Pue Ala.
Tobemba au peisa rapopesua hanganda i lalu sura poukia hanga-hanga tobemba bona ratulungi hangka topepoinalainda, batena pea tauna au node: tinuwunda bara makura hangko i ini pulona parena hai au hadua pea tobalilona.
Hangangaa au manoto babehianda, pandirina: hangkoia mokadipura maroamohe ananda, matanahe modoko torare i sounda, motulungihe halalunda hampepepoinalai, mokadipurahe tauna au i lalu kapari, hai mobabehihe hinangkana bago au maroa.